Fwile 14:21 - Kazambale lé Sebe Sauunu 1979

²¹ Moizi é bɛ soi wɛyi ta. Yé Gakelebale wɛyi gyɛ é zuo, yirinwanazia fu lé é gié plɛplɛ é béli bléyi faa va bɛ, a nya; é wɛyi guru gi ga yé a ’yinu fén gyɛ.

Fwile 14:21 ပူးပေါင်းရင်းမြစ်များ

Wepélisiananu 8:1

Noé sele dɔ Kazambale gi. Bwigiwinu valé flawinu lé wo ke ’yitagoro gi a va, wo sele dɔ Kazambale gi. Kazambale fu gié tɛrɛ la, yé ’yinu dɔ flee.

2 Minwiinzannu 2:8

Yé Éli élé sɔ si yé é a plɛnnɛn gyɛ yé é a dia ’yi la yé ’yi kini ékema yé wo fiénu gié tɛrɛ gale ta.

Néémi 9:11

I wɛyi fee gyɛ wo ’lɛ, yé wo gié fɛna galena wɛyi méléna; naa, munu lé ’bɛnu wo zuo bin, i ’bɛnu vuli a guru blɛn gi, bélé gɔlɛ lé éé goo ’yiwɔlɛ ma, a zo.

JOB (Job) 26:12

Alé plɛplɛ nya lé éé wɛyi nwaan, Alé gikinile nya lé éé alé boblɛn ta zanaan.

JOB (Job) 38:24

Fɛnafu valé yirinwanazia fu woo zian sian Yé woo nwɛɛn‐an tɛrɛ la, é a kyɛɛn?

Lɛrɛvɔ Sɛbɛ 136:13

Bale lé é Wɛyi Sɔɔn bɔi fié, Naa, a nyanai éé zén‐é yifaama.

Lɛrɛvɔ Sɛbɛ 148:8

Kyɛ valé goowɔlɛlɛɛ koo, glasépun valé lolugunu koo, Fu plɛplɛnu lé woo a déretawenu kɛla koo,

Lɛrɛvɔ Sɛbɛ 66:6

É wɛyi nɔla tɛrɛ gale nya, Wo yuu kini wo gane la, Yé ko gi nana a gi.

Lɛrɛvɔ Sɛbɛ 74:13

Bii ɛ wɛyi fee gyɛ ilé plɛplɛ nya, Bii ɛ fɛ yuɛmale blɛnnu ’wuo ’wii ’yinu ta.

Lɛrɛvɔ Sɛbɛ 78:13

É wɛyi fee bo, yé é zi pla wo giéna nya, Yé é ’yinu dɔ bélé kɔnguru zo,

Fwile 14:16

Bii, ’ilé tawomayili nwa, ’i bɛ soi wɛyi ta yé bé fén gyɛ; yé Izraɛl lé nénu é dan wɔra lɛ wɛyi méléna tɛrɛ gale ta.

Fwile 14:20

É dɔ Éjipiti munu gu blɛn valé Izraɛl munu gu blɛn méléna. Lati ’ko bɛ do la a gunu nya, yé a bɛ do la a fɛna fu nya. Yé béli ’ko faa gi, mi gu blɛn fié ’ko ’ka bié lɛ wo ke sɔnɔ lo.

Fwile 15:8

I nyé lé fu fɛle we ma lé ’Yinu zun dɔ; ’Yiyoronu dɔ loru bélé kɔnguru zo Wɛyi nwale dɔ plɛplɛ wɛyi méléna.

Fwile 7:19

Gakelebale lé Moizi lɛ léé: Bé fe Arɔn lɛ léé, ’élé tawomayili si yé ’é bɛ soi Éjipiti munu lé ’yinu ta, wolé yuunu koo, wolé ’yibalenu koo, wolé ’yigurunu koo, wolé ’yibaanu faa koo, wo ta. Wo dan kinin lɛ nyɛ nya; nyɛ é dan kɛlɛ lɛ Éjipiti tɛrɛ faa la, yilibɔnu valé gɔlɛbɔnu koo, wo gi.

Ézai 23:11

Gakelebale é bɛ soi wɛyi ta; é a kɛlɛ léé, bɛntɛrɛnu ma ’é nyɔɔn. É a béli dɔ léé, Kanaan tɛrɛ la guliyɔɔkɔnnu ’é zana.

Ézai 43:16

Gakelebale a we fena, Gakelebale lé é gbéin pla wɛyi méléna, Yé é zi pla ’yi plɛplɛ va,

Ézai 44:27

Maa lé ’yi blɛn lɛ léé: ’I béli ma. Maa dan ilé yuunu béli lɛ.

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Ézai 51:10

Wɛyi lé a guru ke blɛn, Biian bé béli loo? Mi lé é zi pla wɛyi wɔlɛ ma, Munu lé i wo tabo, wo giéle we ma, bii kaan loo?

Ézai 51:15

Maa a Gakelebale, ilé Bale nya, Maa ɛ wɛyi nanoan yé wo vun éé wé. An tɔ lé lai sunyanu lé Gakelebale.

Ézai 63:12

té éé zi gɔɔn‐an Moizi bɛyi lɛ ébo bɛ plɛplɛ nya, é a kyɛɛn? Mi lé é ’yi fén gyɛ wo ’lɛ, tɔ lé a glɛ ’ka lo, a yele we ma,

Ézai 63:13

’té é go wo nya ’yi fɔrɔle zi bélé mi lé éé vlanburuwo bwl la, ’té a sɔnéwɔlɛ ’ka saan lo, a zo, é a kyɛɛn?

Abaku 3:8

Gakelebale bli fli yuunu maa? Yuunu ma lé i bli flii? Wɛyi ma lé i wɛwɛ dɔ, Yé i vɔ ilé wisoonu ta, Yé i vɔ ilé guliwuovolɛ goro gii?

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Jozué 2:10

Ka si Éjipiti tɛrɛ la aan wo, yé Gakelebale Wɛyi Sɔɔn kini ékema ka ’lɛ fɛan zo, yé Amorénu nwiinzan fié, Sioni valé Ɔg lé wo ke Juudɛn yuu zi, ka kɛlɛ wo lɛ fɛan zo yé ka wo kulu ga, ko a faa ’ma, azama.

Jozué 3:17

Balebanzannu lé woo goo Gakelebale lé gipawe pagikɛsu nya, wo dɔ kli tɛrɛ gale ta Juudɛn méléna, ’té Izraɛl faa éé giéan tɛrɛ gale ta, fɔɔ yé wo giéle nyaa a zo.

Jozué 4:23

Naa, Gakelebale, kazé Bale é Juudɛn yuu kini ékema yé é tɛrɛ gale bɔra a worona ka lɛ, fɔɔ yé ka gié, fɛan zo lé Gakelebale, kazé Bale a kɛlɛ Wɛyi Sɔɔn lé é a kini ékema yé é tɛrɛ gale bɔra ko lɛ fɔɔ yé ko gié, ana, a zo,