Fwile 18:20 - Kazambale lé Sebe Sauunu 1979

²⁰ ’I Bale sɔnnénu valé alé bélidɔwenu paa munu gi; zi lé é a lé wo a ta tawo, ’bɛ valé we lé é a lé wa kɛlɛ, ’i wo bɔn‐in kini a nya.

Fwile 18:20 ပူးပေါင်းရင်းမြစ်များ

Lɛrɛvɔ Sɛbɛ 143:8

Maa ilé zin zuo ’ma bladi ma. Naa, maa a pale bii ɛ ta. Zi lé é a lé an tawo a ta, bé nagɔɔn an lɛ ma, Naa, an bɔn‐in bɔrɔle faa a i vazia.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Fwile 18:16

Dé we bɔ wo méléna, woo dan maa va; yé maa wolé we blé yé maa wo bɔn‐in kinié Kazambale lé bélidɔwenu valé a sɔnnénu ma.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Jérémi 42:3

Yé zi lé é a lé ko tawo a ta, Gakelebale ilé Bale ’é a gɔɔn ko lɛ, yé wean é a lé ko a kɛlɛ, ’é a gɔɔn ko lɛ.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Ézékiɛl 3:17

Blami be, maa i dɔ Izraɛlnu taginizan nya. ’I tɔné dɔ an dére lɛ, yé i dan we lɛ kini lɛ wo lɛ an dére nya.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Maak 13:34

É a bélé mi lé é go tawo lɛ, yé élé kɔn vo, yé é a se kɛlɛ é wuozannu lɛ, a zo. É wolé nyanama gɔɔn wo lɛ do do, yé é lé kɔntabinzan lɛ léé, ’é vo é yuɛma.

Bélidɔwesɛbɛ Fiézan 1:18

’Bɛ zoan maa fe ka lɛ yi la loo? Yé maa ka kɛlɛwe faa gɔɔn ka lɛ.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:5

Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 5:27

Naa, ka léé, ’maa bié yé ’maa tɔné dɔ Gakelebale, ’wolé Bale dére faa lɛ; we faa lé Gakelebale, ’wolé Bale é dan a fe lɛ yé bé zuo fe ’wo lɛ; ’wo dan a ’ma lɛ yé ’wo dan a kɛlɛ lɛ. A zo lé ka a fe an lɛ.

Bélidɔwesɛbɛ Fiézan 7:11

Bɛwemalé, a sɔnnénu valé alé bélidɔwenu valé ka gɔnɔlawenu lé maa wo gɔɔn ka lɛ kyɔ, ’ka wo lɛdɔma yé ’ka wo ta tawo.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.