Fwile 17:14 - Kazambale lé Sebe Sauunu 1979

¹⁴ Gakelebale lé Moizi lɛ léé: Bé gyɛ sɛbɛ gi, a sele dɔle mi gi we ma, yé bé fe Jozué lɛ léé, maa dan Amalɛk munu sele san lɛ mi faa gi lanu wuo.

Fwile 17:14 ပူးပေါင်းရင်းမြစ်များ

2 Samuɛl 1:1

Saul gale zuo, ’té dé David nyaa Amalɛknu gyɛle nya guli nya, é yi fié kɛlɛ Siklag.

Minwiinzannu lé Wezuofe Sɛbɛ 4:42

É ziin, Siméɔn kulunu mi wuru fié yɔ soru go Séii gɔ ma zia. Wo zilɛzannu a Pélatia koo, Néaria koo, Réfaja koo, Jiséi be Uziɛl koo, wo nya.

Minwiinzannu lé Wezuofe Sɛbɛ 4:43

Amalɛk munu lé wo vo, wo guli dan wo va, yé wo nyana ana fɔɔ kyɔ yi ’ko nya.

Ezidras 9:14

Mɛmalé sin ko dan ilé bélidɔwenu sɛrɛ lɛ yé ko péli vɔ bozowe kɛlɛmunu ’konu vaa? Ilé bliflile ’ka dan nwa lɛ ko ma fɔɔ yé é ko sɛrɛ tata, ’té kolé mi do kpen ’ka dan vo lɛ lo loo?

JOB (Job) 18:17

A sele éé saan tɛrɛlamunu gi, Wo ’ka dan a tɔ pa lɛ féi ma é dɛrɛ lo.

JOB (Job) 19:23

É sɔ an lɛ léé, ’wo an dérenu gyɛ, ’Wo wo gyɛ sɛbɛ do gi;

Lɛrɛvɔ Sɛbɛ 9:6

I we lɛdɔa bɛnnu gi, yé i mi nyanénu sɛra tata. I wo tɔnu fwian yifaama zé nya, a glɛ ’ka dɔa lo.

Fwile 12:14

Yi ’ko sele é dan dɔ lɛ ka gi, yé ka dan Gakelebale tɔbɔ fɛti kɛlɛ lɛ yi ’ko nya; ka kulu é kulunu é dan fɛti ’ko kɛlɛ lɛ bélé bélidɔwe lé a glɛ ’ka lo, a zo.

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 17:13

Yé Jozué Amalɛk valé alé munu kele gwɔun nya, yé a ’wuo vo a lɛ.

Fwile 24:4

Moizi Gakelebale dérenu faa gyɛ. ’Bɛ zuo é nwa bladi tutu; é balebanna kɛlɛ gɔ nyana ma yé é gɔlɛ vu ta fié pla é ke la Izraɛl bɛn vu ta fié zé nya.

Fwile 32:33

Gakelebale lé Moizi lɛ léé: Mian é wenyané kɛlɛ an ma, ’bɛzan tɔ lé maa fwian anlé sɛbɛ gi.

Fwile 34:27

Gakelebale lé Moizi lɛ léé: ’I dére ’konu gyɛ; naa, dére ’konu yɛrama lé maa dan an gi pa lɛ do bii valé Izraɛl va.

Wegɔnévɔlenu 10:7

Mi tegele sele dɔle mi gi éé mi drɔɔ voo, naa, mi nyanénu tɔ éé sɛra.

Jérémi 30:2

Gakelebale Izraɛl lé Bale léma: Dérenu faa lé maa a fe i lɛ, ’i wo gyɛ sɛbɛ do la.

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Mi Nɔnɔle 24:20

Balaam Amalɛk ye. É balelawe fe, yé é léé: Amalɛk a bɛn vininzan nya, Naa, é voéla a kulu é dan ga lɛ.

Mi Nɔnɔle 33:2

Moizi wolé tawole ’léé gyɛ sɛbɛ la, wo flinna ma flinna ma, Gakelebale dére yɛrama. Wolé flinnanu lé ke ’ko, wolé tawolenu yɛrama.

Bélidɔwesɛbɛ Fiézan 31:9

Moizi bélidɔwe ’ko gyɛ, yé é a nɔ Balebanmunu, Lévi benu lé woo Gakelebale lé gipawe pagikɛsu kɔné sié, wo lɛ, wo valé Izraɛl mi segelenu faa lɛ.

Jozué 4:7

Ka dan a fe lɛ wo lɛ léé: Juudɛn yoro bɔi Gakelebale lé gipawe pagikɛsu ’lɛ; dé é a Juudɛn kinina, ’té ’yi a é dɔle, yé gɔlɛ ’konu é dan kɛlɛ lɛ a sele dɔ Izraɛlnu gi fɛ nya lɛɛfaama.

1 Samuɛl 15:18

Gakelebale i pa zia a fele nya léé: ’I go, yé wenyanékɛlɛmunu ’ko, Amalɛknu, ’i wo gyɛ; ’i guli dan wo va fɔɔ yé i wo faa gyɛ tatata.

1 Samuɛl 30:1

A yi yaazan nya, dé David valé élé munu bɔ Siklag, ’té Amalɛknu da guli dan lɛ yirinwana bɛyilazia munu valé Siklag va. Lomu koo, gɔnénu faa lé ke ana koo, nunukénénénu valé mi segelenu koo, wo wo si luu nya yé wo Siklag guru zana a gi yé wa kyɛ ble. Wo ’ka mi do kpen gyɛ lɛ lo, naa, wo wo faa si yé wo go.

1 Samuɛl 30:17

David wo gyɛle sia tu kini bléyi va fɔɔ ’bɛ é tu kini yiri vɔle nya, yé wo va mi do kpen ’ka si lɛ we gi lo, ’té dé é ’ka pɛniɛ wuru fié lé wo vɔ nyɔgɔménu punu yé wo vlan buru, wo nya lo.