Fwile 14:25 - Kazambale lé Sebe Sauunu 1979

²⁵ É wolé goronu gane so, yé wolé tawole kɛlɛ tɔntɔn. Yé Éjipiti munu léé: Kaa vlan buru Izraɛl lee, naa, Gakelebale a Izraɛl ta guli danna Éjipiti munu va.

Fwile 14:25 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:29

Tɛrɛ bɛ la munu faa a ’ma aan wo léé, Gakelebale guli dan Izraɛl nyanézannu va, Gakelebale lee kana zén wo gi.

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 6:16

Ko nyanézannu faa we ’ko ’ma aan wo, bɛnnu faa lé ke ko zi, kana zén wo gi, yé wo fuu faa si wo ta. Wa ye léé, ko nyanama ’ko pale lɛ sɔɔ kolé Bale lé blibɔmale nya.

Néémi 9:11

I wɛyi fee gyɛ wo ’lɛ, yé wo gié fɛna galena wɛyi méléna; naa, munu lé ’bɛnu wo zuo bin, i ’bɛnu vuli a guru blɛn gi, bélé gɔlɛ lé éé goo ’yiwɔlɛ ma, a zo.

JOB (Job) 11:20

Naa, mi naanénu yuɛ é dan tana lɛ Wo yɔɔna naginile we ma; Wo bli a ’wo gale ɛ lɛ.

JOB (Job) 20:24

Dé é so guli dan foliɛwɔlɛnu lee, Zéné sawɔlɛ é dan a fɔn lɛ.

JOB (Job) 27:22

Kazambale éé sawɔlɛnu vulian a va, ’té a nyanai ’ka zén‐é a ta lo, Yé é sɔ mi nyané lɛ léé, ’é vlaburu yé é so wo lee.

Lɛrɛvɔ Sɛbɛ 35:1

David zé lé. Gakelebale, ’i an ta guli dan an mazannu va, Munu lé woo guli daan an va, ’i guli dan wo va ma.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 68:12

Mizan dére do fe, Nwunvɔlomu lé wa zuo fé, wa mi gu blɛn nya.

Lɛrɛvɔ Sɛbɛ 76:6

Nyanazannu ’ko lé, wo bli ta ke é dɔle plɛplɛ, wo wo poro, Wa wolé dirimayi gyɛna; Nyanazannu ’ko wo ’ka bɔ lɛ wobo takuunle lɛ lo.

Fwile 14:14

Gakelebale é dan ka ta guli dan lɛ; yé ’kaa, ’ka vo é tadɔle.

Fwile 14:18

Dé maa anlé plɛplɛ nagɔɔn, Faraɔn koo, alé goronu koo, alé wisootazannu koo, wo nya, ’té Éjipiti munu é dan a gi dɔɔ lɛ léé, maa a Gakelebale nya.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 15:3

Gakelebale a gulidanzan lé éé nyana woo, a nya; A tɔ lé Gakelebale.

Ézai 31:4

Naa, Gakelebale lé an lɛ léma: Gakelebale a bélé golizra lé é wi gyɛ yé é nyana vɔ a ta, a zo. Dé é a golizra boroné nyaoo, dé ’blatabinmunu kiɛre zén a ma, di ’ka kinié a gi wo siaale lee lo, yé é ’ka kanaan wo kiɛre lee lo. ’Bɛ duo zo lai sunyanu lé Gakelebale é dan zun lɛ gulidanle we gi Siɔn gɔ valé alé gɔpanénu nwiin.

Jérémi 51:21

I nya lé an wisoo valé étazan gyɛ, I nya lé an gulidangoro sɛrɛ yé maa a gizan gyɛ.

Amɔs 1:14

Maa dan kyɛ bi lɛ Raba gɔrɔ gi, yé é dan alé fuakɔnnu ble lɛ, ’té gulidanmunu éé siaan gulidanyi nya, ’té barikoko éé giéan fu plɛplɛ giéyi nya.

Amɔs 5:19

Ka dan kɛlɛ lɛ bélé mi lé é ke vlan buruna golizra lee, yé yee valé kua kee, a zo; bélé mi lé é vɔ élé kɔn gi yɔɔle we ma, yé é bɛ tɛn kɔnguru ma yé méné suiɛ dɔ a ma, a zo.

Amɔs 9:1

Maa Mizan ye é dɔle balebanna ta loru. Yé é léma: ’I fɛ duun wɛyiliwuonu lɛ, fɔɔ yé kɔnpa ma é nyɔɔn, yé wo faa ’wuo ’é ’wii. Maa dan a pɔnénu gyɛ lɛ gwɔun nya za ma; wo va mi do kpen ’ka dan vɔ lɛ fli gi yé é so we lee lo; wo vazan do kpen ’ka dan so lɛ an lee lo.

Bélidɔwesɛbɛ Fiézan 1:30

Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 3:22

Té i kana pelo; naa, Gakelebale kalé Bale, é dan ka ta guli dan lɛ é boan.

Bélidɔwesɛbɛ Fiézan 32:31

Naa, wolé gɔlɛ ’ka bélé kozé Gɔlɛ zo lo, Ko nyanézannu boen ’bɛ gi dɔɔ.

Jozué 10:14

Yi ’ko zo ’ka bɔ lɛ é vinin lo, yé ’bɛ zoɛ yi ’ka bɔ lɛ a zuo lo, Gakelebale mi dére ’ma, naa, Gakelebale Izraɛl ta guli dan, azama.

Weblezannu 4:15

Sizéra koo, alé goronu faa koo, alé munu faa koo, Gakelebale wo fwila gwɔun sorosoro nya Barak ’lɛ. Sizéra zun élé goro gi yé é vlan buru é gane la.