Fwile 16:12 - Kazambale lé Sebe Sauunu 1979

¹² Gun lé Izraɛl lé nénu a gyɛ, maa a ’ma. Bé fe wo lɛ léé, nyanadi yiri zɔrɔ nya wo dan wi ble lɛ, yé bladi wo dan kan lɛ buru nya, yé wo dan a gi dɔɔ lɛ léé, maa a Gakelebale nya, wolé Bale nya.

Fwile 16:12 ပူးပေါင်းရင်းမြစ်များ

1 Minwiinzannu 20:28

Bale lé mi bié, yé é lé Izraɛl nwiinzan blɛn lɛ léé: Gakelebale léma: Sirimunu a fe léé, Gakelebale a gɔnu ma bale nya yé é ’ka gɔ méléna bale nya lo, bɛwemalé maa dan mi gbau ’ko pa lɛ i lee, yé ka dan a gi dɔɔ lɛ léé, maa a Gakelebale nya.

Lɛrɛvɔ Sɛbɛ 105:40

Wo wi laa a lee, yé é sawɛnu nɔ wo lɛ, Yé é wo kan lagi buru nya.

Fwile 12:6

Ka dan yuɛ pa lɛ a va fɔɔ yé moné ’ko yi vu ta ziɛnzan é bɔ; Izraɛl munu faa é dan ’wozé gyɛ lɛ nyanadi yiri zɔrɔ nya.

Fwile 16:11

Gakelebale we fe Moizi lɛ yé é léé:

Fwile 4:5

Gakelebale léé: We lé i dan a kɛlɛ lɛ, yee lé ke bɛ, wo dɔle a ta we gi léé, Gakelebale, wo tinu lé Bale, Abraam koo, Izak koo, Jakɔb koo, wolé Bale bɔra i va.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 7:17

Gakelebale léma: We ’ko ma lé i dan a gi dɔɔ lɛ léé, ’é a Gakelebale nya. Maa dan fɛ duun lɛ yuu lɛ tawomayili lé ke an lee, a nya; yé é dan kinin lɛ nyɛ nya.

Jérémi 31:24

Juda valé élé fla blɛnnu koo, féipa‐munu valé trubɛ tabinmunu koo, wo dan nyana lɛ ana é ziin.

Ézékiɛl 34:30

Yé wo dan a gi dɔɔ lɛ léé, maa Gakelebale, ’wolé Bale, maa a wo va, yé wa anlé munu nya, woo Izraɛl munu, woo lé. A zo lé Mizan Gakelebale a fe.

Ézékiɛl 35:13

Kalé wefedérenu nya lé ka nwa an ma; ka dérenu fe an ma kiɛre, maa a ’ma.

Ézékiɛl 39:22

É sia ’bɛ yi ma fɔɔ yé é bɔ bléyi voélanu ma, Izraɛl munu é dan a gi dɔɔ lɛ léé, maa lé ke Gakelebale wolé Bale nya.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Lévinu 11:44

Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Mi Nɔnɔle 11:4

Boamunu lé wo zén Izraɛlnu va, wo bli bɔle sia fɛnu ma, yé Izraɛlnu boen é ziin, wo kun wuvɔle ma, a fele nya léé: De ɛ dan wi nɔ lɛ ko lɛ yé ko blee?

Mi Nɔnɔle 14:27

We lé zén‐ékevamunu nyané ’konu a blé an va bɛ, maa dan an ’wuo dɔ lɛ a wuo yifaamaa? An ma we lé Izraɛlnu a ble, maa a ’ma.