Fwile 16:35 - Kazambale lé Sebe Sauunu 1979

³⁵ Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Fwile 16:35 ပူးပေါင်းရင်းမြစ်များ

Néémi 9:15

Dé lɔrɔ a wo gyɛna, i lagi loru buru nɔ wo lɛ, dé ’yiminilɔrɔ a wo gyɛna, i ’yi si wo lɛ gɔlɛ gi yé wa mini. Yé tɛrɛ lé ibo ’nyɔɔn léé, i dan a nɔ lɛ wo lɛ wozé nya, bé fe wo lɛ léé, ’wo go ana, ’wa si.

Mi Nɔnɔle 32:13

Gakelebale bli fli Izraɛlnu ma yé wo vo nɔɔna bwi gi lɛɛ yɔ fié wuo, fɔɔ yé munu ’konu lé wo wenaané kɛlɛ Gakelebale yuɛ gi yé é wo kulu ga.

Mi Nɔnɔle 33:38

Balebanzan Arɔn vo Ori gɔ nwiin, dére lé Gakelebale a fe, a yɛrama, yé wo sile Éjipiti tɛrɛ la zuo lɛɛ yɔ fié ’é ta lé moné soruzan lé yi vinin nya, é ga.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

1 Korent munu 10:3

Balenɔfɛ lé wo faa a ble,

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 29:4

Naa, fɔɔ yi ’ko nya Gakelebale ’ka we’mabli vɔ lɛ ka gi lo, yé é ’ka weyeyuɛ valé we’matɔné nɔ lɛ ka lɛ lo.

Bélidɔwesɛbɛ Fiézan 8:4

Lɛɛ yɔ fié ’ko gi, kalé sɔ ’ka fwi lɛ lo, yé ka gane ’ka zii lɛ lo.

Jozué 5:12

Taboyi lé tu kini, dé wo tɛrɛ ’ko la goo ble, mana dale nyaa, mana ’ka Izraɛlnu lee é dɛrɛ lo, yé wo Kanaan tɛrɛlafɛnu ble lɛɛ ’ko wuo.