Fwile 15:11 - Kazambale lé Sebe Sauunu 1979

¹¹ Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 15:11 ပူးပေါင်းရင်းမြစ်များ

2 Samuɛl 7:22

Bale, Gakelebale, i a blɛɛn! Naa, we faa lé ko a ’mana ko tɔné gi, a yɛrama lé i bɔmazan ’ka lo, yé bale bɛ ’ka i va lo.

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

Minwiinzannu lé Wezuofe Sɛbɛ 16:25

Naa, Gakelebale a blɛn, a tɔ zi fe yara lé é baba, É a kanamazan nya é mini balenu faa ta;

2 Minwiinmunu lé Wezuofe Sɛbɛ 2:5

Naa, kozé Bale blɛn mini balenu faa ta, amalé kɔn lé maa dan a dɔ lɛ bɛ, é a lé é kɛlɛ blɛɛn.

2 Minwiinmunu lé Wezuofe Sɛbɛ 6:14

Yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ ’wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

Lɛrɛvɔ Sɛbɛ 113:5

De ɛ ke bélé kozé Bale, Gakelebale zoo? A nyanana a loru;

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 136:4

Bale do kpen lé éé we blɛɛnnu kɛla, Naa, a nyanai éé zén‐é yifaama.

Lɛrɛvɔ Sɛbɛ 145:17

Gakelebale a tegele élé wekɛlɛbɛnu faa gi. Yé é a nyanaizénzan nya é panyanama faa gi.

Lɛrɛvɔ Sɛbɛ 22:23

Maa dan i tɔ zana dɔɔ lɛ an bwenu va, Maa dan i tɔ nwa lɛ zén‐ékevamunu méléna.

Lɛrɛvɔ Sɛbɛ 35:10

An wɔlɛnu faa é dan a fe lɛ léé: Gakelebale, de ɛ bɔa Wenaanébɔmazan sile lɛ mi lé a plɛplɛ mini a ta, a lee, bélé bii zoo? De ɛ bɔa wenaanébɔmazan valé nyanégyɛzan sile lɛ, mi lé é alé fɛnu sia, azan lee, bélé bii zoo?

Lɛrɛvɔ Sɛbɛ 60:2

Bléyian va lé é guli dan Mézopotami tɛrɛ la valé Tesoba tɛrɛ la Sirinu va, yé Joab da é pa gi yé é Édom mi baa suiɛdo gyɛ gɔworona lé wa laama Wɛ, ana.

Lɛrɛvɔ Sɛbɛ 66:5

’Ka da, ’ka ’wuogibɔrɔ Bale panyanamanu ma. Dé é we kɛlɛ blaminu lɛ, éé kana zén‐é munu gi.

Lɛrɛvɔ Sɛbɛ 77:11

Maa léé: We lé é ’naan an ma, yee lé ke léé, Loruzan bɛyi ’ka bélé é vinin zo lo.

Lɛrɛvɔ Sɛbɛ 77:14

Oo Bale, ilé tawobɛ a sauun; Bale kyɛn ɛ ke blɛn bélé bii Bale zoo?

Lɛrɛvɔ Sɛbɛ 77:19

Ilé zagele banle vun we barikoko gi, Lɛɛ yuɛ wuovɔlenu tɛrɛ ta kini; Tɛrɛ gi tunu yé a manyɔɔn.

Lɛrɛvɔ Sɛbɛ 86:10

Naa, i a blɛn, i we blɛnblɛn kɛla, Bii do kpen, bii ɛ ke Bale nya.

Lɛrɛvɔ Sɛbɛ 86:8

Mizan, i zoɛzan ’ka balenu va lo, Yé woan woo nyanama paan i panyanama zo, ’bɛzan ’ka lo.

Lɛrɛvɔ Sɛbɛ 89:18

Naa, bii ɛ ke wolé plɛplɛ tɔbɔfɛ nya, Ilé zin ɛ kolé plɛplɛ nwaan.

Lɛrɛvɔ Sɛbɛ 90:11

De ɛ ilé bliflile lé plɛplɛ dɔɔ? Yé de ɛ i bli tɔntɔn yé kanamawe nyaa?

Fwile 18:11

Maa gi dɔɔ sin léé, Gakelebale a blɛn é mini balenu faa ta; naa, Éjipiti munu lé wenaané dia wobo la.

Fwile 20:3

Té i bale bɛnu pa an pa gi lo.

Fwile 3:20

Maa dan an bɛ soi lɛ yé maa dan Éjipiti munu bla lɛ, we blɛnblɛnnu gɔnɔ faa lé maa dan a kɛlɛ lɛ wo méléna, wo nya. ’Bɛ zuo é dan daan lɛ ka ma yé ka go.

Fwile 8:10

Wo wo zun dɔ, yé tɛrɛ gin dɔ.

Fwile 8:6

Faraɔn léé: Tɛlɛ. Moizi léé: É dan kɛlɛ lɛ i dére yɛrama, ilé a gi dɔɔle we gi léé, Gakelebale, kolé Bale bɔmazan ’ka lo.

Fwile 9:14

Naa, gɔnɔ do ’ko nya ’é dan ’élé dunuvɔmagyɛnu faa pa lɛ zia, bii koo, i wuozannu koo, ilé munu koo, ka ma, ilé a gi dɔɔle we gi léé, ’é bɔmazan ’ka tɛrɛ faa la lo.

Ézai 30:11

’Ka si zi zin ta, ’ka si tawozi ta, ’ka Izraɛl lé Mi Sauun si ko yuɛi baa.

Ézai 40:18

Ka dan Bale dan lɛ mi kyɛn maa? Mɛ lé i dan a gɔɔn lɛ a foto nyaa?

Ézai 40:25

Mi Sauun léma: Ka dan an dan lɛ mi kyɛn ɛ ma, yé ko bɔ a nya ékemaa?

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Jérémi 10:16

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl ɛ ke alé tɔnɔ nya; A tɔ lé lai sunyanu lé Gakelebale.

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

WENÉNÉ LÉ LUK A GYE (Évangile selon Luc) 12:5

Mi lé é a lé ka kana a lee, maa dan ’bɛzan nagɔɔn lɛ ka lɛ. Mi lé dé é mi kɔlɛ gyɛ faa, a vulile jéɛna kyɛ va se ke a lɛ, a lee lé ’ka kana ma; iin, maa lé ka lɛ léé, mi lé é a lé ka kana a lee, yee lé é ke bɛ.

Bélidɔwesɛbɛ Fiézan 1:30

Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 3:24

Mizan, Gakelebale, ilé blɛn valé i bɛ plɛplɛ, bé péli sia yé bé gɔɔn maa, i wuozan lɛ; dé é a lagi nyaoo, dé é a tɛrɛ la nyaoo, bale kyɛn ɛ ke ana yé é bɔalɛ é i panyanama valé i kɛlɛwe blɛnblɛn zuosonaa?

Bélidɔwesɛbɛ Fiézan 33:26

Izraɛl lé Bale bɔmazan ’ka lo, É da la gi yé é bɔ ka va, É da lati ta élé fuasan blɛn tagɔɔnle nya.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Wegɔɔnle 13:4

Dragɔn ézé plɛplɛ nɔ wi lɛ amalé wo dia ’wo bli la a ’lɛ, yé wo dia ’wo bli la wi ’lɛ é ziin, yé wo léé: Wi ’ko danmazan a kyɛɛn? De ɛ bɔalɛ léé, é guli dan a vaa?

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.