Filip munu 3:1 - Kazambale lé Sebe Sauunu 1979

¹ Yé sin, bwenu, ka gi ’é nana Mizan gi ma. We ’konu duo gyɛle ’ka ’naan an ma lo, yé é a wezin nya kazé nya.

Filip munu 3:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 16:10

A tɔ ’lɛzan lé we ma, ka gi ’é nana. Wo lé woo Gakelebale naginian, wo gi ’é nana ma.

Minwiinzannu lé Wezuofe Sɛbɛ 29:22

’Bɛ yi la wo fɛ ble yé wo fɛ mini Gakelebale ’lɛ gi nanale blɛn nya; wo David be Salomɔn dɔ ’wo nwiinzan blɛn nya a gɔnɔ fiézan nya, yé wo nyɔnɔ zén a nwiin Gakelebale ’lɛ a kɛlɛle minwiinzan nya we ma, yé wo nyɔnɔ zén Sadɔk nwiin léé, ’é kɛlɛ Balebanzan nya.

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

JOB (Job) 22:26

Yé Plɛplɛfaazan é dan kɛlɛ lɛ i ginanamazan nya, I dan i yara nwa lɛ Kazambale vazia;

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 32:11

’Kaa mi tegelenu, ka gi ’é nana Gakelebale gi, yé ginanale lé a glɛ ’ka lo, ’é kɛlɛ ka gi ma. ’Kaa faa lé ka bli ke tegele, ’ka siaa gi nanale nya ma.

Lɛrɛvɔ Sɛbɛ 33:1

’Kaa mi tegelenu, ka gi ’é nana Gakelebale gi ma. Bale tɔ zin fele éé mi tegelenu nyɛɛan.

Lɛrɛvɔ Sɛbɛ 37:4

Gakelebale ’é kɛlɛ i ginanamazan nya, Yé fɛ lé i bli bɔ a ma, é dan a nɔ lɛ i lɛ.

Lɛrɛvɔ Sɛbɛ 42:4

An yuɛyi kɛlɛ anlé fɛblele nya é yiéyi valé é béli, ’Té wa fé an lɛ bléyi faa ma léé: Izé Bale a kyɛɛn?

Lɛrɛvɔ Sɛbɛ 5:11

Baleoo, Bale, ’i wo bla bélé wegyɛzannu zo. Wo gibɔrɔle ’é go wo nya wo saanna. ’I wo nɔ wolé wenyanénu kiɛre lɛ. Naa, woo nwaan bii ma, bɛzama.

Lɛrɛvɔ Sɛbɛ 97:1

Gakelebale a é plale mi nwiin; tɛrɛ gi ’é nana ginanale blɛn nya ma; Tɛrɛ kiɛre lé ke wɛyi méléna, wo gi é nana blɛn ma.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Sofoni 3:14

Siɔn munu, ’ka siaa ginanale nya. Izraɛl munu, ’ka siaa ginanale blɛn nya ma. Jérusalɛm munu, ka gi ’é nana, yé ka pla munu nwiin ka bli faa nya.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Zakari 10:7

Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

Matio 5:12

Ka bli ’é vo drɔɔ yé ’ka vo gi nanale blɛn gi, naa, ka gooli é dan kɛlɛ lɛ blɛn la gi. A zo duo lé balelayemunu lé wo ke ka ’lɛ é vinin, wo nyané pa wo ta yee ɛ zo.

WENÉNÉ LÉ LUK A GYE (Évangile selon Luc) 1:47

An Siéwegizan Bale lé we ma lé an léli gi éé nanaan,

Rom munu 5:11

Yé ’bɛ saa kaan lo, naa, é ziin, Kozan Jézu Krist lé, Bale valé konu nana a ta, ko gi a é nanale Kazambale va alé we ma.

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

Filip munu 4:8

Bwenu, a nyaala lé é ke ’ko: we?-?bozennu faa koo, wenu lé wa lɛdɔama koo, we tegelenu faa koo, we wéiinnu faa koo, we sɔkenu faa koo, wenu faa lé wo tɔbɔ yara lé koo, we nénénu faa koo, wenu faa lé wo tɔ zin fe yara lé koo, wo ɛ kɛlɛ ka ’wuogibɔrɔmawenu nya ma.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

1 Tɛsalɔnik munu 5:16

Ka gi ’é nana yifaama ma.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Piɛri 4:13

Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

2 Piɛri 3:1

’Kaa lé ka sɔ an lɛ, sɛbɛ fiézan lé maa a pa ka lɛ zia, yee lo. Wo fiénu gi, we lé ka gi dɔɔ, maa a a sele dɔna ka gi, ka vuole we gi yé ka ka gibɔrɔmawe dɔɔ.

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.