Fwile 10:22 - Kazambale lé Sebe Sauunu 1979

²² Moizi é bɛ soi lai zia; yé gunu tiritiri dɔra Éjipiti tɛrɛ faa la fɔɔ yi yaa.

Fwile 10:22 ပူးပေါင်းရင်းမြစ်များ

JOB (Job) 5:14

Yiéyi bléyi va, gunu éé dɔraan wo ma, Woo bɛ daan é yiéyi bélé béli zo.

Lɛrɛvɔ Sɛbɛ 105:28

Bale zi dɔ gunuti nya, Yé Moizi valé Arɔn Bale dére ’ma yé wo ’ka a lɛga lɛ a ma lo.

Fwile 20:21

Munu vo baa; naa, Moizi bié lati lé Kazambale ke a gi, a va.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Ézékiɛl 32:7

Dé maa a i dirina bléyian va, maa dan fɛ bua lɛ lanu yara, yé maa dan gunu dɔra lɛ lagi monénénu yara. Maa dan lati zén lɛ yiri yara yé moné ’ka dan bi lɛ é dɛrɛ lo.

Ézékiɛl 32:8

Maa dan gunu dɔra lɛ lagifɛnu faa yara ilé we ma, yé maa dan gunu dɔra lɛ ilé tɛrɛ faa la. A zo lé Mizan Gakelebale a fe.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Amɔs 4:7

Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Bélidɔwesɛbɛ Fiézan 4:11

Ka bié yé ka dɔ gɔ nyana ma. Gɔ kyɛ a blena, yé a kyɛnɛnɛ nwa fɔɔ la gi, lati koo, gunuti koo, kyɛgoi gunu koo, wo méléna.

Bélidɔwesɛbɛ Fiézan 5:22

Dérenu lé Gakelebale a fe gɔ nwiin, wo lé ke bɛ; kyɛ koo, latinu koo, gunutinu koo, é a wo méléna, té éé we fé munu faa lɛ é dére plɛplɛ nya, yé é ’ka a bɛ fe lɛ lo. É wo gyɛ gɔlɛfen fié ta, yé é wo nɔ an lɛ.

Wegɔɔnle 16:10

A soruzan ’élé kana gi bliflile zén wi lé fuablin ta. Gunu dɔra alé bɛntɛrɛ ta; yé wolé nyanéblelenu zi munu vo suiɛdɔna ’wo nɛnɛ ma,