Fwile 13:21 - Kazambale lé Sebe Sauunu 1979

²¹ Gakelebale goo wo ’lɛ, yiéyi é a lati pɔrɔlɔ gi, zi gɔɔnle wo lɛ we gi, yé é béli é a kyɛ pɔrɔlɔ gi, wo va kinile we gi, wolé tawole é yiéyi valé é béli we ma.

Fwile 13:21 ပူးပေါင်းရင်းမြစ်များ

Néémi 9:12

I zi gɔɔn wo lɛ é yiéyi lati pɔrɔlɔ nya, yé é béli kyɛsan pɔrɔlɔ éé wolé tawozi ta kinié wo ’lɛ.

Néémi 9:19

Ilé nyanai zénle blɛn gi, i ’ka sɔn vɔ lɛ wo ma bwi gi lo, yé lati pɔrɔlɔ ’ka daan lɛ zi gɔɔnle ma wo lɛ é yiéyi lo. Yé kyɛsan pɔrɔlɔ lé, éé wolé tawo zi ta kinié é béli, é ’ka si lɛ wo ’lɛ lo.

Lɛrɛvɔ Sɛbɛ 105:39

É lafu bua wo ta Yé é kyɛ bɔra wo takinile é béli we gi.

Lɛrɛvɔ Sɛbɛ 68:7

Munu lé munu sɔn vɔ wo ma, Bale éé wo lele no, Éé luunu voo woboma yé éé wozé kɛla néné; Tɔnégiplɛplɛmunu woo nyanaan tɛrɛ gale ta.

Lɛrɛvɔ Sɛbɛ 77:20

I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

Lɛrɛvɔ Sɛbɛ 78:14

É zi gɔɔn wo lɛ é yiéyi lati nya, Yé é béli bléyi faa va é zi gɔɔn wo lɛ kyɛsan nya.

Lɛrɛvɔ Sɛbɛ 99:7

É we fe wo lɛ lati pɔrɔlɔ gi, Yé bélidɔwe sɔnnénu valé bélidɔwe lé é a nɔ wo lɛ, wo a ta tawo.

Fwile 10:10

Faraɔn lé wo lɛ léé: Dé maa daan ka valé kalé nénu ma, Gakelebale ’é kɛlɛ ka va ma. ’Ka yuɛ pa kabozen va, we tɔntɔn a ka ’lɛ.

Fwile 16:10

Arɔn a we fena Izraɛl lé nénu faa lɛ bléyian va, wo yara nɔla nyéné vazia, tɔɔn, ’té Gakelebale lé fuasan bɔra lati gi.

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Wegɔné Ma Lɛrɛ 3:6

Mi lé ke sina bwi gi bɛ, de léé? É a bélé kyɛgoi pɔrɔlɔ zo, Miré valé lasikɔrɔpo koo, Yaawomunu lé fɛginzannu koo, wo goi méléna.

Mi Nɔnɔle 10:34

Wo ta soowɔla aan wo, Gakelebale lé lati a wo nwiin yiéyi bléyi faa va.

Mi Nɔnɔle 14:14

yé wo dan a zuo fe lɛ tɛrɛ ’ko la munu lɛ. Wa gi dɔɔ léé, bii, Gakelebale, bii a munu ’ko méléna, yé bii, Gakelebale, i bɔra wo yuɛ va; yé ilé lati a é dɔle wo ta, yé i tawoo wo ’lɛ lati pɔrɔlɔ gi é yiéyi, yé é béli i a wo va kyɛ pɔrɔlɔ gi.

Bélidɔwesɛbɛ Fiézan 1:33

kalé Bale lé éé goo ka ’lɛ yifaama ka nyanana nagini lɛ, ’té é a ka ’lɛ é béli kyɛ gi, ’té éé zi gɔɔn‐an ka lɛ, ’té é a ka ’lɛ é yiéyi lati gi, ka bli ’ka pa lɛ ’bɛ lɛ lo.

Bélidɔwesɛbɛ Fiézan 31:8

Gakelebale bozen é dan tawo lɛ i ’lɛ, yeebozen é dan kɛlɛ lɛ i va, é ’ka dan i vo lɛ é pla lo, é ’ka dan sɔn vɔ lɛ i ma lo; té i kana lo, té gligli ’é zén i gi lo.