Fwile 12:21 - Kazambale lé Sebe Sauunu 1979

²¹ Moizi Izraɛl lé mi segelenu faa laa yé é lé wo lɛ léé: ’Ka go ’blané si kalé kɔnnu zé nya yé ka mitabofɛ gyɛ.

Fwile 12:21 ပူးပေါင်းရင်းမြစ်များ

2 Minwiinzannu 23:21

Minwiinzan blɛn munu faa béli dɔ léma: ’Ka Gakelebale, kalé Bale bɔ Taboyi lé fɛti kɛlɛle nya, fɛan zo lé wa gyɛ gipawe sɛbɛ ’ko gi, a zo.

Ezidras 6:20

Balebanmunu valé Lévinu wobo kɛlɛ tegele bléyi do nya; wo faa wobo kɛlɛ tegele. Wo Taboyi lé trubɛnu gyɛ luugimunu faa koo, wo bwenu Balebanzannu koo, wobozen koo, wolé we ma.

Fwile 12:11

Dé ka a a blena, ka dan a ble lɛ ka ma nya é ’lɛrɛle, ’té sawala a ka gane ma, ’té kalé tawomayilinu a ka lee; ka dan a ble lɛ kabo tunule nya. Gakelebale lé mi tabofɛ lé.

Fwile 12:20

Buru lé lévɛn ke a va, té ka a ble lo; buru lé lévɛn ’ka a va lo, ka dan a ble lɛ kalé kɔnnu faa gi.

Fwile 12:3

’Ka we fe Izraɛl munu faa lɛ léé: Moné ’ko yi vuzan nya, ’ka ’blané do do si kɔn ma kɔn ma, kɔn do ’blané do.

Fwile 17:5

Gakelebale lé Moizi lɛ léé: ’I gié munu ’lɛ, yé ’i go Izraɛl lé mi segelenu nya i va; tawomayili lé i fɛ duun yuu lɛ a nya, ’i goan i lee é ziin, yé ’i tawo.

Fwile 19:7

Moizi da munu va mi segelenu laa lɛ, yé é dére ’konu fe wo lɛ, Gakelebale a fe fɛan zo, a zo.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Mi Nɔnɔle 11:16

Gakelebale lé Moizi lɛ léé: ’I mi segele yɔ yaa wɔlɛ vu bié an punma, munu lé i wo dɔɔ mi segelenu nya munu va, ’té wa é plale munu nwiin; ’i go wo nya zén‐ékevasɔkɔn ’léé, yé wo dɔ ’bɛna i va.

1 Korent munu 10:4

yé Balenɔyi lé wo faa a mini. Balenɔgɔlɛ lé é tawo wo zuo, a gi ’yi lé wo faa a mini. Yé gɔlɛ ’ko a Krist nya. Bwenu, we ’ko sele ’é dɔ ka gi ma.

Ébrunu 11:28

Blipale nya lé é Taboyi lé fɛti kɛlɛ yé é wi nyɛ nwɛɛn, té migyɛzan é mane Izraɛl lé né vininzannu ma lo we gi.

Jozué 5:10

Izraɛlnu nyana Gilgal ’wolé sɔkɔnnu gi; yé moné yi vu ta ziɛnzan nya é nyanadi wo Taboyi lé fɛ ble Jériko lé fɛna pɛblɛɛ na.