Fwile 10:2 - Kazambale lé Sebe Sauunu 1979

² we lé maa kɛlɛ Éjipiti munu lɛ, é valé tɔmasenu lé maa a kɛlɛ wo méléna, yé ka wo zuo fe ka benu valé ka nénénu lɛ, ’bɛ lé we ma é ziin. Yé ka dan a gi dɔɔ lɛ léé, maa a Gakelebale nya.

Fwile 10:2 ပူးပေါင်းရင်းမြစ်များ

2 Samuɛl 7:22

Bale, Gakelebale, i a blɛɛn! Naa, we faa lé ko a ’mana ko tɔné gi, a yɛrama lé i bɔmazan ’ka lo, yé bale bɛ ’ka i va lo.

Lɛrɛvɔ Sɛbɛ 44:1

David lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu lé lɛrɛ do lé.

Lɛrɛvɔ Sɛbɛ 44:2

Nyanamanu lé i wo pa é vinin, ko tranu bléyi va Wa zuo fe ko lɛ. Oo Bale, ko wo zuo ’ma ko tɔné nya.

Lɛrɛvɔ Sɛbɛ 58:11

Dé mi tegele we lɛgi pale ye tɔɔn, ’té a gi éé nanama, É dan é ganenu ma zuru lɛ mi nyanénu nyɛ nya.

Lɛrɛvɔ Sɛbɛ 71:18

Baleoo, Bale, té i sɔn vɔ an ma lo, dé an kɛlɛ kwa yé an nwana kɛlɛ fuoo, té i sɔn vɔ an ma lo, Léé, maa ilé gla zana dɔɔ bléyi ’ko vamunu lɛ, Maa ilé plɛplɛ zana dɔɔ bléyi voéla gi munu lɛ.

Lɛrɛvɔ Sɛbɛ 78:3

We lé ko a ’ma koo, we lé ko a dɔɔ koo, We lé ko tinu a zuo fe ko lɛ koo,

Fwile 13:14

Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 14:18

Dé maa anlé plɛplɛ nagɔɔn, Faraɔn koo, alé goronu koo, alé wisootazannu koo, wo nya, ’té Éjipiti munu é dan a gi dɔɔ lɛ léé, maa a Gakelebale nya.

Fwile 14:4

Maa dan Faraɔn bli kɛlɛ lɛ tɔntɔn, yé é dan go lɛ wo zuo; naa, maa dan anlé fuasan nagɔɔn lɛ Faraɔn valé élé sunyanu faa nya, yé Éjipiti munu é dan a gi dɔɔ lɛ léé, maa a Gakelebale nya. Yé Izraɛl lé nénu a kɛlɛ a zo.

Fwile 7:17

Gakelebale léma: We ’ko ma lé i dan a gi dɔɔ lɛ léé, ’é a Gakelebale nya. Maa dan fɛ duun lɛ yuu lɛ tawomayili lé ke an lee, a nya; yé é dan kinin lɛ nyɛ nya.

Fwile 7:5

Éjipiti munu é dan a gi dɔɔ lɛ léé, maa a Gakelebale nya, ’té dé maa an bɛ soi Éjipiti tɛrɛ la yé maa Izraɛl lé nénu si wo va.

Fwile 8:6

Faraɔn léé: Tɛlɛ. Moizi léé: É dan kɛlɛ lɛ i dére yɛrama, ilé a gi dɔɔle we gi léé, Gakelebale, kolé Bale bɔmazan ’ka lo.

Ézai 38:19

Mi yuɛmale ɛ i tɔ zin fé, iin, mi yuɛmale lé; Maa ke kyɔ fɛan zo, a zo mi lé. Né ti éé ilé yara pale we la gɔɔn‐an élé nénu lɛ.

Ézékiɛl 20:26

Maa wo tiri dɔ wolé blɛfɛnu nya, bléyian va lé wa ’wolé né vininnu faa vɔna kyɛ va, ’bɛ bléyi va; é sɔ an lɛ léé, maa we lɛdɔ wo gi ’bɛ zo, yé maa a nagɔɔn wo lɛ léé, maa lé ke Gakelebale nya.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Joɛl 1:3

’Ka a zuo fe kalé nénu lɛ, Yé kalé nénu woé zuo fe ’wolé nénu lɛ ma, Yé ’bɛnu lé nénu woé zuo fe woé kulunu lɛ ma.

Éfez munu 6:4

Yé ’kaa né tinu, té ka kalé nénu bli fli lo, naa, ’ka wo pa wo drɔle nya, é valé Mizan lé we paale nya wo gi.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.