Fwile 10:3 - Kazambale lé Sebe Sauunu 1979

³ Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Fwile 10:3 ပူးပေါင်းရင်းမြစ်များ

1 Minwiinzannu 18:21

Yé Éli bié munu va yé é léé: Ka dan daan lɛ kalé yuɛ gi blanle ma mɛ yi laa? Dé Gakelebale a Bale nya, ’ka go a zuo; dé Baal lé, ’ka go ’bɛ zuo. Munu ’ka we do kpen zi pa lɛ a lɛ lo.

1 Minwiinzannu 21:29

Akab ébo kɛlɛ kiéné an ’lɛ fɛan zo, bé yee? Ébo kɛlɛ kiéné an ’lɛ, bɛwemalé maa ’ka dan we tɔntɔn bɔ lɛ a ma a yuɛma bléyi va lo; a be lé tɛrɛla bléyi va lé maa dan we tɔntɔn bɔ lɛ alé munu ma.

2 Minwiinzannu 22:19

Guru zana a gi dére valé bale pa mi ma dére lé maa fe tɛrɛ ’ko valé a tamunu ma, bé ’ma aan wo, i bli kyɛ dɔ yé ibo kɛlɛ kiéné Gakelebale ’lɛ, ilé sɔnu fia yé i wuvɔ an ’lɛ, bɛwemalé maa é ziin, maa ’ma; yee lé Gakelebale a fe.

2 Minwiinmunu lé Wezuofe Sɛbɛ 33:12

Alé kleblele gi é zanté vɔ Gakelebale alé Bale lɛ, yé é ’ébo kɛlɛ kiéné é tranu lé Bale ’lɛ.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

2 Minwiinmunu lé Wezuofe Sɛbɛ 7:14

anlé munu lé an tɔ ke wo ma, dé wo wobo kɛlɛ kiéné yé wo bazoro yé wo an nagini, yé dé wo si ’wo kɛlɛwe naanénu zuo, maa dan wolé bazoro dére ’ma lɛ lanu gi, maa dan wo ma we vo lɛ wolé wenyanénu ma, yé maa dan wolé tɛrɛ dɔ lɛ é dɔbɛ gi.

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

Fwile 10:4

Dé i ’ka a nyi si lɛ léé, i daan ’élé munu ma lo, bé ye, tɛlɛ é dan da lɛ gangannu nya ilé tɛrɛ faa la.

Fwile 16:28

Yé Gakelebale lé Moizi lɛ léé: Mɛ yi la lé ka dan an sɔnné pa lɛ yé ka anlé bélidɔwenu kɛlɛɛ?

Fwile 4:23

É lé i lɛ léé, ’i daan ’é be ma yé ’é é bɔ; dé i ’ka daan a ma lo, ’é dan i be, ilé né vininzan gyɛ lɛ.

Fwile 5:1

’Bɛ zuo Moizi valé Arɔn go Faraɔn va yé wo lé a lɛ léé: Gakelebale, Izraɛl lé Bale léma: ’I daan ’élé munu ma, ’wo go fɛti kɛlɛ nyéné la ’é tɔ bɔle we gi.

Fwile 9:17

Dé i nwa ’élé munu ma é ziin, dé i ’ka daan wo ma ’wo go lo,

Wegɔnévɔlenu 1:22

’Wuoplɛplɛzan, i dan daan lɛ ’wuoplɛplɛwe ma mɛ yi laa? Wenanamunu é dan daan lɛ we nanale ma mɛ yi laa? ’Tugyɛzan é dan we dɔɔ lɛ mɛ yi laa?

Wegɔnévɔlenu 1:24

Maa ka laan, yé ka sɔn vɔa an dére ma, maa bɛ soian ka lɛ, yé mi do kpen ’ka a naginian lo,

Wegɔnévɔlenu 18:12

Mi lé é ébo kɛla blɛn, a guruzanale a gi bɔ é pu; naa, bo kiéné ɛ dan tɔbɔle nya.

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 13:18

Bé fe minwiinzan blɛn valé minwiin le lɛ léé: Tɔkoro lé é ke ka nyɛɛfɛ nya, é si ka ’wuo ma, é dia, amalé ’ka nyana tɛrɛ va.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Ézékiɛl 5:6

É anlé bélidɔwenu valé an déretawenu sɛrɛ, yé alé wenaané mini é zi bɛnnu valé é zi tɛrɛlamunu faa zé ta. Naa, é anlé bélidɔwenu ye boawenu nya, yé é ’ka an déretawenu zuo tawo lɛ lo.

Daniɛl 5:22

Yé bii, a be Bɛlsasaa, i ’ka ibo kɛlɛ lɛ kiéné we ’ko gi lo, dɔlé ’té i we ’konu faa dɔɔ.

Mi Nɔnɔle 14:27

We lé zén‐ékevamunu nyané ’konu a blé an va bɛ, maa dan an ’wuo dɔ lɛ a wuo yifaamaa? An ma we lé Izraɛlnu a ble, maa a ’ma.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

SEBE LÉ JAK A GYE (Épitre de Jacques) 4:10

’Kabo kɛlɛ kiéné Mizambale ’lɛ, yé é dan ka kɛlɛ lɛ blɛn.

1 Piɛri 5:6

’Kabo kɛlɛ kiéné Kazambale bɛ plɛplɛ wuo, yé dé a bléyi bɔ yé Kazambale ’é ka kɛlɛ blɛn;