Fwile 12:17 - Kazambale lé Sebe Sauunu 1979

¹⁷ Buru lé lévɛn ’ka a va lo, ka dan ’bɛlé fɛti kɛlɛ lɛ, naa, yi ’ko nya lé maa dan ka si lɛ Éjipiti tɛrɛ la bélé sunyanu palunu zo; ka kulu é kulunu é dan fɛti kɛlɛ lɛ yi ’ko la bélidɔwe lé a glɛ ’ka lo, a nya.

Fwile 12:17 ပူးပေါင်းရင်းမြစ်များ

Fwile 12:14

Yi ’ko sele é dan dɔ lɛ ka gi, yé ka dan Gakelebale tɔbɔ fɛti kɛlɛ lɛ yi ’ko nya; ka kulu é kulunu é dan fɛti ’ko kɛlɛ lɛ bélé bélidɔwe lé a glɛ ’ka lo, a zo.

Fwile 12:24

Ka dan we ’ko kɛlɛ lɛ bélidɔwe nya, ka valé kalé nénu zé nya, lɛɛfaama, a glɛ ’ka lo.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 12:6

Ka dan yuɛ pa lɛ a va fɔɔ yé moné ’ko yi vu ta ziɛnzan é bɔ; Izraɛl munu faa é dan ’wozé gyɛ lɛ nyanadi yiri zɔrɔ nya.

Fwile 13:10

I dan bélidɔwe ’ko kɛlɛ lɛ lɛɛ do do ma, bléyi lé wa dɔ, a nya.

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 13:8

I dan a fe lɛ i be lɛ léé: We lé Gakelebale a kɛlɛ ko lɛ, ko fwile Éjipiti tɛrɛ la bléyi va, a sele dɔ ko gi we lé.

Fwile 34:18

Buru lé lévɛn ’ka a va lo, i dan alé fɛti kɛlɛ lɛ; yi sɔrafié nya, bléyi lé wa dɔ ’sa sola moné nya, a nya; buru lé lévɛn ’ka a va lo, i dan a ble lɛ, maa i bélidɔ fɛan zo, a zo, naa, ’sa sola moné nya lé ka fwi Éjipiti tɛrɛ la.

Fwile 6:26

Arɔn valé Moizi ’ko lé Gakelebale wo bélidɔ a fele nya léé: ’Ka Izraɛl lé nénu si Éjipiti tɛrɛ la wolé sunyanu palu yɛrama.

Fwile 7:5

Éjipiti munu é dan a gi dɔɔ lɛ léé, maa a Gakelebale nya, ’té dé maa an bɛ soi Éjipiti tɛrɛ la yé maa Izraɛl lé nénu si wo va.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Bélidɔwesɛbɛ Fiézan 16:3

Buru lé lévɛn ke a va, té ka a ble fɛti yinu la lo; buru lé lévɛn ’ka a va lo, kalé nyanébleburu, ’ka ’bɛ ble yi sɔrafié wuo, naa, ka si Éjipiti tɛrɛ la fiaa, ’bɛzama; ’ka kɛlɛ a zo, yi lé ka si Éjipiti tɛrɛ la a nya, a sele dɔle ka gi we ma kalé tɛrɛla faa gi.