Fwile 16:7 - Kazambale lé Sebe Sauunu 1979

⁷ Yé tɛlɛ bladi ka dan Gakelebale lé plɛplɛ ye lɛ, gun lé ka a gyɛ Gakelebale ma, é a ’ma, azama; naa, ko a de ɛ nya yé ka gun gya ko maa?

Fwile 16:7 ပူးပေါင်းရင်းမြစ်များ

Fwile 16:10

Arɔn a we fena Izraɛl lé nénu faa lɛ bléyian va, wo yara nɔla nyéné vazia, tɔɔn, ’té Gakelebale lé fuasan bɔra lati gi.

Fwile 16:12

Gun lé Izraɛl lé nénu a gyɛ, maa a ’ma. Bé fe wo lɛ léé, nyanadi yiri zɔrɔ nya wo dan wi ble lɛ, yé bladi wo dan kan lɛ buru nya, yé wo dan a gi dɔɔ lɛ léé, maa a Gakelebale nya, wolé Bale nya.

Fwile 16:8

Moizi léé: Gakelebale é dan wi nɔ lɛ ka lɛ é nyanadi ’ko, yé tɛlɛ bladi ka dan kan lɛ buru nya, gun lé ka a gyɛ Gakelebale ma, é a ’ma, ’bɛzama; naa, ko a de ɛ nyaa? Ko ma‐an ka gun gyɛ lo, Gakelebale ma lé ka kɛlɛ.

Fwile 24:10

Wo Izraɛl lé Bale ye; a gane wuofɛ a bélé safiigɔlɛ wezan lé woo yɛrɛ yé a zi, a zo; a gi a é bɔle bélé la boen zo.

Fwile 24:16

Gakelebale lé fuasan nyana Sinai gɔ nwiin, yé lati bua a ta yi suiɛdo. Yi sɔrafiézan nya, Gakelebale Moizi laa lati méléna.

Fwile 40:34

Yé lati bua zén‐ékevasɔkɔn ta, yé Gakelebale lé fuasan sɔkɔn fan.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 40:5

Yé Gakelebale lé fua ta é dan bɔra lɛ, Yé mi faa é dan a ye lɛ a bléyi duo nya; Maa Gakelebale ɛ fe, azama.

Lévinu 9:6

Moizi léé: We lé Gakelebale a fe, ’ka kɛlɛ, yé Gakelebale lé fuasan é dan bɔra lɛ ka va.

Mi Nɔnɔle 14:10

Zén‐ékevamunu faa a fena léé, ’wo Kalɛbnu gyɛ gɔlɛ nya, tɔɔn, Gakelebale lé fuasan zun zén‐ékevasɔkɔn ta, Izraɛlnu faa yuɛ va.

Mi Nɔnɔle 14:27

We lé zén‐ékevamunu nyané ’konu a blé an va bɛ, maa dan an ’wuo dɔ lɛ a wuo yifaamaa? An ma we lé Izraɛlnu a ble, maa a ’ma.

Mi Nɔnɔle 16:11

’Bɛ lé we ma lé bii valé i vamunu faa, ka zén ékeva Gakelebale ma. Naa, de ɛ ke Arɔn nya yé ka gun gyɛ a maa?

Mi Nɔnɔle 16:42

Zén‐ékevamunu wo péli vɔ do bléyian va Moizi valé Arɔn ma, yé wo yuɛ vɔ zén‐ékevasɔkɔn vazia, bé ye, lati bua a ta, yé Gakelebale lé fuasan bɔra.

Mi Nɔnɔle 17:5

Mi lé alé tawomayili é vwi bi, maa dan a si lɛ a va, yé maa dan Izraɛlmunu lé gun gyɛle nyaa lɛ.

WENÉNÉ LE JAN A GYE (Évangile selon Jean) 11:4

Jézu we ’ko ’ma aan wo, é léé: Gyɛ ’ko ’ka a gyɛgyɛ nya lo; naa, é a Kazambale tɔ kɛlɛ blɛn we nya, Kazambale Be tɔ kɛlɛle blɛn a gi we ma.

WENÉNÉ LE JAN A GYE (Évangile selon Jean) 11:40

Jézu lé a lɛ léé: Maa ’ka a fe lɛ i lɛ léé, dé i bli vo an lɛ i dan Kazambale lé fua ye lɛ loo?