Fwile 13:3 - Kazambale lé Sebe Sauunu 1979

³ Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 13:3 ပူးပေါင်းရင်းမြစ်များ

Wepélisiananu 15:16

Wo néné zi néné ziɛnzan nya wo dan nyana lɛ ’ko é ziin. Naa, Amoré munu lé wenyané ’ka tan fan lɛ lo.

1 Minwiinzannu 8:42

naa, wa gi dɔɔ léé, i tɔ a blɛn, yé i bɛ a plɛplɛ yé i bɛ a é soile . . . dé é da bazoro lɛ kɔn ’ko gi,

Minwiinzannu lé Wezuofe Sɛbɛ 16:12

A wuozan Abraam kulunu, ’Kaa, Jakɔb lé nénu lé é ka si a va, We blɛnblɛnnu lé é a kɛlɛ, wo sele ’é dɔ ka gi ma, Gyɛzorowenu valé weblelenu lé woo sié a ’léé, wo sele ’é dɔ ka gi ma.

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Lɛrɛvɔ Sɛbɛ 105:5

A wuozan Abraam kulunu, ’Kaa Jakɔb lé nénu lé é ka si a va, Weblɛnblɛnnu lé é a kɛlɛ, wo sele ’é dɔ ka gi ma, Gyɛzorowenu valé weblelenu lé woo sié a ’léé, wo sele ’é dɔ ka gi ma.

Lɛrɛvɔ Sɛbɛ 114:1

Yian nya lé Izraɛl si Éjipiti tɛrɛ la, Dé Jakɔb lé munu so munu lé, wo dére ke é yɛrama, wo lee,

Lɛrɛvɔ Sɛbɛ 136:11

Yé é Izraɛl munu si wo méléna, Naa, a nyanai éé zén‐é yifaama.

Lɛrɛvɔ Sɛbɛ 136:12

É bɛ plɛplɛ valé é bɛ soile nya, Naa, a nyanai éé zén‐é yifaama.

Lɛrɛvɔ Sɛbɛ 89:14

I bɛ a plɛplɛ, I bɛlaa a plɛplɛ, i bɛyi a é nwale.

Fwile 12:15

Buru lé lévɛn ’ka wo va lo, ka dan wo ble lɛ yi sɔrafié. É sia a yi vinin ma, té lévɛn é kɛlɛ kalé kɔnnu gi é dɛrɛ lo; naa, é sia a yi vininzan ma fɔɔ yé é bɔ a yi sɔrafiézan ma, dé mian buru ble, té lévɛn a a va, ’wo ’bɛzan si Izraɛl va.

Fwile 12:17

Buru lé lévɛn ’ka a va lo, ka dan ’bɛlé fɛti kɛlɛ lɛ, naa, yi ’ko nya lé maa dan ka si lɛ Éjipiti tɛrɛ la bélé sunyanu palunu zo; ka kulu é kulunu é dan fɛti kɛlɛ lɛ yi ’ko la bélidɔwe lé a glɛ ’ka lo, a nya.

Fwile 12:19

Yi sɔrafié ’konu nya, té lévɛn é kɛlɛ kalé kɔnnu gi lo; naa, dé mian buru ble, ’té lévɛn a a va, wo dan a tɔ fwi lɛ Izraɛlnu va, dé bɛn léoo, dé Izraɛl mi léoo, wo dan a tɔ fwi lɛ.

Fwile 12:2

Moné ’ko é dan kɛlɛ lɛ moné vininzan nya ka lɛ; é dan kɛlɛ lɛ lɛɛ lé moné vininzan nya ka lɛ.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 12:42

Gakelebale wo si Éjipiti tɛrɛ la, amalé wo dan yee yi ’ko lé fɛti kɛlɛ lɛ Gakelebale tɔbɔle we gi. Izraɛl lé nénu faa koo, wo kulunu faa koo, wo dan yee yi ’ko lé fɛti kɛlɛ lɛ Gakelebale tɔbɔle we gi.

Fwile 12:8

Béli ’ko duo nya, ka dan a wi ble lɛ é panele nya; ka dan a ble lɛ buru lé lévɛn ’ka a va lo koo, zianbla nyanale koo, wo nya.

Fwile 13:14

Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 20:8

Flinyi sele ’é dɔ i gi ma, a pale é yɛrama we gi.

Fwile 23:15

Buru lé lévɛn ’ka a va lo, ’ka ’bɛlé fɛti kɛlɛ; bléyi lé wa dɔ, ’sa sola moné nya, buru lé lévɛn ’ka a va lo, i dan a ble lɛ yi sɔrafié nya, maa i bélidɔ fɛan zo, a zo, moné ’ko gi lé ka fwi Éjipiti tɛrɛ la, azama; té wo da wo lee koro nya an yara lo.

Fwile 3:20

Maa dan an bɛ soi lɛ yé maa dan Éjipiti munu bla lɛ, we blɛnblɛnnu gɔnɔ faa lé maa dan a kɛlɛ lɛ wo méléna, wo nya. ’Bɛ zuo é dan daan lɛ ka ma yé ka go.

Fwile 34:18

Buru lé lévɛn ’ka a va lo, i dan alé fɛti kɛlɛ lɛ; yi sɔrafié nya, bléyi lé wa dɔ ’sa sola moné nya, a nya; buru lé lévɛn ’ka a va lo, i dan a ble lɛ, maa i bélidɔ fɛan zo, a zo, naa, ’sa sola moné nya lé ka fwi Éjipiti tɛrɛ la.

Fwile 6:1

Gakelebale lé Moizi lɛ léé: We lé maa dan a kɛlɛ lɛ Faraɔn lɛ, i dan a ye lɛ sin; an bɛ plɛplɛ ma lé é dan daan lɛ Izraɛl munu ma; an bɛ plɛplɛ ma lé é dan wo bin lɛ é boan élé tɛrɛ la.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 7:4

Maa dan an bɛ nwa lɛ Éjipiti ma, yé maa dan anlé sunyanu palunu, anlé munu, Izraɛl lé nénu si lɛ Éjipiti tɛrɛ la we blɛn blele nya.

Jérémi 34:13

Gakelebale, Izraɛl munu lé Bale léma: Yian nya lé maa ka tranu si Éjipiti tɛrɛ la luubale gi, maa gipawe do kɛlɛ wo va, yé maa lé wo lɛ léma:

Daniɛl 9:15

Yé sin, Mizan, kolé Bale, biian ilé munu si Éjipiti tɛrɛ la i bɛ plɛplɛ nya yé i tɔ kɛlɛ blɛn fɛan zo lé é ke kyɔ, a zo, ko wenyané valé weple kɛlɛ i ma.

Matio 10:12

Dé ka bɔ kɔn do ’léé, ’ka we ana munu va, léé: Ka vo drɔɔ ma.

WENÉNÉ LÉ LUK A GYE (Évangile selon Luc) 22:19

’Bɛ zuo, é buru si, yé Bale bɔvɔle zuo é a bɔi yé é a nɔ wo lɛ a fele nya léé: An kɔlɛ lé maa a nɔ kalé we ma, yee lé ke ’ko. ’Ka we ’ko kɛlɛ an sele dɔle ka gi we ma.

1 Korent munu 11:24

yé é Bale bɔ vɔ yé é a bɔi yé é léé: An kɔlɛ lé wa bɔi ka lɛ, yee lé ke ko. ’Ka we ’ko kɛlɛ an sele dɔle ka gi we ma.

1 Korent munu 5:8

Bɛwemalé kaa fɛti kɛlɛ ma. Té kaa a kɛlɛ lévɛn kwa nya lo, té kaa a kɛlɛ miblifliwe valé we lɛrɛlɛrɛ lé wo ke bélé lévɛn zo, wo nya lo, naa, kaa a kɛlɛ burunu lé, lévɛn ’ka wo va lo, wo nya, yee lé ke we tegele valé webozen nya.

Éfez munu 1:19

kaa lé kaa bli paan a lɛ, Kazambale a plɛplɛ é baba kaa mawe kɛlɛna fɛan zo koo, yé ka a dɔɔ.

Bélidɔwesɛbɛ Fiézan 13:10

’ka gɔlɛ vuli a va yé é ga, é a kwa kulina léé, ’é ka si Gakelebale, kalé Bale lé é ka si luu gi Éjipiti tɛrɛ la, a zuo, ’bɛzama.

Bélidɔwesɛbɛ Fiézan 13:11

’Wa kɛlɛ a zo, Izraɛl munu faa lé a we ’male valé kanale we gi, yé wo ’ka ’bɛ zo wenaané kɛla ka méléna é dɛrɛ lo.

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 16:1

’Sasola moné nya lé Gakelebale, kalé Bale ka si Éjipiti tɛrɛ la é béli, amalé ’ka ’sasola moné lé fɛti kɛlɛ yé ’ka Taboyi lé fɛti kɛlɛ Gakelebale, kalé Bale tɔ bɔle we ma.

Bélidɔwesɛbɛ Fiézan 16:12

A sele é dan dɔ lɛ ka gi léé, ’wa luu nya é vinin Éjipiti tɛrɛ la, yé ka dan bélidɔwe ’ko faa kɛlɛ lɛ.

Bélidɔwesɛbɛ Fiézan 16:3

Buru lé lévɛn ke a va, té ka a ble fɛti yinu la lo; buru lé lévɛn ’ka a va lo, kalé nyanébleburu, ’ka ’bɛ ble yi sɔrafié wuo, naa, ka si Éjipiti tɛrɛ la fiaa, ’bɛzama; ’ka kɛlɛ a zo, yi lé ka si Éjipiti tɛrɛ la a nya, a sele dɔle ka gi we ma kalé tɛrɛla faa gi.

Bélidɔwesɛbɛ Fiézan 24:18

A sele ’é dɔ ka gi léé, ka kɛlɛ luu nya Éjipiti tɛrɛ la yé Gakelebale, kalé Bale ka tabo; bɛwemalé maa bélidɔwe ’konu nɔ ka lɛ, kalé wo ta tawole we gi.

Bélidɔwesɛbɛ Fiézan 24:22

A sele ’é dɔ i gi léé, i kɛlɛ luu nya é vinin Éjipiti tɛrɛ la; bɛwemalé maa bélidɔwe ’konu nɔ ka lɛ, kalé wo ta tawole we gi.

Bélidɔwesɛbɛ Fiézan 26:8

Yé Gakelebale ko si Éjipiti tɛrɛ la é bɛ plɛplɛ soile nya, ’té di kinié migiwe koo, tɔmasenu koo, gyɛzorowenu koo, ’té éé wo kɛla.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 5:15

A sele ’é dɔ i gi léé, i a luu nya Éjipiti tɛrɛ la, yé ’yee Gakelebale, kalé Bale ka si ana é bɛ plɛplɛ soile nya; bɛwemalé Gakelebale, kalé Bale léé, ’i flinyi kɛlɛ.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Bélidɔwesɛbɛ Fiézan 6:21

ka dan a fe lɛ ka be lɛ léé: Ko a é vinin Faraɔn lé luu nya Éjipiti tɛrɛ la, yé Gakelebale ko si Éjipiti tɛrɛ la é bɛ plɛplɛ nya.

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 8:14

’ka yuɛ pa kabozen va, té ka kabo kɛlɛ blɛn lo; Gakelebale, kalé Bale lé é ka si luu gi yé é ka si Éjipiti tɛrɛ la, té ka gi é san a ma lo.

Bélidɔwesɛbɛ Fiézan 9:12

Gakelebale lé an lɛ léé, ’maa nwa, ’maa zun é kele; naa, anlé munu lé maa wo si Éjipiti tɛrɛ la, wo ’wobo sɛrɛ. Zi lé yee a gɔɔn wo lɛ, wo si a ta tɛkɛ; wo fɛ selele foto kɛlɛ.

Jozué 24:17

Naa, Gakelebale a kolé Bale nya; yee ɛ ko si luubale gi Éjipiti tɛrɛ la, ko valé ko tinu nya; yee ɛ we blɛnblɛnnu kɛlɛ ko yuɛ va, yé é ko takuun zi faa lé ko tawo a ta, é valé munu faa lé ko gié wo méléna, wo lee.

Weblezannu 2:12

Wo si Gakelebale, wo tinu zé Bale lé é wo si Éjipiti tɛrɛ la, a zuo, yé wo go bale bɛnu zuo, munu lé wo ke é nyanale wo zi, wozé balenu zuo; wo ’wuo tua ’bɛnu lɛ, yé wo Gakelebale bli nwa.

Weblezannu 6:8

Gakelebale balelayezan do pa Izraɛl lé nénu lɛ zia. É lé wo lɛ léma: Gakelebale, Izraɛl lé Bale léma: Maa ka bɔra Éjipiti tɛrɛ la yé maa ka si luubale gi.