Fwile 18:11 - Kazambale lé Sebe Sauunu 1979

¹¹ Maa gi dɔɔ sin léé, Gakelebale a blɛn é mini balenu faa ta; naa, Éjipiti munu lé wenaané dia wobo la.

Fwile 18:11 ပူးပေါင်းရင်းမြစ်များ

1 Minwiinzannu 17:24

Yé lezan lé Éli lɛ léé: Maa gi dɔɔ sin léé, i a Bale lé mi nya, Yé Gakelebale dére lé ke i ’léé, é a webozen nya.

2 Minwiinzannu 5:15

Naaman valé é vamunu faa nɔla Bale lé mi va é ziin. É bɔ aan wo é go a va yé é léé: Bé ye, maa gi dɔɔ léé, Bale ’ka tɛrɛ bɛ la lo, ’té dé é ’ka Izraɛl tɛrɛ nya lo. Yé sin, ilé zanté, blɛ lé i wuozan é dan a kɛlɛ lɛ i lɛ, bé si.

Minwiinzannu lé Wezuofe Sɛbɛ 16:25

Naa, Gakelebale a blɛn, a tɔ zi fe yara lé é baba, É a kanamazan nya é mini balenu faa ta;

2 Minwiinmunu lé Wezuofe Sɛbɛ 2:5

Naa, kozé Bale blɛn mini balenu faa ta, amalé kɔn lé maa dan a dɔ lɛ bɛ, é a lé é kɛlɛ blɛɛn.

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Néémi 9:16

Naa, ko tranu kɛlɛ boblɛnzannu valé bɔrɔvɔɔzannu nya i nwiin. Wo ’ka ’wo tɔné dɔ lɛ ilé bélidɔwe sɔnnénu lɛ lo.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Lɛrɛvɔ Sɛbɛ 119:21

Boblɛnzannu lé, bale ke é pale wo ma, ’Té woo ilé bélidɔwe sɔnnénu voo ’wo yuɛ zuo, i bon‐ɛn‐an wo nya.

Lɛrɛvɔ Sɛbɛ 135:5

Maa a gi dɔɔ léé, Gakelebale a blɛn, Yé kozan a balenu faa nwiinzan nya.

Lɛrɛvɔ Sɛbɛ 31:23

Nyɛ zén an gi bléyian va, maa léé: Wo an bin i yara ma baa. Naa, dé an siaa i lɛ I anlé nyanainya dére ’ma.

Lɛrɛvɔ Sɛbɛ 95:3

Naa, Gakelebale a Bale blɛn nya, É a minwiinzan blɛn nya é mini balenu faa ta.

Lɛrɛvɔ Sɛbɛ 97:9

Naa, Gakelebale, bii a Loruzan nya tɛrɛ faa ta, I a é dɔle balenu faa nwiinzan blɛɛn bozen nya.

Fwile 1:10

Kaa go, kaa gikiniwe kɛlɛ wo vazia; kaa wo ’léé gi gyɛle yi ga, dé guli é da da yé wo péli vɔ ko nyanézannu va gulidanle ko va we ma yé wo ko bin tɛrɛ ’ko la.

Fwile 1:16

É lé wo lɛ léé: Dé Ébru lomu vɔ lu zi yé ka ye léé, wa né yaana, dé gɔné lé, ’ka a gyɛ; dé le lé, ’ka a vo é yuɛma.

Fwile 1:22

Yé Faraɔn élé munu faa bélidɔ léé: Dé wo né yaa gɔné nya, ’ka a vuli yuu va, yé ’ka nélomu faa vo é yuɛma.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Fwile 12:12

’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Fwile 14:18

Dé maa anlé plɛplɛ nagɔɔn, Faraɔn koo, alé goronu koo, alé wisootazannu koo, wo nya, ’té Éjipiti munu é dan a gi dɔɔ lɛ léé, maa a Gakelebale nya.

Fwile 14:8

Gakelebale Éjipiti mununwiinzan blɛn Faraɔn bli kɛlɛ tɔntɔn yé Faraɔn go Izraɛlnu zuo. Izraɛl lé nénu si wo va baale nya wo yuɛ gi.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 5:2

Faraɔn a zi pa léé: De ɛ ke Gakelebale nya yé maa a dére lɛdɔma yé maa daan Izraɛl maa? Maa ’ka Gakelebale dɔɔa lo yé maa ’ka dan daan lɛ Izraɛl ma pelo.

Fwile 5:7

Té ka lɔɔ nɔ munu lɛ é dɛrɛ briki gyɛle we ma bélé é vinin zo lo; wobozen ’wo go lɔɔ so.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Mi Nɔnɔle 33:4

Éjipitinu lé né vininnu lé Gakelebale wo gyɛ, Éjipitinu wo faa pa; yé é ziin, Gakelebale wolé balenu lé we ble.

WENÉNÉ LÉ LUK A GYE (Évangile selon Luc) 1:51

É é bɛ plɛplɛ nagɔɔn; Munu lé, boblɛn gi bɔrɔle ke wo bli gi, é wo fwila.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

1 Samuɛl 2:3

Té ka we blɛnblɛn fe é dɛrɛ lo; Té boblɛn dére é si ka ’léé é dɛrɛ lo; Naa, Gakelebale a Bale lé é we faa dɔɔ, a nya, Yé éé mi kɛlɛwenu faa va ginian.