Fwile 12:41 - Kazambale lé Sebe Sauunu 1979

⁴¹ Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 12:41 ပူးပေါင်းရင်းမြစ်များ

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

1 Minwiinzannu 6:1

Izraɛl lé nénu sile Éjipiti tɛrɛ la zuo lɛɛ wuru fié yɔ ziɛnzan nya, Salomɔn kɔn dɔ Gakelebale zé nya. Salomɔn plale Izraɛl nwiin lɛɛ ziɛnzan lé moné fiézan lé wa laama Ziv, a nya.

2 Minwiinmunu lé Wezuofe Sɛbɛ 14:12

Aza valé é vamunu wo zuo bin fɔɔ Géraa, yé Étiopinu dia, ’té wo ’ka bɔa wobo sile lɛ we gi lo. Naa, Gakelebale valé élé sunyanu wo kulu ga. Aza valé élé munu gulizarafɛnu si di.

Lɛrɛvɔ Sɛbɛ 102:13

Naa, bii Gakelebale, ilé plale mi nwiin glɛ ’ka lo, Yé i tɔ sele a mi kulu faa gi.

Lɛrɛvɔ Sɛbɛ 114:1

Yian nya lé Izraɛl si Éjipiti tɛrɛ la, Dé Jakɔb lé munu so munu lé, wo dére ke é yɛrama, wo lee,

Lɛrɛvɔ Sɛbɛ 136:11

Yé é Izraɛl munu si wo méléna, Naa, a nyanai éé zén‐é yifaama.

Fwile 12:17

Buru lé lévɛn ’ka a va lo, ka dan ’bɛlé fɛti kɛlɛ lɛ, naa, yi ’ko nya lé maa dan ka si lɛ Éjipiti tɛrɛ la bélé sunyanu palunu zo; ka kulu é kulunu é dan fɛti kɛlɛ lɛ yi ’ko la bélidɔwe lé a glɛ ’ka lo, a nya.

Fwile 12:51

Yé yi ’ko duo nya lé Gakelebale Izraɛl lé nénu si Éjipiti tɛrɛ la, wolé sunya palunu yɛrama.

Fwile 13:14

Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 13:16

We ’ko é dan kɛlɛ lɛ bélé tɔmase zo i bɛ ta, bélé pɔɔ zo i yarapɛla; Gakelebale ko si Éjipiti é bɛ plɛplɛ nya, ’bɛzama.

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 3:10

Sin, ’i go, maa dan i nwunvɔ lɛ Faraɔn va, yé i dan anlé munu Izraɛl lé nénu si lɛ Éjipiti tɛrɛ la.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 6:26

Arɔn valé Moizi ’ko lé Gakelebale wo bélidɔ a fele nya léé: ’Ka Izraɛl lé nénu si Éjipiti tɛrɛ la wolé sunyanu palu yɛrama.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 7:4

Maa dan an bɛ nwa lɛ Éjipiti ma, yé maa dan anlé sunyanu palunu, anlé munu, Izraɛl lé nénu si lɛ Éjipiti tɛrɛ la we blɛn blele nya.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Lévinu 23:43

ka kulunu lé a gi dɔɔle we gi léé, maa Izraɛlnu nyana sɔkɔnnu wuo, maalé wo sile Éjipiti tɛrɛ la zuo. Maa a Gakelebale, kalé Bale nya.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Mi Nɔnɔle 23:22

Bale wo si Éjipiti tɛrɛ la, É plɛplɛ nɔ wo lɛ bélé du zé zo.

Mi Nɔnɔle 33:1

Izraɛlnu lé wo si Éjipiti tɛrɛ la wolé sunyanu ’léé yɛrama, ’té Moizi valé Arɔn a wo ’lɛzannu nya, wo nyanananu lé ke ’ko.

WENÉNÉ LE JAN A GYE (Évangile selon Jean) 7:8

Kanu ’é go fɛti ’ko kɛlɛ. Anzé bléyi lɛ ’ka tan sɔɔ lɛ lo, bɛwemalé maa ’ka gona lo.

Kelewenu 1:7

É a zi pa wo lɛ léé: Yinu valé bléyinu lé an Ti wo dɔ é boan, kalé we ’ka ’bɛ nya lo.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Bélidɔwesɛbɛ Fiézan 16:1

’Sasola moné nya lé Gakelebale, kalé Bale ka si Éjipiti tɛrɛ la é béli, amalé ’ka ’sasola moné lé fɛti kɛlɛ yé ’ka Taboyi lé fɛti kɛlɛ Gakelebale, kalé Bale tɔ bɔle we ma.

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

Jozué 24:5

Maa Moizi valé Arɔn pa zia yé maa Éjipiti gyɛ we blɛnblɛnnu lé maa a kɛlɛ wo méléna, wo nya, ’bɛ zuo maa ka si ’bɛna.

Jozué 5:14

É a zi pa léé: Gba, naa, maa a Gakelebale lé gulizilɛzan nya; da lé maa a wo bɛ. Jozué dia é bli la yé é ’wuo wɔra a gane wuo, yé é lé a lɛ léé: Mɛ we lé anzan é dan a fe lɛ ’é wuozan lɛɛ?