Fwile 14:16 - Kazambale lé Sebe Sauunu 1979

¹⁶ Bii, ’ilé tawomayili nwa, ’i bɛ soi wɛyi ta yé bé fén gyɛ; yé Izraɛl lé nénu é dan wɔra lɛ wɛyi méléna tɛrɛ gale ta.

Fwile 14:16 ပူးပေါင်းရင်းမြစ်များ

2 Minwiinzannu 4:29

Élizé lé Géazi lɛ léé: ’I sɔ dɔ i gyɛn, ’i anlé tawomayili sia yé ’i go. Dé ka valé mi do kee, té i we a va lo; dé mi do we i va, té i we lo. ’I anlé tawomayili pla né yara.

Fwile 14:15

Gakelebale lé Moizi lɛ léé: Mɛmalé wa siaanaa? Bé fe Izraɛl lé nénu lɛ léé, ’wo tawo.

Fwile 14:26

Gakelebale lé Moizi lɛ léé: ’I bɛ soi wɛyi ta; yé ’yinu é dan zén lɛ Éjipiti munu koo, wolé goronu koo, wolé wisootazannu koo, wo ta.

Fwile 17:5

Gakelebale lé Moizi lɛ léé: ’I gié munu ’lɛ, yé ’i go Izraɛl lé mi segelenu nya i va; tawomayili lé i fɛ duun yuu lɛ a nya, ’i goan i lee é ziin, yé ’i tawo.

Fwile 17:6

Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Fwile 4:17

Tawomayili ’ko lé i dan tɔmasenu kɛlɛ lɛ a nya, ’i goan i lee.

Fwile 4:2

Gakelebale lé a lɛ léé: Mɛ fɛ lé ke i lee bɛɛ? É léé: Tawomayili lé.

Fwile 4:20

Moizi é na valé é benu si yé é wo nyana sokofalenu ta yé é go Éjipiti tɛrɛ la. É go Kazambale lé tawomayili nya é lee.

Fwile 7:19

Gakelebale lé Moizi lɛ léé: Bé fe Arɔn lɛ léé, ’élé tawomayili si yé ’é bɛ soi Éjipiti munu lé ’yinu ta, wolé yuunu koo, wolé ’yibalenu koo, wolé ’yigurunu koo, wolé ’yibaanu faa koo, wo ta. Wo dan kinin lɛ nyɛ nya; nyɛ é dan kɛlɛ lɛ Éjipiti tɛrɛ faa la, yilibɔnu valé gɔlɛbɔnu koo, wo gi.

Fwile 7:9

Dé Faraɔn we fe ka lɛ léé, ’ka gyɛzorowe kɛlɛ, i dan a fe lɛ Arɔn lɛ léé, ’élé tawomayili si, ’é a vuli Faraɔn ’lɛ. É dan kinin lɛ méné nya.

Ézai 10:26

Lai sunyanu lé Gakelebale é dan plén duun lɛ a lɛ, é Madian munu gyɛ Orɛb gɔlɛ lé fɛna fɛan zo, a zo. É yili nwa wɛyi ta fɛan zo Éjipiti tɛrɛ la, é dan a nwa lɛ wo ma a zo.

Abaku 3:8

Gakelebale bli fli yuunu maa? Yuunu ma lé i bli flii? Wɛyi ma lé i wɛwɛ dɔ, Yé i vɔ ilé wisoonu ta, Yé i vɔ ilé guliwuovolɛ goro gii?

Mi Nɔnɔle 20:11

’Bɛ zuo Moizi nwa, yé élé tawomayili duun gɔlɛ lɛ gɔnɔ fié. Yé ’yi kiɛre kun yorole ma. Yé munu ’yi mini, yé winu wozé mini é ziin.

Jozué 8:18

Gakelebale lé Jozué lɛ léé: Din lé ke i lee, bé soi Ai vazia, naa, maa dan a nɔ lɛ i lɛ. Yé din lé ke Jozué lee, é a soi fla vazia.