Fwile 14:4 - Kazambale lé Sebe Sauunu 1979

⁴ Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 14:4 ပူးပေါင်းရင်းမြစ်များ

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Fwile 10:2

we lé maa kɛlɛ Éjipiti munu lɛ, é valé tɔmasenu lé maa a kɛlɛ wo méléna, yé ka wo zuo fe ka benu valé ka nénénu lɛ, ’bɛ lé we ma é ziin. Yé ka dan a gi dɔɔ lɛ léé, maa a Gakelebale nya.

Fwile 10:27

Gakelebale Faraɔn bli kɛlɛ plɛplɛ, yé Faraɔn ’ka a va léé, é daan wo ma lo.

Fwile 12:28

Yé Izraɛl lé nénu go, yé we lé Gakelebale a fe Moizi valé Arɔn lɛ, wa kɛlɛ.

Fwile 14:23

Éjipiti munu da wo zuo; Faraɔn lé wisoonu faa koo, alé goronu valé alé wisootazannu koo, wo wɔra wɛyi méléna wo zuo.

Fwile 14:25

É wolé goronu gane so, yé wolé tawole kɛlɛ tɔntɔn. Yé Éjipiti munu léé: Kaa vlan buru Izraɛl lee, naa, Gakelebale a Izraɛl ta guli danna Éjipiti munu va.

Fwile 14:3

Faraɔn é dan a fe lɛ Izraɛl lé nénu ma léé, wa é saanle ana tɛrɛ la; bwi wo zi lɛ sɔɔ.

Fwile 14:5

Wa fe Éjipiti mununwiinzan blɛn lɛ léé, munu vlan buru. Yé Faraɔn valé é wuomunu bli nɔla munu lé we ma. Wo léé: Mɛ ɛ kɛlɛ ko lɛ yé ko daan Izraɛl ma, wo go, yé wo ’ka kolé nyanama paan é dɛrɛ loo?

Fwile 14:8

Gakelebale Éjipiti mununwiinzan blɛn Faraɔn bli kɛlɛ tɔntɔn yé Faraɔn go Izraɛlnu zuo. Izraɛl lé nénu si wo va baale nya wo yuɛ gi.

Fwile 18:11

Maa gi dɔɔ sin léé, Gakelebale a blɛn é mini balenu faa ta; naa, Éjipiti munu lé wenaané dia wobo la.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 7:17

Gakelebale léma: We ’ko ma lé i dan a gi dɔɔ lɛ léé, ’é a Gakelebale nya. Maa dan fɛ duun lɛ yuu lɛ tawomayili lé ke an lee, a nya; yé é dan kinin lɛ nyɛ nya.

Fwile 7:3

Yé maa dan Faraɔn bli kɛlɛ lɛ plɛplɛ yé maa dan anlé tɔmasenu valé anlé gyɛzorowenu gi gyɛ lɛ Éjipiti tɛrɛ la. Faraɔn ’ka dan tɔné dɔ lɛ ka lɛ lo.

Fwile 7:5

Éjipiti munu é dan a gi dɔɔ lɛ léé, maa a Gakelebale nya, ’té dé maa an bɛ soi Éjipiti tɛrɛ la yé maa Izraɛl lé nénu si wo va.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Ézékiɛl 20:9

Naa, duowo, maa we kɛlɛ an tɔ lé we ma, léé, bɛnnu lé Izraɛlnu ke é nyanale wo méléna bɛ, ’té maa wo si Éjipiti tɛrɛ la ’bɛnu yuɛ va anbo nagɔɔnle nya wo lɛ bɛ, té an tɔ é sɛrɛ ’bɛnu va lo.

Ézékiɛl 28:22

Bé fe a lɛ léma: Mizan Gakelebale léma: Bé ye, Sidɔn, ko kee i nya; dé an dɔra i ta bléyian va, dé maa anbo nagɔɔn mi sauun nya ka lɛ, ’bɛ bléyi va an tɔ é dan kɛlɛ lɛ blɛn, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 32:15

Dé maa Éjipiti tɛrɛ kɛlɛ fɛna tété nya bléyian va, yé dé wo tɛrɛ ’ko la fɛnu faa si ana, yé munu faa lé wo ke ana, dé maa wo gyɛ bléyian va, wo dan a gi dɔɔ lɛ léé, maa ɛ ke Gakelebale nya.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

Ézékiɛl 39:13

Tɛrɛ ’ko la munu faa é dan wo galenu pa lɛ, yé é dan kɛlɛ lɛ wo tɔbɔwe nya, yian nya lé wo dan an tɔ bɔ lɛ, ’bɛ yi nya. A zo lé Mizan Gakelebale a fe.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Rom munu 11:8

fɛan zo lé é a é gyɛle sɛbɛ gi, a yɛrama; wo léé: Kazambale tanyila bli nɔ wo lɛ; É blala pa wo yuɛ la, É wo tɔné ta vo Fɔɔ kyɔ. Yé David léé:

Rom munu 9:17

Naa, Kazambale lé sɛbɛ lé Faraɔn lɛ léé: Maa i kɛlɛ blɛn, léé, maa anlé plɛplɛ nagɔɔn ilé we gi, yé an tɔ ’é kɛlɛ gyéiin tɛrɛ faa la.

Rom munu 9:18

Bɛwemalé, dé é sɔ Bale lɛ léé, ’é nyanai zén mian ta, ’bɛzan ta lé éé a zén‐é, yé dé é sɔ a lɛ léé, ’é mian tɔné gi kɛlɛ plɛplɛ, ’bɛzan lé é a tɔné gi kɛla plɛplɛ.

Jozué 11:20

Naa, Gakelebale munu ’konu bli kɛlɛ plɛplɛ gulidanna Izraɛl va, alé wo gyɛle tata yé a nyanai ’ka zén wo ta lo we ma, yé wo wo nɔ bale pale wo ma nya, fɛan zo lé Gakelebale a fe Moizi lɛ, a zo.

Weblezannu 4:7

Maa dan Jabɛn lé sunyanu nwiinzan Sizéra bié lɛ i va Kizɔn ’yiba ma, yee valé élé goronu valé élé sunyanu nya, yé maa dan wo pa lɛ i lee.