Fwile 16:3 - Kazambale lé Sebe Sauunu 1979

³ Izraɛl lé nénu lé wo lɛ léé: Bléyian va lé ko ke é nyanale wibɔ zi Éjipiti tɛrɛ la, ’té ko buru blé, ’té ko kaan, mɛmalé Gakelebale ’ka é bɛ kɛlɛ lɛ ko ma yé ko ga ’bɛ bléyi va loo? Naa, ka da ko nya nyéné lé fɛna ’ko, mi gu ’ko faa gyɛle lɔrɔ nya we gi.

Fwile 16:3 ပူးပေါင်းရင်းမြစ်များ

2 Samuɛl 18:33

Yé dunu zén minwiinzan ta yé é go kɔn lé ke flagɔrɔ ’léé ta loru, a gi, ’té éé wuvɔa, ’té éé a fé léé: An bi Abusalɔm! An beoo an be Abusalɔm! Maa ɛnɔ kɔɔn gaan i pa gi. Abusalɔm, an beoo, an be!

JOB (Job) 3:1

’Bɛ zuo Job we fe yé é kun bale pale ma ’é yaayi ma.

JOB (Job) 3:10

Naa, é ’ka an bɔnsile yi ga lɛ lo, Yé é ’ka nyanéblele yɔɔ lɛ an lee lo, ’bɛzama.

JOB (Job) 3:20

Mɛmalé Bale é fɛnafu no nyanéblezan lɛɛ? Mi lé a bli gi kyɛ dɔ é baba, ’Té a bli bɔ gale ma é pla, ’Té a bli bɔ a ma é mini fɛwezan ta, ’Té dé é pana ye kɔɔn, ’té ginanale blɛn vɔ a ma, Mɛmalé Bale é ’bɛzan vo é yuɛmaa?

Lɛrɛvɔ Sɛbɛ 107:5

Lɔrɔ valé ’yiminilɔrɔ vo wo gyɛna, Yé wo boen fuu si wo ta.

Lɛrɛvɔ Sɛbɛ 78:19

Wo we fe Bale ma, Yé wo léé: Bale é bɔa Fɛblele nɔle lɛ ko lɛ nyéné saa lé fɛna ’koo?

Lɛrɛvɔ Sɛbɛ 78:25

Wo faa mi blɛn lé buru ble, Yé é fɛblele nɔ wo lɛ fɔɔ yé wo kan.

Fwile 14:11

Wo lé Moizi lɛ léé: Mipana ’ka Éjipiti tɛrɛ la lo, bɛwemalé é a lé i da ko nya yé ko ga bwi gii? Mɛ lé bé kɛlɛ ko lɛ ko sile Éjipiti tɛrɛ la nya ’koo?

Fwile 17:3

Munu ana bɛ, ’té ’yiminilɔrɔ ’na wo ma yé wo gun gyɛ Moizi ma. Wo léé: Mɛmalé i ko si Éjipiti tɛrɛ la, ko koo, kolé nénu koo, kolé trubɛnu koo, ko gyɛle ’yiminilɔrɔ nya we gii?

Fwile 2:23

’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va.

Fwile 5:21

Wo lé wo lɛ léé: Gakelebale ’é ka ye ma, yé é a we ble ma. Ka ko gin dɔ Faraɔn valé é wuomunu nyé gi, yé ka gwɔun pa wo lee ko gyɛle we gi.

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Jérémi 42:14

yé dé ka léé: Gba, ko ’ka dan vo lɛ tɛrɛ ’ko la lo, ko dan go lɛ Éjipiti tɛrɛ la, fɛana lé wo ’ka guli daan lo, ’té woo ’ka béli dére maan ’bɛna lo, yé fɛ ’ka vuruan mi ma ’bɛna lo, ’bɛna lé ko dan nyana lɛ.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi Lé Wuvɔ Sɛbɛ 4:9

Munu lé woo zamaga wo gwɔun lee, wozé néné mini Munu lé wo zamaga wo lɔrɔ lee, ’Té gyɛ bɛ ’na wo gi, ’Té féifɛ ’ka wo lee lo, wozé ta.

Mi Nɔnɔle 11:15

Té i ’bɛ zoɛ we kɛlɛ an lɛ lo; a fila vɔ léé, i an gyɛ. Ilé zanté, dé maa i yuɛi bɔ, té maa anlé kle ’ko blena ye lo.

Mi Nɔnɔle 11:20

naa, wo dan a ble lɛ fɔɔ moné do, fɔɔ yé wi ’ko é bɔra wo nyé gi, yé é nɔla wo ’léé. Maa Gakelebale lé é ke wo méléna, wo an vo ’wo bɛ zuo, azama; wo wuvɔ an lɛ, ’té wa fé léé, mɛmalé ’wo si Éjipiti tɛrɛ laa? azama.

Mi Nɔnɔle 14:2

Izraɛlnu faa kun weblele ma Moizi valé Arɔn va, yé zén‐ékevamunu faa lé Moizinu lɛ léé: Dé ko ga kɔɔn Éjipiti tɛrɛ la, ’té ’bɛ a é zima. Yé dé ko ga kɔɔn bwi ’ko la, ’té ’bɛ a é zima.

Mi Nɔnɔle 14:3

Mɛmalé Gakelebale a a va léé, ’é go ko nya tɛrɛ ’ko ta yé wo ko gyɛ gwɔun nya, yé ko nanu valé kolé nénu é kɛlɛ gulizarafɛnu nyaa? Dé ko go ko pa gi Éjipiti tɛrɛ la, ’bɛ fila ’ka vɔ lɛ loo?

Mi Nɔnɔle 16:13

I ko si tɛrɛ nyɔnɔzan ta, léé, ko ga bwi gi, ’bɛ ’ka i yuɛ gi bɔ lɛ loo? ’Té i a duowo é plale ko nwiin?

Mi Nɔnɔle 16:41

’Bɛ é tu kini, Izraɛlmunu gun gyɛ Moizi valé Arɔn ma, a fele nya léé: Ka ɛ Gakelebale lé munu gyɛ.

Mi Nɔnɔle 21:5

yé wo we fe Gakelebale ma, yé wo we fe Moizi ma, yé wo léé: Mɛmalé ka ko si Éjipiti tɛrɛ la, léé, ko ga bwi la koo? Naa, fɛblele ’ka ana lo, yé ’yi ’ka ana lo, yé fɛ naané ’ko blele nɔla ko ’léé.

Kelewenu 26:29

Pɔl lé a lɛ léé: Dé kyɔ léoo, dé yi bɛ ma léoo, é sɔ an lɛ léé, fɛan zo lé an ke, Bale i kɛlɛ a zo; naa, bii do kpen kaan lo, ka faa lé ka ke ka tɔné dɔna an lɛ kyɔ, fɛan zo lé an ke, Bale ’é ka kɛlɛ a zo, té wo gɔgɔbale vɔ ka bɛ ma é wo lo.

1 Korent munu 4:8

Ka kan tɛkɛɛ? Ka fua ble tɛkɛɛ? Ko ’ka ka va lo yé ka plale sia munu nwiin? Eɛ, ’ka pla munu nwiin webozen nya ma, ko é ziin, ko plale munu nwiin ka va we gi.

2 Korɛnt Munu 11:1

Dé ka bɔalɛ léé, ka ’wuo dɔ anlé tavole wuo sɛ! Kalé zanté, ’ka ’wuo dɔ a wuo ma.

Bélidɔwesɛbɛ Fiézan 28:67

Ka bli fanle di kinile blɛn nya koo, fɛnu lé ka dan wo ye lɛ ka yuɛ nya koo, wolé we ma lé ka dan a fe lɛ bladi léé, dé é a nyanadi nya na, yé ka dan a fe lɛ nyanadi léé, dé é a bladi nya na.

Bélidɔwesɛbɛ Fiézan 8:3

É ka tua, é ka gyɛ lɔrɔ nya, yé mana lé ka ’ka a dɔɔ lɛ lo, yé ka tranu ’ka a dɔɔ lɛ é kyɛn lo, é a nɔ ka lɛ blefɛ nya; é fɛ ’ko nɔ ka lɛ kalé a gi dɔɔle we gi léé, mi ’ka voo é yuɛma fɛblele saa nya lo, naa, mi éé voo é yuɛma dére faa lé woo sié Gakelebale ’léé, wo ɛ nya.

Jozué 7:7

Jozué léé: Aa, Mizan Gakelebale, mɛmalé i Juudɛn kini munu ’ko nya ko nɔle Amorénu lɛ we ma yé ko zamaga woo? Oo! a fila vɔ léé, ko vo Juudɛn zi zia.