Fwile 12:15 - Kazambale lé Sebe Sauunu 1979

¹⁵ Buru lé lévɛn ’ka wo va lo, ka dan wo ble lɛ yi sɔrafié. É sia a yi vinin ma, té lévɛn é kɛlɛ kalé kɔnnu gi é dɛrɛ lo; naa, é sia a yi vininzan ma fɔɔ yé é bɔ a yi sɔrafiézan ma, dé mian buru ble, té lévɛn a a va, ’wo ’bɛzan si Izraɛl va.

Fwile 12:15 ပူးပေါင်းရင်းမြစ်များ

Wepélisiananu 17:14

Gɔné lé a gane ’ka é dɔle lo, é anlé gipawe sɛrɛ, amalé é a lé wa kulu ga alé munu méléna.

2 Minwiinmunu lé Wezuofe Sɛbɛ 30:21

A zo lé Izraɛlnu lé ke Jérusalɛm, buru lé lévɛn ’ka a va lo, wo alé fɛti kɛlɛ yi sɔrafié wuo, ’té wo gi éé nanaan é baba. Yé yi faa do do ma Lévinu valé Balebanzannu éé Gakelebale tɔ zin fé lɛrɛvɔafɛnu lé wo vun wele zuo gi éé goo a tɔ bɔle we ma, wo nya.

Ezidras 6:22

Yi sɔrafié wuo, buru lé lévɛn ’ka a va lo, walé fɛti kɛlɛ yé wo gi nana. Naa, Gakelebale wo fan ginanale nya é baba; é Asirinu nwiinzan blɛn kɛlɛ wo ma é zima, yé é bɔ wo va Izraɛlnu lé Bale lé kɔn dɔ nyanama nya.

Fwile 12:8

Béli ’ko duo nya, ka dan a wi ble lɛ é panele nya; ka dan a ble lɛ buru lé lévɛn ’ka a va lo koo, zianbla nyanale koo, wo nya.

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 23:15

Buru lé lévɛn ’ka a va lo, ’ka ’bɛlé fɛti kɛlɛ; bléyi lé wa dɔ, ’sa sola moné nya, buru lé lévɛn ’ka a va lo, i dan a ble lɛ yi sɔrafié nya, maa i bélidɔ fɛan zo, a zo, moné ’ko gi lé ka fwi Éjipiti tɛrɛ la, azama; té wo da wo lee koro nya an yara lo.

Fwile 30:33

Dé mian é a zoɛ kɛlɛ, dé é a zén bɛn ta, ’wo ’bɛzan si Izraɛlnu va.

Fwile 30:38

Dé miomian ’bɛ zoɛ lasikɔrɔ kɛlɛ, ’ézé gin sile we ma, ’wo ’bɛzan si Izraɛlnu va.

Fwile 31:14

Ka dan flinyi kɛlɛ lɛ, naa, é dan kɛlɛ lɛ kalé yi nyané baba nya. Mi lé é flinyi sɔnné sɛrɛ, wo dan ga dɔ lɛ a nwiin; mi lé é nyanama pa ’bɛ yi la, wo dan a si lɛ Izraɛl va.

Fwile 34:18

Buru lé lévɛn ’ka a va lo, i dan alé fɛti kɛlɛ lɛ; yi sɔrafié nya, bléyi lé wa dɔ ’sa sola moné nya, a nya; buru lé lévɛn ’ka a va lo, i dan a ble lɛ, maa i bélidɔ fɛan zo, a zo, naa, ’sa sola moné nya lé ka fwi Éjipiti tɛrɛ la.

Fwile 34:25

Buru lé lévɛn ke a va, té i saraka bo a nya, wi lé bé gyɛ an tɔbɔle we gi, a nyɛ nya lo; té wo Taboyi lé fɛti lé sarakawi tadɔ fɔɔ yé tu é kini a ma lo.

Lévinu 17:10

Dé Izraɛl mi do léé, dé ka va bɛn bɛ mi do léé, dé é a fɛofɛan nyɛ nya, dé é a ble, maa dan an yara si lɛ ’bɛ nyɛblezan ta, yé maa dan a si lɛ ’élé munu va.

Lévinu 17:14

Naa, nɛ faa bélifɛ a nyɛ lé ke a gi, a nya. Bɛwemalé maa a fe Izraɛl lé nénu lɛ léé, té wo fɛ do kpen nyɛ ble lo; naa, fɛ é vo é yuɛma é nyɛ nya; dé miomian a ble, wo dan a si lɛ élé munu va.

Malasi 2:12

Mi lé é a kɛlɛ ’bɛ zo, dé é a miomian nya, Gakelebale é dan a kini lɛ Jakɔb lé munu ma. É dan a kini lɛ munu lé woo Gakelebale baan, wo ma.

Mi Nɔnɔle 28:17

Moné ’ko yi vu ta soruzan a fɛtiyi nya. Yi sɔrafié wuo, buru lé lévɛn ’ka a va lo, ’wo vo a blena.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

Matio 16:12

Yé wa ’ma sin léé, é ’ka a fena léé, ’wo yuɛ pa wobozen va buru lé lévɛn lé we ma lo, naa, Farizimunu valé Sadusémunu lé we paale lé é ke a fena.

WENÉNÉ LÉ LUK A GYE (Évangile selon Luc) 12:1

’Bɛ bléyi ’ko wuo, mi wuru é wuru boen zén ékeva, yé é vo sɛ yé wo wo ke zɔn wo gane nya, yé Jézu kun wefele ma é zuomunu lɛ é vinin yé é léé: ’Ka yuɛ pa kabozen va, Farizimunu lé lévɛn lé é ke mi lé ’ébo drɔle nya, alé we ma.

WENÉNÉ LÉ LUK A GYE (Évangile selon Luc) 2:43

Fɛti kɛlɛle nyaa aan wo, dé wa gona ’wo pa gi é ziin, pɛniɛné Jézu vo zi zuo Jérusalɛm. A ti valé a bu ’ka ’bɛ gi dɔɔa lo.

Kelewenu 12:3

É a ye léé, ’bɛ sɔ Juifinu lɛ, amalé é Piɛri kun é ziin, buru lé lévɛn ’ka a va lo, ’bɛ yinu ta.

Galasi munu 5:12

Wo lé wo ke ka ’wuo nɔlana bɛ, dé é a ’bɛ zo, ’wobo kɛlɛ miblalenu nya ma.

Bélidɔwesɛbɛ Fiézan 16:3

Buru lé lévɛn ke a va, té ka a ble fɛti yinu la lo; buru lé lévɛn ’ka a va lo, kalé nyanébleburu, ’ka ’bɛ ble yi sɔrafié wuo, naa, ka si Éjipiti tɛrɛ la fiaa, ’bɛzama; ’ka kɛlɛ a zo, yi lé ka si Éjipiti tɛrɛ la a nya, a sele dɔle ka gi we ma kalé tɛrɛla faa gi.

Bélidɔwesɛbɛ Fiézan 16:5

Fɛnanu lé Gakelebale, kalé Bale a nɔ ka lɛ ka nyanana nya, té ka saraka bo Tabowi nya ’bɛ do kpen na lo;

Bélidɔwesɛbɛ Fiézan 16:8

Buru lé lévɛn ’ka a va lo, ’ka ble yi suiɛdo; yi sɔrafiézan nya, ka dan zénle ékeva plɛplɛ do kɛlɛ lɛ, Gakelebale kalé Bale bɔle we gi; té ka nyanama do kpen pa lo.