Fwile 12:14 - Kazambale lé Sebe Sauunu 1979

¹⁴ Yi ’ko sele é dan dɔ lɛ ka gi, yé ka dan Gakelebale tɔbɔ fɛti kɛlɛ lɛ yi ’ko nya; ka kulu é kulunu é dan fɛti ’ko kɛlɛ lɛ bélé bélidɔwe lé a glɛ ’ka lo, a zo.

Fwile 12:14 ပူးပေါင်းရင်းမြစ်များ

2 Minwiinzannu 23:21

Minwiinzan blɛn munu faa béli dɔ léma: ’Ka Gakelebale, kalé Bale bɔ Taboyi lé fɛti kɛlɛle nya, fɛan zo lé wa gyɛ gipawe sɛbɛ ’ko gi, a zo.

Lɛrɛvɔ Sɛbɛ 111:4

A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

Lɛrɛvɔ Sɛbɛ 135:13

Gakelebale, i tɔ ana lɛɛfaama, Gakelebale, i sele a mi kulu é kulunu gi.

Fwile 12:17

Buru lé lévɛn ’ka a va lo, ka dan ’bɛlé fɛti kɛlɛ lɛ, naa, yi ’ko nya lé maa dan ka si lɛ Éjipiti tɛrɛ la bélé sunyanu palunu zo; ka kulu é kulunu é dan fɛti kɛlɛ lɛ yi ’ko la bélidɔwe lé a glɛ ’ka lo, a nya.

Fwile 12:24

Ka dan we ’ko kɛlɛ lɛ bélidɔwe nya, ka valé kalé nénu zé nya, lɛɛfaama, a glɛ ’ka lo.

Fwile 12:43

Gakelebale we fe Moizi valé Arɔn lɛ léé: Mitabo fɛti lé bélidɔwe do lo: bɛn do kpen ’ka dan a ble lɛ lo.

Fwile 12:6

Ka dan yuɛ pa lɛ a va fɔɔ yé moné ’ko yi vu ta ziɛnzan é bɔ; Izraɛl munu faa é dan ’wozé gyɛ lɛ nyanadi yiri zɔrɔ nya.

Fwile 23:15

Buru lé lévɛn ’ka a va lo, ’ka ’bɛlé fɛti kɛlɛ; bléyi lé wa dɔ, ’sa sola moné nya, buru lé lévɛn ’ka a va lo, i dan a ble lɛ yi sɔrafié nya, maa i bélidɔ fɛan zo, a zo, moné ’ko gi lé ka fwi Éjipiti tɛrɛ la, azama; té wo da wo lee koro nya an yara lo.

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Fwile 5:1

’Bɛ zuo Moizi valé Arɔn go Faraɔn va yé wo lé a lɛ léé: Gakelebale, Izraɛl lé Bale léma: ’I daan ’élé munu ma, ’wo go fɛti kɛlɛ nyéné la ’é tɔ bɔle we gi.

Ézékiɛl 46:14

I dan suoné do burupun pa lɛ a va bladi faa ma, é valé nyɔnɔ litré fié nya, a vɔɔle burupun nya we ma. Blɛfɛ lé wa no Gakelebale lɛ, yee lé; bélidɔwe lé a glɛ ’ka lo, a nya.

Lévinu 23:6

Moné ’ko lé yi vu ta soruzan nya, buru lé lévɛn ’ka a va lo, wo dan ’bɛlé fɛti kɛlɛ lɛ Gakelebale bɔle we gi; buru lé lévɛn ’ka a va lo, ka dan a ble lɛ yi sɔrafié.

Zakari 6:14

Tɔkoro ’konu é dan kɛlɛ lɛ Élɛm koo, Tobija valé Jédaéja koo, Sofoni be En koo, wozé nya; é dan kɛlɛ lɛ we sele dɔ migifɛ nya Gakelebale lé kɔn gi.

Mi Nɔnɔle 10:8

Arɔn benu lé wo ke Balebanzannu nya, wo ɛ bélinu fɛn ma. É dan kɛlɛ lɛ bélidɔwe lé a glɛ ’ka lo, a nya, ka valé ka kulunu zé nya.

Mi Nɔnɔle 15:15

Munu faa lé bélidɔwe ’é kɛlɛ do ma; ka koo, bɛnnu lé wo ke ka va koo, we ’ko ’é kɛlɛ bélidɔwe lé a glɛ ’ka lo, a nya, ka nénénu zé nya ma; ka valé bɛnnu lé we a do Gakelebale yuɛ gi.

Mi Nɔnɔle 16:40

É a we sele dɔ Izraɛlnu gifɛ nya, léé, munu lé wo ’ka Arɔn bɛn gi munu nya lo, té wo va mi do kpen é bié Gakelebale banle lasikɔrɔ nya we ma lo; té wolé we é kɛlɛ bélé Koré valé é vamunu zé zo lo we ma, we lé Gakelebale a fe Moizi lɛ, a yɛrama.

Mi Nɔnɔle 18:8

Gakelebale lé Arɔn lɛ léé: Bé ye, fɛnu faa lé Izraɛlnu wo pa é yɛrama anzé nya, maa wo va fɛ kenu nɔ i lɛ, yee lé ke fɛnu lé wa nɔ an lɛ a nwale valé a tuale nya, wo nya. Maa wo nɔ bii valé i benu zé dɔna nya, nyɔnɔ zénle ka ta we ma. É a ka dɔna nya lɛɛfaama.

Matio 26:13

Maa lé ka lɛ webozen nya léé, fɛfaana lé munu é dan Wenéné ’ko fe lɛ tɛrɛ faa la, we lé lezan ’ko a kɛlɛ wo dan a zuo fe lɛ yé lezan ’ko sele é dan dɔ lɛ munu gi.

WENÉNÉ LÉ LUK A GYE (Évangile selon Luc) 22:19

’Bɛ zuo, é buru si, yé Bale bɔvɔle zuo é a bɔi yé é a nɔ wo lɛ a fele nya léé: An kɔlɛ lé maa a nɔ kalé we ma, yee lé ke ’ko. ’Ka we ’ko kɛlɛ an sele dɔle ka gi we ma.

Bélidɔwesɛbɛ Fiézan 16:1

’Sasola moné nya lé Gakelebale, kalé Bale ka si Éjipiti tɛrɛ la é béli, amalé ’ka ’sasola moné lé fɛti kɛlɛ yé ’ka Taboyi lé fɛti kɛlɛ Gakelebale, kalé Bale tɔ bɔle we ma.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 6:8

’Ka wo yere ka bɛ ma tɔmase nya, ’ka wo polu dɔ ka ’wuo ma yé é vo é plale ka yarapɛ la.

Jozué 4:7

Ka dan a fe lɛ wo lɛ léé: Juudɛn yoro bɔi Gakelebale lé gipawe pagikɛsu ’lɛ; dé é a Juudɛn kinina, ’té ’yi a é dɔle, yé gɔlɛ ’konu é dan kɛlɛ lɛ a sele dɔ Izraɛlnu gi fɛ nya lɛɛfaama.

1 Samuɛl 30:25

Yé é kɛlɛ a zo ’bɛ yi nya, yé ’bɛ zuo é kɛlɛ a zo é ziin yé we ’ko kɛlɛ bélidɔwe valé gɔnɔlawe nya Izraɛlnu va fɔɔ kyɔ yi nya.