Fwile 13:14 - Kazambale lé Sebe Sauunu 1979

¹⁴ Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 13:14 ပူးပေါင်းရင်းမြစ်များ

Wepélisiananu 30:33

Dé i da tɛlɛ an banwofɛnu nagini lɛ, anlé we tegele é dan anzé fe lɛ. Boli lé a kɔlɛ ’ka é vɔɔle lo valé yee lé a kɔlɛ ’ka golegole lo koo, ’blanénu lé wo kɔlɛ ’ka é ti lo koo, dé bé ye wo va, ’té kyeen lé maa wo.

Minwiinzannu lé Wezuofe Sɛbɛ 16:12

A wuozan Abraam kulunu, ’Kaa, Jakɔb lé nénu lé é ka si a va, We blɛnblɛnnu lé é a kɛlɛ, wo sele ’é dɔ ka gi ma, Gyɛzorowenu valé weblelenu lé woo sié a ’léé, wo sele ’é dɔ ka gi ma.

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Lɛrɛvɔ Sɛbɛ 136:11

Yé é Izraɛl munu si wo méléna, Naa, a nyanai éé zén‐é yifaama.

Lɛrɛvɔ Sɛbɛ 145:4

Mi kulu faa do do ’wo i panyanamanu tɔ bɔ ma, Yé ’wo i kɛlɛwe blɛɛnnu sɔɔla ma.

Lɛrɛvɔ Sɛbɛ 78:4

Ko ’ka dan wo yɔɔ lɛ wolé nénu ma pelo; Gakelebale tɔ zin fele koo, alé plɛplɛ koo, Givuruwenu lé é a kɛlɛ koo, ko dan wo fe lɛ ko nénézinénénu lɛ.

Fwile 10:2

we lé maa kɛlɛ Éjipiti munu lɛ, é valé tɔmasenu lé maa a kɛlɛ wo méléna, yé ka wo zuo fe ka benu valé ka nénénu lɛ, ’bɛ lé we ma é ziin. Yé ka dan a gi dɔɔ lɛ léé, maa a Gakelebale nya.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 13:8

I dan a fe lɛ i be lɛ léé: We lé Gakelebale a kɛlɛ ko lɛ, ko fwile Éjipiti tɛrɛ la bléyi va, a sele dɔ ko gi we lé.

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 6:1

Gakelebale lé Moizi lɛ léé: We lé maa dan a kɛlɛ lɛ Faraɔn lɛ, i dan a ye lɛ sin; an bɛ plɛplɛ ma lé é dan daan lɛ Izraɛl munu ma; an bɛ plɛplɛ ma lé é dan wo bin lɛ é boan élé tɛrɛ la.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Jérémi 34:13

Gakelebale, Izraɛl munu lé Bale léma: Yian nya lé maa ka tranu si Éjipiti tɛrɛ la luubale gi, maa gipawe do kɛlɛ wo va, yé maa lé wo lɛ léma:

Daniɛl 9:15

Yé sin, Mizan, kolé Bale, biian ilé munu si Éjipiti tɛrɛ la i bɛ plɛplɛ nya yé i tɔ kɛlɛ blɛn fɛan zo lé é ke kyɔ, a zo, ko wenyané valé weple kɛlɛ i ma.

Kelewenu 13:17

’Kaa Izraɛl munu ’ko, kaalé Bale kaa tranu si a va ézé nya. Bléyian va lé wo ke é nyanale Éjipiti tɛrɛ la, Bale wo bɛn kɛlɛ blɛn yé é wo fwi ’bɛna é bɛ plɛplɛ nya.

Bélidɔwesɛbɛ Fiézan 5:15

A sele ’é dɔ i gi léé, i a luu nya Éjipiti tɛrɛ la, yé ’yee Gakelebale, kalé Bale ka si ana é bɛ plɛplɛ soile nya; bɛwemalé Gakelebale, kalé Bale léé, ’i flinyi kɛlɛ.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

Bélidɔwesɛbɛ Fiézan 6:12

Dé ka fɛ ble yé ka kan, ’ka yuɛ pa kabozen va; té ka gi é san Gakelebale lé é ka si luu gi Éjipiti tɛrɛ la, a ma lo.

Jozué 22:24

Ko kɛlɛ kana nya ko gi léé, dé yi do la pa yé ka benu é dan fe lɛ ko benu lɛ léé, ka valé Gakelebale Izraɛl zé Bale dɔlafɛ a mɛ nyaa?

Jozué 24:17

Naa, Gakelebale a kolé Bale nya; yee ɛ ko si luubale gi Éjipiti tɛrɛ la, ko valé ko tinu nya; yee ɛ we blɛnblɛnnu kɛlɛ ko yuɛ va, yé é ko takuun zi faa lé ko tawo a ta, é valé munu faa lé ko gié wo méléna, wo lee.

Jozué 4:6

naa, ’é kɛlɛ tɔmase nya ka va. Dé kalé nénu a laa ka lee yi do nya léé: Gɔlɛ ’konu, wo gi lé nɔɔ kazé nyaa?

Weblezannu 2:12

Wo si Gakelebale, wo tinu zé Bale lé é wo si Éjipiti tɛrɛ la, a zuo, yé wo go bale bɛnu zuo, munu lé wo ke é nyanale wo zi, wozé balenu zuo; wo ’wuo tua ’bɛnu lɛ, yé wo Gakelebale bli nwa.

Weblezannu 6:8

Gakelebale balelayezan do pa Izraɛl lé nénu lɛ zia. É lé wo lɛ léma: Gakelebale, Izraɛl lé Bale léma: Maa ka bɔra Éjipiti tɛrɛ la yé maa ka si luubale gi.