Fwile 16:34 - Kazambale lé Sebe Sauunu 1979

³⁴ Arɔn a dɔra wenayefɛ ’lɛ, a tadɔle we gi, Gakelebale a fe Moizi lɛ fɛan zo, a zo.

Fwile 16:34 ပူးပေါင်းရင်းမြစ်များ

1 Minwiinzannu 8:9

Gɔlɛfɛn ma nyaale fié lé Moizi a pa kɛsu gi Orɛb gɔ ma, bléyian va lé Gakelebale gipawe kɛlɛ Izraɛl munu va ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

Fwile 25:16

Wenayefɛ lé maa dan a nɔ lɛ i lɛ, i dan a pa lɛ kyankɛsu gi.

Fwile 25:21

I dan nyanai zén mi la nyanana dɔra lɛ kyankɛsu ta loru, yé wenaye fɛ lé maa dan a nɔ lɛ i lɛ, i dan a pa lɛ kyankɛsu gi.

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Fwile 30:36

Bé pun dɔ yé bé pla wenayefɛ ’lɛ, zén‐ékevasɔkɔn gi, fɛana lé maa valé bii é dan kee lɛ, ana. É dan kɛlɛ lɛ fɛ ’lɛzan baba nya ka lɛ.

Fwile 30:6

I dan balebanna dɔra lɛ, sɔ lé ke wenayefɛ pagikɛsu ’lɛ, a ’lɛ zia, nyanai zén mi la nyanana lé ke wenayefɛ pagikɛsu ta, ’té maa valé bii é dan kee lɛ ana bɛ, a yɛrama.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 38:21

Zén‐ékevasɔkɔn lé Lévinu a dɔ Moizi lé bélidɔwe yɛrama, ’té Balebanzan Arɔn be Itamaa ɛ ke nyanama nwiinzan nya bɛ, wo gɔɔli sɛrɛ fɛan zo a kɛlɛle ma, yee lé ke ’ko.

Fwile 40:20

É wenayefɛ si yé é a dɔra kyankɛsu gi. É kɛsu siyilinu wɔra, yé é nyanai zén mi la nyanana dɔra kɛsu ta loru.

Mi Nɔnɔle 1:50

Sɔkɔn lé, wenayefɛ ke a gi, ’bé bɛ pa Lévinu lee, yee valé sɔkɔn gi nyanamapafɛnu koo, alé fɛnu faa koo, ’i wo bɛ pa wo lee. Wo ɛ go sɔkɔn valé a gi nyanamapafɛnu faa nya, yé wo ɛ a nyanama paan, yé ’wo ’wolé kɔn dɔ sɔkɔn zi do do.

Mi Nɔnɔle 1:53

Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta.

Mi Nɔnɔle 17:10

Gakelebale lé Moizi lɛ léé: ’I go Arɔn lé tawomayili nya é pa gi, wenayekɛsu ’lɛ, bé tadɔ ’bɛna yé ’é kɛlɛ tɔmase nya Izraɛlnu lé nwamimazannu lɛ, léé, ’wo daan gungyɛle ma an ma, té ’wo ga lo we ma.

Bélidɔwesɛbɛ Fiézan 10:5

Maa nɔla yé maa gɔ zun; kɛsu lé maa a kɛlɛ bɛ, maa gɔlɛfén fié pa a gi, yé wo vo a gi, Gakelebale a fe an lɛ fɛan zo, a zo.