Fwile 18:12 - Kazambale lé Sebe Sauunu 1979

¹² Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 18:12 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 26:25

É balebanna do kɛlɛ ana yé é Gakelebale tɔ laa ’bɛna yé élé sɔkɔn dɔ ana. Izak wuomunu ’yiguru do bo ana.

Wepélisiananu 26:30

Izak fɛti kɛlɛ wo lɛ yé wo fɛ ble yé wo ’yi mini.

Wepélisiananu 31:54

Jakɔb Bale ban gɔ nwiin, yé é ’é bwenu laa fɛblele ma. Wo fɛ ble yé wo yii gɔ nwiin.

Wepélisiananu 4:4

yé Abɛl é ziin, ’bɛ é ban élé trubɛ lé né vininnu valé wo nyɔnɔnu nya. Gakelebale Abɛl zé nyi si yé é ’bɛ ban‐ɛn ble;

Wepélisiananu 43:25

Wa fe wo lɛ kɔɔn léé, wo dan fɛ ble lɛ Jozɛfu va, bɛwemalé wo blannu ma’lɛrɛ yé wo Jozɛfu dale é yiéyi lɛbɛn.

Wepélisiananu 8:20

Noé bale banna do dɔ. É wi kenu si wi zinzinnu faa va, yé é miané kenu si miané zinzinnu faa va, yé é wo kyɛ ble Bale zé nya, balebanna ta.

2 Samuɛl 9:7

David lé a lɛ léé: Té i kana lo; naa, maa a a va léé, an wezin kɛlɛ i lɛ i ti Jonatan lé we ma. An dan i tra Saul lé tɛrɛnu faa nɔ lɛ i lɛ é ziin, yé i dan fɛ ble lɛ yifaama anlé kɔn ’léé.

2 Minwiinmunu lé Wezuofe Sɛbɛ 30:22

Ézékia fuu dɔ Lévinu faa ta é dérenu nya. Wo ’wuo a wo ta Gakelebale va nyanama pale we ma. Wo sarakabowinu ble yi sɔrafié wuo, ’té woo bɔvɔ sarakanu boo, ’té woo Gakelebale wo tranu lé Bale tɔ bɔa.

JOB (Job) 1:5

Dé fɛtikɛlɛyinu gié Job éé benu laan léé, ’é wo kɛlɛ tegele. Éé nwaan bladi tutu, yé balebanwi lé wa kyɛ blé, éé Bale baan é benu tɔ ma do do a nya, naa, Job léé: Dé an benu wenyané kɛlɛ yé wo Kazambale ’namawe kɛlɛ wo bli gii? Job kɛlɛwe lé ke bɛ.

JOB (Job) 42:11

Job bwenu koo, a buru koo, a béé vininnu koo, wo faa da we lɛ a va, yé wo fɛ ble a va alé kɔn gi. Wa gale nyɔ vɔ yé wa tɔrɔ paa we tɔntɔnnu faa lé Gakelebale a bɔ a ma, wolé we ma, yé wo faa gɔɔli valé bɛmakyan nɔ a lɛ.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Fwile 18:13

’Bɛ é tu kini, Moizi nyana munu lé we blele we gi, yé munu dɔ a ’lɛ, é sia bladi fɔɔ yé nyanadi pa.

Fwile 2:16

Madian balebanzan lunu a sɔrafié. Wo da ’yi tɔ lɛ yé wa zén winu lé ’yiminifɛ gi wo ti lé trubɛnu lé ’yi minile we ma.

Fwile 2:20

Yé Réuɛl lé é lunu lɛ léé: É a kyɛɛn? Mɛmalé ka gɔné ’ko vo ana mii? ’Ka a laa, ’é da fɛ ble.

Fwile 20:24

’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Fwile 24:11

É ’ka é bɛ nwa lɛ Izraɛl lé nénu va mi vabole ma lo. Wo Kazambale ye yé wo fɛ ble yé wo ’yi mini.

Fwile 24:5

É Izraɛlnu va pɛniɛnu nwunvɔ Gakelebale banle we gi, balebanwi lé wa kyɛ blé, a nya, ’bɛ valé bɔvɔ sarakanu bole dirigɔnénu nya we gi.

Fwile 3:1

Moizi é na ti, Madian balebanzan Jétro lé trubɛ tabin‐é; é go trubɛ nya nyéné lé fɛna zi yé é da Kazambale lé gɔ va, Orɛb gɔ va.

Fwile 33:7

Moizi sɔkɔn fwi yé é a dɔ sɔkɔnnu ma baa sɛ; é a laa, zén‐ékevasɔkɔn. Munu faa lé, woo we laan Gakelebale lee, woo goo zén‐ékevasɔkɔn lé ke sɔkɔnnu ma baa sɛ, ana.

Daniɛl 10:3

An ’ka fɛ néné do kpen ble lɛ lo yé an ’ka wi valé dɔrɔ wɔra lɛ an ’léé lo. An ’ka nyɔnɔ gié lɛ an ma lo fɔɔ yé flɛyi yaa lɛ sɔɔ.

Mi Nɔnɔle 10:29

Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

WENÉNÉ LÉ LUK A GYE (Évangile selon Luc) 14:1

Flinyi do nya, Jézu wɔra Farizimi segele do lé kɔn gi fɛblele ’bɛ va we ma, ’té Farizimunu a naginian.

WENÉNÉ LÉ LUK A GYE (Évangile selon Luc) 14:15

Munu lé wa fɛ zi, wo va mi do dére ’konu ’ma aan wo, é lé Jézu lɛ léé: Mi lé é dan fɛble lɛ Kazambale lé fuatɛrɛ la, ’bɛzan zé a é zima.

1 Korent munu 10:18

’Ka gi bɔrɔ Izraɛl munu lé we ma do. Wo vamunu lé woo baleban?-?winu blé, wozé ’ka balebanle va loo?

1 Korent munu 10:21

Ka ’ka bɔa ’yi minile lɛ Mizan lé kana gi yé ka a mini yo zé gi lo; ka ’ka bɔa Mizan lé fɛ blele lɛ yé ka yonu zé ble lo.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 27:7

’ka bɔvɔ sarakanu bo ’bɛna é ziin, yé ’ka fɛ ble ’bɛna, yé ka gi ’é nana Gakelebale, kalé Bale ’lɛ.