Fwile 12:43 - Kazambale lé Sebe Sauunu 1979

⁴³ Gakelebale we fe Moizi valé Arɔn lɛ léé: Mitabo fɛti lé bélidɔwe do lo: bɛn do kpen ’ka dan a ble lɛ lo.

Fwile 12:43 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:18

Naa, munu va mi palu blɛn ’ka wobo kɛlɛ lɛ tegele lo; Éfraimnu koo, Manasénu koo, Isakaanu koo, Zabulɔnnu koo, wo va mi kiɛre ’ka ’wobo kɛlɛ lɛ tegele lo. Yé wa Taboyi lé fɛ blena, dɔlé ’té wo ’ka a kɛlɛna wean wa gyɛ sɛbɛ ta, a yɛrama lo. Naa, Ézékia bazoro wolé we ma yé é léé: Gakelebale, bii ɛ ke é zin;

Fwile 12:11

Dé ka a a blena, ka dan a ble lɛ ka ma nya é ’lɛrɛle, ’té sawala a ka gane ma, ’té kalé tawomayilinu a ka lee; ka dan a ble lɛ kabo tunule nya. Gakelebale lé mi tabofɛ lé.

Fwile 12:48

Dé bɛn do a é nyanale ka va yé é sɔ a lɛ léé, ’é Gakelebale lé mitabofɛ ble, é a lé wo alé kɔn gi gɔnénu faa gane dɔ; ’bɛ zo lé é kɛlɛ Izraɛl mi nya yé é bɔa a blele lɛ; naa, té ganedɔlozan do kpen a ble lo.

Ézékiɛl 44:7

Bɛnnu lé wo bli ’ka é sile ’wo kɛlɛwe kyɛnnu lɛ lo, yé woboen gane ’ka é dɔle lo, ka wo wɔra anlé fɛna tinle na, anlé kɔn sɛrɛle we ma. Yé anlé buru koo, anlé wi nyɔnɔnu koo, wi nyɛnu koo, ka wo nɔ kalé bozofɛnu faa lɛ. Ka anlé gipawe sɛrɛ.

Lévinu 22:10

Té bɛn do kpen é fɛ plɛplɛ ’ko ble lo; dé mi lé ke é nyanale Balebanzan va, ’bɛ valé alé nyanamapazan, té ’bɛnu é fɛ plɛplɛ ’ko ble lo.

Lévinu 22:13

Balebanzan lu lé é kɛlɛ gyɛzarale nya, ɛɛ, dé a zana a bɔra yé alé né ’ka lo, yé é da nyana lɛ é ti lé kɔn gi bélé é blɛnla zo, a se a a lɛ léé, ’é ’é ti leefɛ ble. Té bɛn do kpen a ble lo.

Mi Nɔnɔle 9:14

Dé é kɛlɛ léé, bɛn a ka va, yé é sɔ a lɛ léé, ’é Gakelebale lé Taboyi lé fɛti kɛlɛ, é a lé é a kɛlɛ Taboyi sɔnnénu valé a gɔnɔlawe yɛrama. Dé mi a bɛn nyaoo, dé é a kabo lé né nyaoo, ka faa sɔnné a do.

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

1 Samuɛl 2:27

Bale lé mi do da Éli va yé é lé a lɛ léé: Gakelebale léma: Bléyian va lé i tranu a Faraɔn lee Éjipiti tɛrɛ la, maa ’ka anbo nagɔɔn lɛ wo lɛ loo?