Filip munu 2:8 - Kazambale lé Sebe Sauunu 1979

⁸ Yé é ’ébozen kɛlɛ blami nya, yé é ’ébozen kɛlɛ kiéné, yé é kɛlɛ lɛdɔ?-?mazan nya fɔɔ yé é ga, yé é dunuzén?-?mita ga wo yiliblan ta.

Filip munu 2:8 ပူးပေါင်းရင်းမြစ်များ

WENÉNÉ LE JAN A GYE (Évangile selon Jean) 10:18

Mi do kpen ’ka an gya lo, naa, maa anbo no gale lɛ. A se a an lɛ léé, an ga yé a se a an lɛ léé, an nwa é ziin. ’Ko zo lé an Ti an béli dɔ.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Rom munu 5:19

Naa, fɛan zo lé mi kiɛre kɛlɛ wenyanékɛlɛmunu nya mi do kpen lé milɛgamale we ma, a zo duo lé mi kiɛre é dan kɛlɛ lɛ tegele mi do kpen lé milɛdɔmale we ma.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

Matio 26:39

Yé é go é ’lɛ sɛ, yé ébo dia é bli la yé é bazoro ’ko zo, léé: An Ti, dé é bɔalɛ ’é kɛlɛ, ’yiminikana ’ko ’é si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

Kelewenu 8:33

Ébo kɛlɛ kiéné bléyian va, wo ’ka alé we ble lɛ lo. De ɛ dan a kulu lé we fe lɛɛ? Naa, alé vole é yuɛma bɔi a ta tɛrɛ la.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

WENÉNÉ LE JAN A GYE (Évangile selon Jean) 14:31

Naa, é a lé tɛrɛlamunu a gi dɔɔ léé, an Ti sɔ an lɛ yé maa a dére tawe kɛla. ’Ka nwa fɛkona, kaa go.

Wegɔnévɔlenu 15:33

Kanale Gakelebale lee éé wedɔɔle no mi lɛ, yé tɔbɔle éé dan bo kɛlɛle kiéné zuo.

WENÉNÉ LE JAN A GYE (Évangile selon Jean) 15:10

Dé ka anlé bélidɔwenu kɛla, ka dan vo lɛ anlé sɔlɛle gi, bélé fɛan zo lé maa an Ti lé bélidɔwenu kɛlɛ yé maa vo alé sɔlɛle gi, a zo.

Matio 26:42

É go é ziin a gɔnɔ fiézan nya yé é bazoro léé: An Ti, dé é ’ka bɔalɛ léé, ’yiminikana ’ko é si an lee lo, yé maa ’ka a gifɛ minian lo, ilé blibɔmawe ’é kɛlɛ ma.

Lɛrɛvɔ Sɛbɛ 22:16

Anlé plɛplɛ nyaa, maa a tɔɔtɔɔ, Yé an nɛnɛ kua an lagolo ma, I an vo gale lé vun va.

Bélidɔwesɛbɛ Fiézan 21:23

té tu é kini a gale ma yili ma lo; naa, a yi duo nya, ’ka a pa, naa, mi lé wa dun yili ma é a balepamafɛ nya Kazambale yuɛ gi, azama; tɛrɛ lé Gakelebale, kalé Bale a nɔ ka lɛ tɔnɔfɛ nya, té ka a tiri dɔ lo.

Matio 17:2

A yara dɔbɛ nɔla wo yuɛ va, yé a yara bi nyananyana bélé yiri zo, yé alé sɔnu kɛlɛ fu tata bélé san zo.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LÉ LUK A GYE (Évangile selon Luc) 9:29

Jézu a bazorona aan wo a yara dɔbɛ nɔla yé alé sɔ kinin sɔ fu tata nyananyana nya.

Ébrunu 12:4

Ka a guli danna wenyané ma, naa, ka ’ka tan dɔ lɛ a ma plɛplɛ fɔɔ yé ka nyɛ é so lo.