Fwile 14:13 - Kazambale lé Sebe Sauunu 1979

¹³ Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Fwile 14:13 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 46:3

Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya.

Wepélisiananu 49:18

Oo, Gakelebale, an bli a a lɛ léé, i dan an béli lɛ.

2 Minwiinzannu 6:16

É lé a lɛ léé: Té i kana lo; ko vamunu a kiɛre é mini wo vamunu ta.

Minwiinzannu lé Wezuofe Sɛbɛ 11:14

Wo dɔ yee féi méléna, yé wa takuun, yé wo Filisitinu gyɛ. Yé Gakelebale wo si we blɛɛn gi.

2 Minwiinmunu lé Wezuofe Sɛbɛ 20:15

Yé Jakaziɛl léma: Juda munu faa valé Jérusalɛm munu, ’kaa valé minwiinzan blɛn Jozafat, ’ka an ban ka tɔné nya. Gakelebale lé ka lɛ léma: Té ka kana lo; té di é kini ka gi mi gu blɛn ’ko lé we ma monomono lo, naa, Bale é dan ka ta guli dan lɛ, ka kaan lo.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

Néémi 9:9

I ko tranu lé kleblele ye Éjipiti tɛrɛ la, yé i wolé siaalenu ’ma Wɛyi Sɔɔn sɔnɔ.

Lɛrɛvɔ Sɛbɛ 3:8

Gakelebale, ’i nwa. Anzé Bale, ’i an si we gi. Naa, i an nyanézannu faa blin gya, I mi plenu suiɛnu yélié.

Lɛrɛvɔ Sɛbɛ 68:21

Bale a ko siémunuleezan nya, Yé Gakelebale, Mizan, é bɔa ko sole lɛ gale lee.

Lɛrɛvɔ Sɛbɛ 78:53

É go wo nya tegele, té kana é zén wo gi lo we ma, Yé wɛyi wo nyanézannu ta bua.

Lɛrɛvɔ Sɛbɛ 91:8

I dan wo nagini lɛ i yuɛ nya é pla, Yé woo we lɛdɔa mi nyanénu gi fɛan zo, i dan a ye lɛ.

Fwile 14:30

’Bɛ yi ’ko nya, Gakelebale Izraɛl si Éjipiti munu lee; yé Izraɛl Éjipiti munu galenu ye wɛyi gɔ la.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Ézai 26:3

Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Ézai 30:15

Naa, Mizan, Gakelebale, Izraɛl lé Mi Sauun léma: Dé ka nɔla an va yé ka flin an va, é dan kɛlɛ lɛ ka sile we gi nya; vole drɔɔ valé ka pale an ta, é dan kɛlɛ lɛ kalé plɛplɛ nya. Naa, ’bɛ ’ka sɔ lɛ ka lɛ lo.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 43:11

Maa, maa ɛ ke Gakelebale nya, Yé dé é ’ka maa nya lo, misiéwegizan bɛ ’ka lo.

Ézai 7:4

Bé fe a lɛ léma: ’I dɔ flee, té i kana we do kpen lee lo. Té nyɛ é ’wii i zuru va kyɛ pééné fié lé wo goi éé bɔa é pla, wo lee lo; ’bɛ gi léé, Rɛsɛn koo, Sirinu koo, Rémalia be koo, té nyɛ é ’wii i zuru va ’bɛnu lee lo.

Jérémi 3:23

Iin, vunwelenu lé woo sié gɔpanénu valé gɔnu nwiin, wa vié nya. Iin, Gakelebale kolé Bale ɛ ke Izraɛl munu siéwegizan nya.

Jérémi Lé Wuvɔ Sɛbɛ 3:26

Dé mi éé Gakelebale lɛbɛn‐é léé, é bɔ ’é va yé é vo é tadɔle, ’Bɛ a é zima.

OZÉ (Osée) 1:7

Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

OZÉ (Osée) 13:9

Izraɛl, wean ma lé i sɛrɛ, yee lé ke léé, maa lé an bɔa kɔɔn i va, i nwa an ma.

Abaku 3:13

I bɔra ilé munu sile we gi we ma, Ilé nyɔnɔ zénnwiinzan sile we gi we ma; I mi nyané lé kɔn béli so, Bé ’wiile sian tɛrɛ fɔɔ yé é bɔ loru. Ka ye do.

Abaku 3:8

Gakelebale bli fli yuunu maa? Yuunu ma lé i bli flii? Wɛyi ma lé i wɛwɛ dɔ, Yé i vɔ ilé wisoonu ta, Yé i vɔ ilé guliwuovolɛ goro gii?

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Matio 28:5

Lanje lé lomu lɛ léé: Té ka kana lo, naa, maa a gi dɔɔ léé, Jézu lé wa gyɛ yili ta, ka a a naginina.

Bélidɔwesɛbɛ Fiézan 20:3

É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.

1 Samuɛl 11:13

Naa, Saul léé: Wo ’ka dan mi do kpen gyɛ lɛ kyɔ lo, Gakelebale Izraɛl si we gi kyɔ, azama.

1 Samuɛl 12:16

’Ka lɛbɛn é ziin ’ko, yé we blɛnblɛn lé Gakelebale é dan kɛlɛ lɛ ka yuɛ va yé ka a ye.