Filip munu 4:1 - Kazambale lé Sebe Sauunu 1979

¹ Bɛwemalé, an sɔlɛbwenu, ka lé ka lɔrɔ ke an gyɛna, ka lé ka an gi nanaan, ka lé ka ke anlé tɔkoro nya, an blibɔmazannu, ’ka dɔ gligli Mizan gi.

Filip munu 4:1 ပူးပေါင်းရင်းမြစ်များ

JOB (Job) 31:36

Maa dan a pa lɛ an bɛapa la, Maa dan a dɔ lɛ an ’wuo ma bélé tɔkoro zo;

Lɛrɛvɔ Sɛbɛ 125:1

Gɔ gié lɛrɛ do lé. Munuan woo paan Gakelebale ta Wa bélé Siɔn gɔblɛn zo; a ma ’ka nyɔɔnma lo, É a é dɔle gligli lɛɛfaama, a glɛ ’ka lo.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

WENÉNÉ LE JAN A GYE (Évangile selon Jean) 8:31

Yé Juifinu lé wo bli vo a lɛ bɛ, é lé wo lɛ léé: Dé ka tawoo an dére ta, ’té ka a an zuomunu nya webozen nya,

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Kelewenu 2:42

Wo yara pa nwunvɔzannu lé we paale valé nanale ékeva koo, Taboyi lé buru blele valé bazorole koo, wo ta.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

1 Korent munu 16:13

Té ka vo yi bla lo. ’Ka dɔ gligli Kazambale lé we gi. ’Ka kɛlɛ gɔné nya. ’Ka dɔ plɛplɛ.

2 Korɛnt Munu 1:14

Bléyi ’ko va ka ko dɔɔ sɛ, naa, an bli a a lɛ léé, ka dan a gi dɔɔ lɛ tegele léé, Kaazan Jézu Krist lé yi la, ka dan kɛlɛ lɛ ko tɔzinfémazannu nya fɛan zo, a zo duo lé ko dan kɛlɛ lɛ ka tɔzinfémazannu nya.

Galasi munu 5:1

Krist kaa si luu gi, kaa kɛlɛle miné nya we ma. Bɛwemalé ’ka dɔ gligli; té ka nyi si léé, ka wɔra wolé luubale gi é dɛrɛ lo.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Filip munu 1:8

Naa, Kazambale a anlé wenayezan nya léé, an bli a é bɔle ka faa ma bélé Jézu Krist bli bɔle ka ma zo.

Filip munu 2:16

A zo lé Krist lé yi la, an gi é dan nana lɛ kalé we ma léé, maa ’ka vlan buru lɛ é pla lo, yé an ’ka nyanama pa lɛ é pla lo.

Filip munu 2:26

Ka yelɔrɔ a a gyɛna é baba, yé a bli kyɛ dɔ léé, ka a tawe ’ma léé, gyɛ a a ma.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

1 Tɛsalɔnik munu 3:13

’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.

2 Tɛsalɔnik munu 2:15

Bɛwemalé, bwenu, ’ka dɔ gligli, yé wenu lé ko a paa ka gi, dé é a ko fedére nyaoo, dé é a ko gyɛsɛbɛ nyaoo, ’ka kun wo ma.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

2 Piɛri 3:17

An blibɔmazannu, maa we ’konu gɔɔn ka lɛ é vinin, amalé ’ka yuɛ pa kabozen va, dé Bale lé zi ma wenyané femunu sanle é da ka sia ana yé ka dɔle gligli yi é ga.