Fwile 17:12 - Kazambale lé Sebe Sauunu 1979

¹² Moizi bɛ wɔlɛ gi nyaa é ma, yé wo gɔlɛ do pla a wuo yé é nyana a ta. Arɔn valé Uru wo bɛ dɔ a bɛ wuo, ’té a do a a san koɛ la, yé a do a a san koɛ la, yé a bɛnu vo gligli fɔɔ yé yiri vɔ.

Fwile 17:12 ပူးပေါင်းရင်းမြစ်များ

Lɛrɛvɔ Sɛbɛ 35:3

’I din pla valé din blanzan si yé ’i nwa nyané pa antazannu ma. ’Bé fe an boen lɛ léé: Maa a i siéwegizan nya.

Fwile 17:11

Dé Moizi é bɛ nwa, Izraɛl a plɛplɛ é mini Amalɛk munu ta; dé é bɛ zun Amalɛk munu a plɛplɛ é mini Izraɛl munu ta.

Fwile 17:13

Yé Jozué Amalɛk valé alé munu kele gwɔun nya, yé a ’wuo vo a lɛ.

Fwile 24:14

É lé mi segelenu lɛ léé: ’Ka ko lɛbɛn ’ko, fɔɔ yé ko da ka va é ziin. Arɔn valé Uru lo; wo dan vo lɛ ka va; dé we do bɔ mian ma, wo lɛ lé azan é dan a fe lɛ.

Ézai 35:3

Munu lé wo bɛ ke é zanale wo ma, ’ka wo bɛ dɔ plɛplɛ; Munu lé wo powuo wɔlɛ gi nyaa wo ma, ’ka wo powuo dɔ gligli.

2 Korɛnt Munu 1:11

dé ka bɔ ko va bazorole nya. Yé dé mi kiɛre bazoro kolé we ma, munu kiɛre é dan Kazambale bɔ vɔ lɛ é ziin, wezin lé Kazambale é dan a kɛlɛ lɛ ko lɛ, alé we ma.

Éfez munu 6:18

Bléyi faa ma, ’ka ba gɔnɔ faa zoro Kazambale Léli nya yé ’ka zanté gɔnɔ faa vɔ Kazambale Léli nya. ’Ka yara pa we ’ko kɛlɛle ta ka sɔbɛla nya, yé ’ka bazoro Kazambale lé munu faa lé we ma.

Filip munu 1:19

Yee lé ke léé, ka a bazorona anlé we ma, ’té Jézu Krist Léli éé bɔa an va, amalé maa a gi dɔɔ léé, we ’ko lɛ é dan sɔɔ lɛ an sile we gi nya.

Kolɔs munu 4:2

’Ka yara pa bazorole ta, ’ka vo é vuole a gi bɔvɔle nya.

1 Tɛsalɔnik munu 5:25

Bwenu, ’ka bazoro ko tɔ ma.

Ébrunu 12:12

Bɛwemalé, ka bɛ lé wo ke é zanale ka ma, É valé ka powuo lé wo wɔlɛ gi nyaa, ’ka wo dɔ plɛplɛ,

SEBE LÉ JAK A GYE (Épitre de Jacques) 1:6

Naa, é a lé é a laa blivole a yele lɛ nya, té a bli é kɛlɛ fié lo; mi lé a bli éé kɛla fié fɛ laale ma, é a bélé wɛyinwale lé, fu a nanoan ’té éé a nwaan bɛ, a zo.

Jozué 8:26

Jozué bɛ lé ke é soile din nya bɛ, é ’ka a pla lɛ lo fɔɔ yé wo Ai munu faa gyɛ tata.