Fwile 1:14 - Kazambale lé Sebe Sauunu 1979

¹⁴ Wo wolé tɛrɛla lɔrɔ nyaa wo ma, bɔtɛrɛ valé briki lé nyanama tɔntɔn nya, ’bɛ valé féi nyanama faa nya; yé wo nyanama ’konu faa nɔ wo lɛ ’wo gi pɔnpɔn nya.

Fwile 1:14 ပူးပေါင်းရင်းမြစ်များ

Wepélisiananu 15:13

Yé Gakelebale lé Abram lɛ léé: ’I we ’ko dɔɔ ma, i kulunu é dan kɛlɛ lɛ bɛnnu nya, tɛrɛ lé é ’ka wozé nya lo, a ta. Wo dan kɛlɛ lɛ bɛnnu wuozannu nya, yé bɛnnu é dan yaa lɛ wo ta lɛɛ wuru fié gi.

1 Minwiinzannu 12:14

yé é we fe wo lɛ, we lé pɛniɛnu a fe a lɛ, a yɛrama. É léé: An ti luubale fɔnɔ ka bɔrɔ ma, yé maa dan a taa fɔnɔ lɛ; an ti we lɛdɔ ka gi plén nya, yé maa dan we lɛdɔ lɛ ka gi wɛsɛnénu nya.

Lɛrɛvɔ Sɛbɛ 129:1

Gɔ gié lɛrɛ do lé. É sia an boronéla bléyi va fɔɔ kyɔ, woo yaan an ta. Izraɛl, bé fe ma.

Lɛrɛvɔ Sɛbɛ 68:13

Sunyanu nwiinzannu fwi; wo lu kini. Lezan lé é vo kɔn ’léé, éé gulizarafɛnu gulian.

Lɛrɛvɔ Sɛbɛ 81:6

Bléyian va lé é nwa Éjipiti tɛrɛ ma, É yee valé Jozɛfu dɔlawe fe, Dére do lé maa ’ka a dɔɔa lo, maa a ’ma.

Fwile 1:11

Yé wo nyanagɔɔnzannu dɔ wo zuo, glanyanama tɔntɔn nɔle wo lɛ we ma. ’Bɛ zo lé wo Pitom valé Ramzɛs pa, Faraɔn lé fɛtadɔ?-?flanu nya.

Fwile 1:13

Yé Éjipiti munu Izraɛl lé nénu zun fɔɔ yé wo kɛlɛ nyanama tɔntɔn pazannu nya.

Fwile 1:15

Éjipiti mununwiinzan blɛn we fe é ziin Ébru munu lé dɔtrɔlomu lɛ; wa do laama Sifra, yé wa koɛ laama Pua.

Fwile 2:23

’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 6:9

Moizi we fe ’bɛ zo Izraɛl lé nénu lɛ. Naa, wolé nyanéblele kaii valé wolé nyanama plɛplɛ zi, wo tɔné ’wii ’té wo ’ka Moizi dére maan lo.

Wegɔnévɔlenu 28:15

Mi naané lé éé plaan nyanégyɛmunu nwiin, é a bélé golizra lé ke wena, é valé urisi lé lɔrɔ ke a gyɛna, wo zo.

Ézai 10:24

Naa, Mizan, lai sunyanu lé Gakelebale léma: Anlé munuoo, anlé munu, ka lé ka nyanaan Siɔn, té ka kana Asirimi lee lo. É a ka blana vlewɔlɛ nya é wo; éé yili nwaan ka ma bélé Éjipiti munu a kɛlɛ ka lɛ fɛan zo, a zo.

Ézai 14:6

Mi lé éé munu blaan é wɛwɛ nya, ’té é ’ka daan fɛ duunle ma wo lɛ lo, mi lé é bɛnnu pla é wuo élé bliflile nya, sin, wa zuo binna, ’té wo nyanai ’ka zén a ta lo.

Ézai 51:23

Maa dan a nɔ lɛ munu lé woo yaan ka ta, wo lɛ. Wa fé ka lɛ turu léé: ’Ka bua, ko gié ka ta, Yé ka lala kɛlɛ bélé tɛrɛ zo wo lɛ, Bélé giémunu lé zi zo wo lɛ, maa dan yee kana nɔ lɛ wo ɛ lɛ.

Ézai 52:5

Wo go anlé munu nya luu gi é pla, Yé sin maa dan a kɛlɛ lɛ kaa? Yaawotazannu éé siaan wo ta plɛplɛ, Woo flile siaan an tɔ ma bladi fɔɔ yé yiri é vɔ a zo.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Lévinu 25:43

Té i pla a nwiin plɛplɛ lo; ’i kana ilé Bale lee.

Lévinu 25:46

Wo dan vo lɛ kalé zarafɛnu nya, kalé nénu zé nya ka zuo; wo dan vo lɛ kalé luunu nya lɛɛfaama, ’bɛ glɛ ’ka lo. Naa, dé é a ka bwenu Izraɛlnu nya, té ka va mi do kpen é pla é bwe nwiin plɛplɛ lo.

Lévinu 25:53

É dan kɛlɛ lɛ bélé lɛɛmazan lé ke nyanama pana, a zo; mi lé é ke a va bɛ, té ’bɛ é pla a nwiin plɛplɛ ka yuɛ va lo.

Misé 3:3

Woo anlé munu wi blé, woo wo kɔlɛ boo, woo wo wɔlɛnu ’wiié, woo wo wi kinié ékema woléwoléné bélé wa dɔnena bɔ gi, bélé wi lé wa dɔnena lɛeda gi, a zo.

Naum 3:14

’I ’yi tɔ é nya do, i nyanézannu a dana ilé fla mabɛn lɛ. Ilé kɔn plɛplɛnu ma’lɛrɛ. ’I wɔra voli gi, ’i bɔtɛrɛ zɔn i gane nya. ’I ’furu bɛ dɔ briki nya.

Mi Nɔnɔle 20:15

Ko tranu go Éjipiti tɛrɛ la, yé ko mɔn ana. Naa, Éjipiti munu nyané pa ko valé ko tranu ta.

Kelewenu 7:19

Wo nwiinzan ’ko dabli kɛlɛ kaa bɛnnu lɛ, yé é nyané pa kaa tranu ta fɔɔ yé é léé, ’wo sɔn vɔ ’wolé nénu ma, léé, té wo vo é yuɛma lo.

Kelewenu 7:34

Maa anlé munu lé nyané blele ye Éjipiti tɛrɛ la. Maa wolé dunnule ’ma, yé maa zun wo sile luubale gi we ma. Sin, ’i da yé maa i pa zia Éjipiti tɛrɛ la.

Bélidɔwesɛbɛ Fiézan 26:6

Éjipiti munu nyané pa ko ta yé wo yaa ko ta, yé wo nyanama tɔntɔn nɔ ko lɛ.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

RUT (Ruth) 1:20

É lé wo lɛ léé: Té ka an laa Naomi lo; ’ka an laa Mara. Plɛplɛfaazan an ’léé kɛlɛ é nyanale, azama.