Fwile 1:11 - Kazambale lé Sebe Sauunu 1979

¹¹ Yé wo nyanagɔɔnzannu dɔ wo zuo, glanyanama tɔntɔn nɔle wo lɛ we ma. ’Bɛ zo lé wo Pitom valé Ramzɛs pa, Faraɔn lé fɛtadɔ?-?flanu nya.

Fwile 1:11 ပူးပေါင်းရင်းမြစ်များ

Wepélisiananu 15:13

Yé Gakelebale lé Abram lɛ léé: ’I we ’ko dɔɔ ma, i kulunu é dan kɛlɛ lɛ bɛnnu nya, tɛrɛ lé é ’ka wozé nya lo, a ta. Wo dan kɛlɛ lɛ bɛnnu wuozannu nya, yé bɛnnu é dan yaa lɛ wo ta lɛɛ wuru fié gi.

Wepélisiananu 47:11

Jozɛfu tɛrɛ nɔ é ti valé é bwenu lɛ Éjipiti tɛrɛ la, fɛ lé ana ke é zima é mini fɛna faa ta Ramzɛs lé fɛna zia, yee lé, Faraɔn a fe fɛan zo, a zo.

1 Minwiinzannu 9:19

Alé fɛtadɔ flanu koo, alé goronu dɔ flanu koo, alé wisoo ta sunyanu lé flanu koo, é wo pa; fɛ faa lé é sɔ Salomɔn lɛ léé, ’é a dɔ Jérusalɛm koo, Liban koo, tɛrɛ faa lé é ke é plale wo nwiin koo, wona, é wo faa kɛlɛ.

2 Minwiinmunu lé Wezuofe Sɛbɛ 16:4

Bɛn‐Adad ’é tɔné dɔ minwiinzan blɛn Aza lɛ. É élé sunyanu nwiinzannu nwunvɔ Izraɛl lé flanu ma, yé Ijɔn koo, Dan koo, Abɛl‐Maim koo, Néfitali flanu faa lé kɔné tadɔkɔnnu koo, é wo faa ’wii.

2 Minwiinmunu lé Wezuofe Sɛbɛ 8:4

É Tadamɔɔ pa bwi gi, yé é fɛ tadɔflanu pa é ziin Amat tɛrɛ la.

Lɛrɛvɔ Sɛbɛ 105:13

’Té woo voo nɔɔna bɛnnu ta, ’Té woo sié bɛn do va yé woo goo bɛn bɛ va;

Lɛrɛvɔ Sɛbɛ 129:1

Gɔ gié lɛrɛ do lé. É sia an boronéla bléyi va fɔɔ kyɔ, woo yaan an ta. Izraɛl, bé fe ma.

Lɛrɛvɔ Sɛbɛ 129:2

É sia an boronéla bléyi va fɔɔ kyɔ, woo yaan an ta, Naa, wo ’ka an kele lɛ lo.

Lɛrɛvɔ Sɛbɛ 68:13

Sunyanu nwiinzannu fwi; wo lu kini. Lezan lé é vo kɔn ’léé, éé gulizarafɛnu gulian.

Lɛrɛvɔ Sɛbɛ 81:6

Bléyian va lé é nwa Éjipiti tɛrɛ ma, É yee valé Jozɛfu dɔlawe fe, Dére do lé maa ’ka a dɔɔa lo, maa a ’ma.

Fwile 1:14

Wo wolé tɛrɛla lɔrɔ nyaa wo ma, bɔtɛrɛ valé briki lé nyanama tɔntɔn nya, ’bɛ valé féi nyanama faa nya; yé wo nyanama ’konu faa nɔ wo lɛ ’wo gi pɔnpɔn nya.

Fwile 2:11

Moizi kɛlɛ segele bléyian va, é go é bwenu va yé é wolé nyanama tɔntɔn ye. É Éjipiti mi do ye é bwe Ébru mi do blana.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Fwile 5:10

Munu lé nyanama taginizannu valé kominu lé munu lɛ léé: Faraɔn léma: Wo ’ka lɔɔ no ka lɛ é dɛrɛ lo;

Fwile 5:15

Izraɛlnu lé kominu go ’wo ma dunnu lɛ Faraɔn lɛ, yé wo lé a lɛ léé: Mɛmalé i we kɛlɛ i wuozannu lɛ a zoo?

Fwile 5:8

Naa, briki ’léé lé wa gya é vinin, ’wo yee ’léé duo gyɛ, té ka a do kpen si a ta lo; wa kun‐anwozannu nya, bɛwemalé woo siaan léé, ’wo go ’wolé Bale ban lɛ.

Wegɔnévɔlenu 27:4

Bliflikaiizan gi a é pɔnpɔn, yé bliflile a bélé ’yiyoro plɛplɛ zo, naa, mi kyɛɛn ɛ bɔa dɔle lɛ maabole mi va maa?

Mi Nɔnɔle 20:15

Ko tranu go Éjipiti tɛrɛ la, yé ko mɔn ana. Naa, Éjipiti munu nyané pa ko valé ko tranu ta.

Bélidɔwesɛbɛ Fiézan 26:6

Éjipiti munu nyané pa ko ta yé wo yaa ko ta, yé wo nyanama tɔntɔn nɔ ko lɛ.