Fwile 12:29 - Kazambale lé Sebe Sauunu 1979

²⁹ Tu la, né vininnu faa lé ke Éjipiti tɛrɛ la, Gakelebale wo gyɛ, é sia Faraɔn lé ke é nyanale élé webleblin ta, ’bɛlé né vinin ma fɔɔ yé é bɔ bokɔngizan lé né vinin ma, ’bɛ valé winu lé né vininnu ma.

Fwile 12:29 ပူးပေါင်းရင်းမြစ်များ

Wepélisiananu 15:14

Bɛn lé é dan pla lɛ wo nwiin bɛ, maa dan alé we ble lɛ, yé i kulunu é dan si lɛ ana fua blɛn nya.

JOB (Job) 34:20

Woo gaan bléyi do kpen nya; Béli tu la, migɔnɔ éé diaan yé éé zamaga woo; Mi plɛplɛ ta é saan, ’té mi do kpen ’ka mane lɛ a ma lo.

Lɛrɛvɔ Sɛbɛ 105:36

É wolé né vininzannu faa gyɛ wolé tɛrɛ la, Wolé pɛniɛ la né vininzannu faa lé.

Lɛrɛvɔ Sɛbɛ 135:8

Yee ɛ né vininzannu gyɛ Éjipiti tɛrɛ la, É a pélisia munu ta fɔɔ yé é bɔ a nya winu va.

Lɛrɛvɔ Sɛbɛ 136:10

Bale lé é Éjipitimunu lé né vininzannu gyɛ, Naa, a nyanai éé zén‐é yifaama.

Lɛrɛvɔ Sɛbɛ 78:50

É zi nɔ élé bliflile lɛ, É ’ka wo boen si lɛ gale lee lo, É wolé tɛrɛla nyaa;

Lɛrɛvɔ Sɛbɛ 78:51

É Éjipiti tɛrɛ la né vininzannu faa gyɛ, Wolé pɛniɛ la né vininzannu lé, wa Sam lé sɔkɔnnu wuo.

Fwile 11:1

Gakelebale lé Moizi lɛ léé: Maa dan da lɛ dunuvɔmagyɛ do nya é ziin Faraɔn valé Éjipiti va. ’Bɛ zuo é dan daan lɛ ka ma yé ka si fɛkona. Dé é zi nɔ ka lɛ webozen nya, é dan ka bin lɛ boenwo.

Fwile 12:12

’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Fwile 12:28

Yé Izraɛl lé nénu go, yé we lé Gakelebale a fe Moizi valé Arɔn lɛ, wa kɛlɛ.

Fwile 13:15

yé Faraɔn ’ka aan wo daanna ko ma lo, amalé Gakelebale né vininnu faa gyɛ Éjipiti tɛrɛ la, é sia munu lé né vininnu ma fɔɔ yé é bɔ winu lé né vininnu ma. Né vininnu faa lé ke gɔné nya, wean ma lé ko wo no Gakelebale lɛ saraka nya yé ko ko benu lé né vininnu faa taboo, a gi lé ke bɛ.

Fwile 4:23

É lé i lɛ léé, ’i daan ’é be ma yé ’é é bɔ; dé i ’ka daan a ma lo, ’é dan i be, ilé né vininzan gyɛ lɛ.

Fwile 9:6

’Bɛ é tu kini, Gakelebale a kɛlɛ a zo. Éjipiti munu lé trubɛnu ga, yé Izraɛl lé nénu lé trubɛnu va wi do kpen ’ka ga lɛ lo.

Ézai 24:22

É dan wo faa zén lɛ ékeva luu nya bokɔn gi, é dan wo vɔ lɛ bwati gi, yé ’bɛ zuo yi kiɛre nya, é dan we lɛdɔ lɛ wo gi.

Ézai 41:11

Bé ye, munu faa lé wo bli fli i ma, Wo gi é dan blin lɛ wo ma, yé yara é dan wo gyɛ lɛ; Munu lé wo nwa i ma, Wo dan kɛlɛ lɛ é boa, wo dan zamaga wo lɛ.

Ézai 51:14

Mi lé gɔgɔbale bɛnzan ke é vɔle a ma, é vo sɛ yé wa fuo a ma, É ’ka dan ga lɛ guru gi lo, É ’ka dan vuru lɛ élé fɛblele ma lo.

Jérémi 38:13

Wo Jérémi gana bawɔrɔnu nya, yé é si ’yiguru gi, yé é vo bɔkɔn gɔrɔ gi.

Jérémi 38:6

Yé wo Jérémi si yé wa zun minwiinzan blɛn be Malkija lé ’yiguru lé é ke bokɔn gɔrɔ gi, a gi; wo Jérémi zun a gi bawɔrɔ nya. ’Yi do kpen ’ka ’yiguru gi lo, naa, voli ɛ ke ana, yé Jérémi vɔ voli gi.

Abaku 3:5

Migyɛgyɛ éé tawoo a ’lɛ, Yé migyɛgyɛ éé tawoo a gane pa gi.

Zakari 9:11

Bii Izraɛl, gipawe lé é ke é dɔle gligli nyɛ nya, Alé we ma lé maa dan ilé luugimunu si lɛ guru lé ’yi ’ka a gi lo, a wɔlɛ ma.

Mi Nɔnɔle 3:13

Naa, né vininzannu faa a anzé nya. Yian nya lé maa Éjipiti tɛrɛla né vininzannu faa gyɛ, ’bɛ yi nya maa Izraɛlnu lé né vininzannu faa pa é yɛrama anzé nya; munu koo, winu koo, woo lé; wo ɛ kɛlɛ anzé nya ma. Maa a Gakelebale nya.

Mi Nɔnɔle 33:4

Éjipitinu lé né vininnu lé Gakelebale wo gyɛ, Éjipitinu wo faa pa; yé é ziin, Gakelebale wolé balenu lé we ble.

Mi Nɔnɔle 8:17

Naa, Izraɛlnu lé né vininzannu faa a anzé nya; dé é a munu nyaoo, dé é a winu nyaoo, yian nya lé maa Éjipiti tɛrɛlamunu lé né vininzannu faa gyɛ, ’bɛ yi nya lé maa wo pa é yɛrama anzé nya.

Ébrunu 11:28

Blipale nya lé é Taboyi lé fɛti kɛlɛ yé é wi nyɛ nwɛɛn, té migyɛzan é mane Izraɛl lé né vininzannu ma lo we gi.

Ébrunu 12:23

Kazambale lé né vininzannu lé wo tɔ ke é gyɛle lagi mi, wo zénle ékeva koo, Bale lé ke mi faa lé weblezan nya bɛ, yee koo, munu tegele lélinu lé gun ke é sile wo ma bɛ, wo koo,