Fwile 12:12 - Kazambale lé Sebe Sauunu 1979

¹² ’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Fwile 12:12 ပူးပေါင်းရင်းမြစ်များ

Minwiinzannu lé Wezuofe Sɛbɛ 14:12

Wo ’wolé yonu vo ’bɛna, yé wo wo kyɛ ble David dére ta.

Lɛrɛvɔ Sɛbɛ 135:8

Yee ɛ né vininzannu gyɛ Éjipiti tɛrɛ la, É a pélisia munu ta fɔɔ yé é bɔ a nya winu va.

Lɛrɛvɔ Sɛbɛ 82:1

Lɛrɛ lé Azafa a vɔ. Bale éé dɔa loru élé zén‐ékevamunu méléna; Éé we blé balenu méléna.

Lɛrɛvɔ Sɛbɛ 82:6

Maa a fe kɔɔn léé, ka a balenu nya, Ka faa a Loruzan benu nya.

Lɛrɛvɔ Sɛbɛ 91:7

Dé mi wuru soru dia i bɛ do laoo, Yé dé mi baa soru dia i bɛyilaoo, Wo ’ka dan bɔ lɛ i lɛ lo;

Lɛrɛvɔ Sɛbɛ 95:3

Naa, Gakelebale a Bale blɛn nya, É a minwiinzan blɛn nya é mini balenu faa ta.

Fwile 12:23

Dé Gakelebale gié Éjipiti blale we gi, dé é nyɛ ye duolivɔgiyili fié valé a ’wuolayili ma, Gakelebale é dan gié lɛ kɔn ’léé ta loru, yé é ’ka dan a nyi si lɛ léé, mikulugazan é wɔra kalé kɔnnu gi mi gyɛle we gi lo.

Fwile 18:11

Maa gi dɔɔ sin léé, Gakelebale a blɛn é mini balenu faa ta; naa, Éjipiti munu lé wenaané dia wobo la.

Fwile 21:6

’té azan é dan da lɛ a nya Kazambale ’lɛ; yé dé duoli léé, dé duoli vɔgiyili léé, é dan bié lɛ a ma, yé azan é dan a tɔné fɔn lɛ foroné nya, yé luu é dan vo lɛ alé nyanama pana lɛɛfaama.

Fwile 22:28

Té i bale pa Kazambale ma lo; té i bale pa ilé munu nwiinzan ma lo.

Fwile 6:2

Kazambale we fe Moizi lɛ é ziin yé é lé a lɛ léé: Maa a Gakelebale nya.

Fwile 9:6

’Bɛ é tu kini, Gakelebale a kɛlɛ a zo. Éjipiti munu lé trubɛnu ga, yé Izraɛl lé nénu lé trubɛnu va wi do kpen ’ka ga lɛ lo.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Jérémi 43:12

An dan kyɛ vɔ lɛ Éjipiti munu lé balenu lé kɔnnu va. Nébukanɛsaa é dan wo kyɛ ble lɛ, é dan go lɛ miyilinu nya é lee. É dan Éjipiti tɛrɛ zén lɛ é ta bélé ’blatabinzan lé varɔ zo yé é dan si lɛ ana drɔɔ.

Jérémi 43:13

Yiribangikɔn lé wa laama Bɛt‐Sémɛs, é dan a sɛrɛ lɛ Éjipiti tɛrɛ la, yé é dan Éjipiti munu lé balenu lé kɔnnu kyɛ ble lɛ.

Jérémi 46:25

Lai sunyanu lé Gakelebale, Izraɛl lé Bale léma: Ka ye, wolé bale lé ke Nofla, ’té wa laama Amon, yee koo, Faraɔn koo, Éjipiti munu koo, wolé balenu koo, wolé mi blɛnblɛnnu koo, Faraɔn valé munu lé woo paan a ta koo, maa dan we lɛdɔ lɛ wo gi.

Ézékiɛl 12:16

Naa, maa dan wo va mi kenu vo lɛ yé ’bɛnu é dan so lɛ gwɔun koo, lɔrɔ koo, migyɛgyɛ koo, wo lee, wolé bozowenu faa zuo fele we ma, bɛnnu lé wo dan go lɛ wo méléna, wo lɛ, yé wo dan a gi dɔɔ lɛ léé, maa lé ke Gakelebale nya.

Amɔs 5:17

Dé maa gié ka méléna, wo dan wuvɔ lɛ dɔrɔféi faa la. A zo lé Gakelebale a fe.

Sofoni 2:11

Gakelebale é dan kɛlɛ lɛ wo ma bawurumazan nya, naa é dan viébalenu faa kulu ga lɛ tɛrɛ la. Yé munu faa do do é dan si lɛ ’wolé tɛrɛ la, yé wo dan dia lɛ a ’lɛ. Wo dan si lɛ wɛyi worona tɛrɛnu faa ta é ziin.

Mi Nɔnɔle 33:4

Éjipitinu lé né vininnu lé Gakelebale wo gyɛ, Éjipitinu wo faa pa; yé é ziin, Gakelebale wolé balenu lé we ble.

1 Samuɛl 5:3

’Bɛ é tu kini Azdɔd munu nwa bladi tutu yé wo Dagɔn ye é diale é yara tɛrɛ va, Gakelebale lé kɛsu ’lɛ. Wo Dagɔn sia yé wa dɔ é dɔna é ziin.

1 Samuɛl 6:5

’Ka kyan gyɛ flanbɔragyɛ foto valé ’monénu lé ke tɛrɛ sɛrɛna, wo foto nya, yé ’ka Izraɛl lé Bale tɔ bɔ, ɛɛ, dé é dan é bɛ nyané si lɛ ka koo, kalé balenu koo, kalé tɛrɛ koo, wo taa?