Fwile 16:15 - Kazambale lé Sebe Sauunu 1979

¹⁵ Izraɛl lé nénu a nagini yé wo lé ’wo ke lɛ léé: Mɛ fɛ léé? naa, wo ’ka a dɔɔ lɛ lo. Moizi lé wo lɛ léé: Buru lé Gakelebale a nɔ ka lɛ kalé fɛblele nya, yee lé.

Fwile 16:15 ပူးပေါင်းရင်းမြစ်များ

Néémi 9:15

Dé lɔrɔ a wo gyɛna, i lagi loru buru nɔ wo lɛ, dé ’yiminilɔrɔ a wo gyɛna, i ’yi si wo lɛ gɔlɛ gi yé wa mini. Yé tɛrɛ lé ibo ’nyɔɔn léé, i dan a nɔ lɛ wo lɛ wozé nya, bé fe wo lɛ léé, ’wo go ana, ’wa si.

Néémi 9:20

I léli zin nɔ wo lɛ wo kɛlɛle wedɔɔzannu nya we gi. I ’ka sɔn vɔ lɛ mana nɔle ma wo lɛ lo, yé i ’yi nɔ wo lɛ ’yiminilɔrɔ lé we ma.

Lɛrɛvɔ Sɛbɛ 105:40

Wo wi laa a lee, yé é sawɛnu nɔ wo lɛ, Yé é wo kan lagi buru nya.

Lɛrɛvɔ Sɛbɛ 78:24

É mana zana wolé fɛblele nya bélé lɛɛ zo, É lagi ’sa nɔ wo lɛ.

Fwile 16:31

Izraɛl lé munu tɔ pa fɛblele ’ko ma mana. É a bélé koriandra wɔlɛ zo; é a fu yé a néné a bélé gato lé wa kɛlɛ zɔrɔnyɔnɔ nya, a zo.

Fwile 16:33

Yé Moizi lé Arɔn lɛ léé: ’I bɔ do si yé i mana suoné nya do zén a gi, yé bé dɔra Gakelebale ’lɛ, a tadɔle ka kulunu zé nya we ma.

Fwile 16:4

Gakelebale lé Moizi lɛ léé: Bé ye, maa dan kalé buru si lɛ la gi, ’té éé dan bélé lɛɛ zo. Munu é dan bɔra lɛ yé wo dan a sia lɛ yi do do ma, wo mawe a a gi fɛan zo, a zo, anlé wo gi danle we ma, yé dé wo dan tawo lɛ an dére taa? dé wo ’ka dan tawo lɛ a ta loo? yé maa ’bɛ gi dɔɔ.

Wegɔnévɔlenu 9:5

’Ka daoo ’ka da, ’ka anlé buru ble, ’ka anlé dɔrɔ kuule mini;

Mi Nɔnɔle 21:5

yé wo we fe Gakelebale ma, yé wo we fe Moizi ma, yé wo léé: Mɛmalé ka ko si Éjipiti tɛrɛ la, léé, ko ga bwi la koo? Naa, fɛblele ’ka ana lo, yé ’yi ’ka ana lo, yé fɛ naané ’ko blele nɔla ko ’léé.

WENÉNÉ LÉ LUK A GYE (Évangile selon Luc) 12:30

Fɛ ’konu faa lé kwa lé tɛrɛlamunu ke a kulina. Naa, ka Ti a gi dɔɔ léé, ka mawe a wo gi.

WENÉNÉ LE JAN A GYE (Évangile selon Jean) 6:49

Ka tinu mana ble bwi gi yé wo ga.

WENÉNÉ LE JAN A GYE (Évangile selon Jean) 6:58

Buru lé é si la gi, yee lé é ke an nya ’ko. Buru lé ka tranu a ble yé wo ga, an ’ka bélé ’bɛ zo lo. Mi lé éé buru ’ko blé, é dan vo lɛ é yuɛma lɛɛfaama, a glɛ ’ka dɔa lo.

1 Korent munu 10:3

Balenɔfɛ lé wo faa a ble,

Bélidɔwesɛbɛ Fiézan 8:16

mana lé ka tranu ’ka a dɔɔ lɛ lo, é a nɔ ka lɛ blefɛ nya bwi ’ko la, ka tuale valé ka gidanle we gi, yé ’bɛ zuo é wezin kɛlɛ ka lɛ; Gakelebale lé é ’bɛ wenu faa kɛlɛ, té ka gi é san a ma lo.

Bélidɔwesɛbɛ Fiézan 8:3

É ka tua, é ka gyɛ lɔrɔ nya, yé mana lé ka ’ka a dɔɔ lɛ lo, yé ka tranu ’ka a dɔɔ lɛ é kyɛn lo, é a nɔ ka lɛ blefɛ nya; é fɛ ’ko nɔ ka lɛ kalé a gi dɔɔle we gi léé, mi ’ka voo é yuɛma fɛblele saa nya lo, naa, mi éé voo é yuɛma dére faa lé woo sié Gakelebale ’léé, wo ɛ nya.

Ébrunu 9:4

Balebanna lé wa kɛlɛ kyan nya, ’té é ke lasikɔrɔ zé nya bɛ, é valé gipawe pagikɛsu lé wo kyan sele a ma, wa ’bɛna. Kyanbɔ lé mana ke a gi koo, Arɔn lé tawomayili lé é nɛɛ yé a vwi bi koo, gɔlɛfén lé gipawe ke é gyɛle a ta koo, wa gipawe pagikɛsu gi.

Jozué 5:12

Taboyi lé tu kini, dé wo tɛrɛ ’ko la goo ble, mana dale nyaa, mana ’ka Izraɛlnu lee é dɛrɛ lo, yé wo Kanaan tɛrɛlafɛnu ble lɛɛ ’ko wuo.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.