Fwile 17:6 - Kazambale lé Sebe Sauunu 1979

⁶ Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Fwile 17:6 ပူးပေါင်းရင်းမြစ်များ

Néémi 9:15

Dé lɔrɔ a wo gyɛna, i lagi loru buru nɔ wo lɛ, dé ’yiminilɔrɔ a wo gyɛna, i ’yi si wo lɛ gɔlɛ gi yé wa mini. Yé tɛrɛ lé ibo ’nyɔɔn léé, i dan a nɔ lɛ wo lɛ wozé nya, bé fe wo lɛ léé, ’wo go ana, ’wa si.

Lɛrɛvɔ Sɛbɛ 105:41

É gɔlɛ blɛn lɛ so yé ’yi bɔra, Yé é yoro fɛna galenu na bélé yuu zo.

Lɛrɛvɔ Sɛbɛ 114:8

Balean éé gɔlɛ nɔlaan ’yiguru nya, ’Té éé gɔlɛ blɛn nɔlaan ’yibɔna nya, yee Bale lé.

Lɛrɛvɔ Sɛbɛ 74:15

Bii ɛ ’yibɔnanu valé ’yiyoronu kɛlɛ ’té woo duun‐an, Yé yuunu lé wo ’ka bélié monomono lo, i wo béli.

Lɛrɛvɔ Sɛbɛ 78:18

Wo Bale gi dan wo bli gi, Yé wo ’wo blibɔmafɛ blele ma laa a lee.

Lɛrɛvɔ Sɛbɛ 78:20

Bé ye, é fɛ duun gɔlɛ lɛ, yé ’yinu bɔra a gi yé wo yoro, Yé ’yi blɛnnu vo zanana; Yé wo lé é ziin léé: É bɔalɛ é ziin léé, é buru nɔ ko lɛɛ? É bɔa wi nɔle lɛ élé munu lɛɛ?

Lɛrɛvɔ Sɛbɛ 81:7

An kɔné si ka bɛapa ta, Yé ka bɛ daan kyɛɛ kɔné sile ma.

Fwile 14:16

Bii, ’ilé tawomayili nwa, ’i bɛ soi wɛyi ta yé bé fén gyɛ; yé Izraɛl lé nénu é dan wɔra lɛ wɛyi méléna tɛrɛ gale ta.

Fwile 16:10

Arɔn a we fena Izraɛl lé nénu faa lɛ bléyian va, wo yara nɔla nyéné vazia, tɔɔn, ’té Gakelebale lé fuasan bɔra lati gi.

Ézai 48:21

Fɛana lé éé goo wo nya bwi gi, ’yiminilɔrɔ ’ka dan wo gyɛ lɛ ’bɛna lo; É dan ’yi si lɛ wo lɛ gɔlɛ gi, ’té éé duun‐an, É dan gɔlɛ fee gyɛ lɛ Yé ’yi é dan yoro lɛ.

Mi Nɔnɔle 20:8

’I tawomayili si yé bii valé Arɔn ’é munu laa, ’wo zén ékeva. ’Ka we fe wo yuɛ va gɔlɛ lɛ, yé ’yi é dan bɔra lɛ a gi. ’I gɔlɛ gi ’yi bɔra wo lɛ, yé munu koo, wolé winu koo, ’i ’yi nɔ wo lɛ wa mini.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

1 Korent munu 10:4

yé Balenɔyi lé wo faa a mini. Balenɔgɔlɛ lé é tawo wo zuo, a gi ’yi lé wo faa a mini. Yé gɔlɛ ’ko a Krist nya. Bwenu, we ’ko sele ’é dɔ ka gi ma.

Bélidɔwesɛbɛ Fiézan 1:2

Dé wo si Orɛb yé wo gié Séii gɔ lé zi ta yé wo bɔ Kadɛs‐Baanéa, wo tawo yi vu ta do.

Bélidɔwesɛbɛ Fiézan 8:15

É go ka nya bwi blɛn ’ko lé, a ta éé kana zén‐é mi gi, ’té méné suiɛ yaale valé zɛnɛanu ke ana, a la; é go ka nya fɛna galenu na, ’té ’yi ’ka ana lo, yé é ’yi si gɔlɛ plɛplɛ gi ka lɛ;

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.