Fwile 1:21 - Kazambale lé Sebe Sauunu 1979

²¹ Dɔtrɔlomu kana Kazambale lee, amalé Kazambale wolé kɔn gi munu drɔɔ vo.

Fwile 1:21 ပူးပေါင်းရင်းမြစ်များ

1 Minwiinzannu 11:38

Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 2:24

Sin, Gakelebale lé é an dɔ gligli yé é an nyana an ti David lé webleblin ta, yé é anlé kɔn kɛlɛ kyɔ élé blikɛlɛlɛdére yɛrama, é a é yuɛma; kyɔ, Adonija é dan ga lɛ.

Lɛrɛvɔ Sɛbɛ 112:1

’Ka Gakelebale tɔ zin fe. Mian éé kanaan Gakelebale lee, ’Té alé bélidɔwenu sɔ a lɛ é baba, azé a néné.

Lɛrɛvɔ Sɛbɛ 127:1

Gɔ gié lɛrɛ do lé. Salomɔn ɛ vɔ. Dé Gakelebale ’ka pa lɛ kɔndɔmunu ta lo, ’Té wo panyanama ’ka vɔa a ma lo; Dé Gakelebale ’ka fla tabin‐é lo ’Té a tabinmunu éé yi keleé wo yuɛ ma é pla.

Lɛrɛvɔ Sɛbɛ 127:3

Bé ye, négɔnénu a tɔnɔ lé éé sié Gakelebale va, a nya, Mi bɔnginénu a ’wo ti goolipafɛ nya.

Lɛrɛvɔ Sɛbɛ 37:3

Bii, ’i pa Gakelebale ta, yé ’i wezin kɛlɛ, ’I nyana tɛrɛ la, yé ilé tɛrɛla ’é kɛlɛ drɔɔ.

Fwile 1:17

Naa, dɔtrɔlomu kana Kazambale lee yé wo ’ka Éjipiti mununwiinzan blɛn lɛdɔ lɛ a ma lo; wo nénu vo é yuɛma.

Wegɔnévɔlenu 24:3

Wedɔɔle nya lé woo kɔn dɔa, yé gikinile nya lé wa dɔa gligli;

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Jérémi 35:2

’I go Rékab munu lé kɔn ’léé yé ’i we fe wo lɛ. ’I go wo nya Gakelebale lé kɔn gi, kɔnmi zi do na, yé ’i dɔrɔ nɔ wo lɛ ’wa mini.

1 Samuɛl 2:35

Yarapawelazan lé é dan we kɛlɛ lɛ an bli valé an boen yɛrama, maa dan a dɔ lɛ Balebanzan nya; maa dan alé kɔn ’léé drɔɔ vo lɛ, yé é dan tawo lɛ yifaama anlé nyɔnɔzénnwiinzan yara.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.