Filip munu 3:9 - Kazambale lé Sebe Sauunu 1979

⁹ Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

Filip munu 3:9 ပူးပေါင်းရင်းမြစ်များ

Wepélisiananu 7:23

Fɛ faa lé ke é yuɛma tɛrɛ la, wo faa ga tata, munu koo, winu koo, tawoplɛlawinu koo, mianénu koo, wo nya. Wo faa si tɛrɛ la tatata. Noé valé fɛnu faa lé wo ke a va ’yitagoro gi, wo saa ɛ vo.

1 Minwiinzannu 8:46

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo, dé i bli fli wo ma yé i wo pa wo nyanézannu lee, yé wo go wo nya luu gi wolé tɛrɛ la, dé tɛrɛ baa léé, dé tɛrɛ pu léé,

2 Minwiinmunu lé Wezuofe Sɛbɛ 32:25

Naa, Ézékia bli nwa boblɛn nya, yé é ’ka Gakelebale bɔvɔ lɛ we zin lé Gakelebale a kɛlɛ a lɛ, alé we ma lo. Gakelebale bli fli a ma, yee valé Juda valé Jérusalɛm ma.

2 Minwiinmunu lé Wezuofe Sɛbɛ 32:31

Naa, duowo, Babilɔn nwiinzannu ’wolé nwunvɔzannu pa a lɛ zia bléyian va, we blɛɛn lé é bɔ alé tɛrɛ la, a gi laale a lee we ma, Bale si a ma a gi danle we ma, yé we faa lé é ke a bli gi, yé ’é a gi dɔɔ.

Lɛrɛvɔ Sɛbɛ 14:3

Wo faa zi buu, wo faa saan, Mian éé wezin kɛla, ’bɛzan ’ka lo, A do boen ’ka lo.

Lɛrɛvɔ Sɛbɛ 143:2

Té i kun i wuozan lé weblele ma lo, Naa, mi yuɛmalenu va mi do kpen ’ka tegele i yuɛ gi lo.

Lɛrɛvɔ Sɛbɛ 19:12

Woo we paan i wuozan gi é ziin; Munu lé woo tawoo wo ta, woo tɔnɔ blɛn yé.

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

Rom munu 1:17

Kazambale éé mi kɛla tegele fɛan zo, a na a é gɔɔnle Wenéné ’ko nya, kɛlɛle tegele lé mi a yé blipale ma, ’té éé blipale no munu lɛ bɛ, yee lé, fɛan zo lé é a é gyɛle sɛbɛ gi, a zo, léé: Mi lé é kɛlɛ tegele blipale ma, é dan béli lɛ.

Rom munu 10:10

Naa, blipale nya lé mi éé bɔa kɛlɛlɛ lɛ tegele; a tɔ bɔrale munu va nya lé mi éé bɔa sile lɛ we gi, Kazambale lé sɛbɛ a fe fɛan zo, a zo; é léé:

Rom munu 16:7

Andrɔniku valé Junias lé wo ke an lelenu nya, an we wo va; wa é ziin an va kasola béénu nya, wa mi segelenu nya nwunvɔmunu va yé wa é ziin Krist gi an ’lɛ.

Rom munu 5:21

léé, fɛan zo lé wenyané pla munu nwiin gale nya, a zo duo lé zin éé plaan munu nwiin kɛlɛle tegele nya, yé a ’wuo éé plaan vole é yuɛma lé a glɛ ’ka lo, a nya, Kozan Jézu Krist lé we ma.

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 2:16

Naa, ko a gi dɔɔ léé, mi do kpen ’ka kɛla tegele bélidɔwe kɛlɛle nya lo. Bli vole Jézu Krist lɛ nya lé mi éé kɛla tegele. Ko é ziin, ko bli kɛlɛ Jézu Krist lɛ ko kɛlɛle tegele bli vole Jézu Krist lɛ we ma. Ko ’ka ko kɛlɛle tegele naginian bélidɔwe va lo. Mi do kpen ’ka dan kɛlɛ lɛ tegele bélidɔwe kɛlɛle nya lo, azama.

Bélidɔwesɛbɛ Fiézan 27:26

Mi lé é ’ka bélidɔwe ’konu kɛlɛle lɛ sɔɔan lo, ’té é ’ka wo ta tawoo lo, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Filip munu 3:6

dé é a fuu dɔle mi ta nya, maa nyané pa léglizigimunu ta; ’té gun ’ka an ma bélidɔwe lé mi kɛlɛle tegele vazia lo.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Tite 3:5

É ’ka ko si lɛ we gi we tegelenu lé ko a kɛlɛ, wo ma lo; naa, a nyanai zén ko ta, amalé é ko si we gi; é ko yaa é dɛrɛ, yé ’bɛ a bélé ko zurule zo, yé é ko kɛlɛ mi dɛrɛ nya Léli Sauun lé plɛplɛ nya, amalé ko si we gi.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

1 Jan 3:4

Dé miomian éé wenyané kɛla, ’té é a bélidɔwe sɛrɛna, yé wenyané lé é ke bélidɔwe sɛrɛle nya.