Fwile 14:8 - Kazambale lé Sebe Sauunu 1979

⁸ Gakelebale Éjipiti mununwiinzan blɛn Faraɔn bli kɛlɛ tɔntɔn yé Faraɔn go Izraɛlnu zuo. Izraɛl lé nénu si wo va baale nya wo yuɛ gi.

Fwile 14:8 ပူးပေါင်းရင်းမြစ်များ

Lɛrɛvɔ Sɛbɛ 105:43

É ’élé munu fwi ginanale blɛn nya, Munu lé é wo si a va, é wo fwi, ’té woo siaan ginanale nya.

Lɛrɛvɔ Sɛbɛ 86:13

Naa, ilé zin a blɛn an vazia, Yé i an boen si gamunu nyanana.

Fwile 10:27

Gakelebale Faraɔn bli kɛlɛ plɛplɛ, yé Faraɔn ’ka a va léé, é daan wo ma lo.

Fwile 13:16

We ’ko é dan kɛlɛ lɛ bélé tɔmase zo i bɛ ta, bélé pɔɔ zo i yarapɛla; Gakelebale ko si Éjipiti é bɛ plɛplɛ nya, ’bɛzama.

Fwile 13:18

Naa, Kazambale go wo nya bwi gi zia, Wɛyi Sɔɔn vazia. Izraɛl lé nénu si Éjipiti tɛrɛ la gulidanfɛnu nya wo lee.

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 14:17

Yé maa, maa dan Éjipiti munu bli ta dɔ lɛ plɛplɛ, wo wɔrale ana ka zuo we gi; yé maa dan anlé plɛplɛ nagɔɔn lɛ Faraɔn valé élé sunyanu faa koo, alé goronu valé alé wisootazannu koo, wo nya.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 14:7

É goro zima si wuru yaa, é valé Éjipiti lé goronu faa nya; gulidanmunu a wo faa gi.

Fwile 15:9

Ko nyanézan léma: Maa dan go lɛ wo zuo, maa dan dɔ lɛ wo ma, Maa dan gulizarafɛ guli lɛ, Maa dan anlé we lɛgi pa lɛ wo ma fɔɔ yé an bli ma kɔn ’é si. Maa dan anlé gwɔun so lɛ é kɔlɛ gi, an bɛ é dan wo kulu ga lɛ.

Fwile 4:21

Gakelebale lé Moizi lɛ léé: I a gona Éjipiti tɛrɛ la sin, amalé we blɛnblɛnnu lé maa wo bɛ pa i lee, ’i gi bɔrɔ wo ma; i dan wo kɛlɛ lɛ Faraɔn yuɛ va. Yé maa dan a bli kɛlɛ lɛ plɛplɛ, yé é ’ka dan daan lɛ munu ma wo go lo.

Fwile 6:1

Gakelebale lé Moizi lɛ léé: We lé maa dan a kɛlɛ lɛ Faraɔn lɛ, i dan a ye lɛ sin; an bɛ plɛplɛ ma lé é dan daan lɛ Izraɛl munu ma; an bɛ plɛplɛ ma lé é dan wo bin lɛ é boan élé tɛrɛ la.

Fwile 9:12

Gakelebale Faraɔn bli kɛlɛ plɛplɛ yé Faraɔn ’ka é tɔné dɔ lɛ Moizi valé Arɔn lɛ lo, Gakelebale a fe Moizi lɛ fɛan zo, a zo.

Jérémi Lé Wuvɔ Sɛbɛ 3:65

’I bli plɛplɛ nɔ wo lɛ Yé ’i bale pa wo ma ma.

Lévinu 26:13

Maa a Gakelebale nya, kalé Bale lé é ka si Éjipiti tɛrɛ la, ’té é ka si luu gi, maa a a nya; maa luubale kini ka ma, yé maa yara si ka ’wuo ma, ’té ka tawoo ka yara biéle nya.

Mi Nɔnɔle 33:3

A moné vininzan lé yi vu ta soruzan nya, wo si Ramzɛs yé wo zén ta va. Taboyi ta tu kinile nya, Izraɛlnu zi sia munu faa yuɛ va, ’té Éjipitinu faa éé wo yé.

Kelewenu 13:17

’Kaa Izraɛl munu ’ko, kaalé Bale kaa tranu si a va ézé nya. Bléyian va lé wo ke é nyanale Éjipiti tɛrɛ la, Bale wo bɛn kɛlɛ blɛn yé é wo fwi ’bɛna é bɛ plɛplɛ nya.

Bélidɔwesɛbɛ Fiézan 26:8

Yé Gakelebale ko si Éjipiti tɛrɛ la é bɛ plɛplɛ soile nya, ’té di kinié migiwe koo, tɔmasenu koo, gyɛzorowenu koo, ’té éé wo kɛla.

Bélidɔwesɛbɛ Fiézan 32:27

Naa, an kanaan nyanézan lé sɔnɔ lee, An kanaan léé, dé wo nyanézannu é da ’wo lɔlu plɛn an ma, Yé wa fe léé, ko bɛ a plɛplɛ, Yé ’té Gakelebale an, ’bɛ we ’konu faa kɛlɛ lo.

Jozué 11:20

Naa, Gakelebale munu ’konu bli kɛlɛ plɛplɛ gulidanna Izraɛl va, alé wo gyɛle tata yé a nyanai ’ka zén wo ta lo we ma, yé wo wo nɔ bale pale wo ma nya, fɛan zo lé Gakelebale a fe Moizi lɛ, a zo.

Weblezannu 4:7

Maa dan Jabɛn lé sunyanu nwiinzan Sizéra bié lɛ i va Kizɔn ’yiba ma, yee valé élé goronu valé élé sunyanu nya, yé maa dan wo pa lɛ i lee.