Filip munu 2:7 - Kazambale lé Sebe Sauunu 1979

⁷ Naa, é ’élé fua si é ta, yé é wɔra mi wuozan dɔbɛ gi yé é kɛlɛ bélé mi zo.

Filip munu 2:7 ပူးပေါင်းရင်းမြစ်များ

Lɛrɛvɔ Sɛbɛ 22:6

Wo siaa bii ɛ lɛ, yé i wo si wenu gi; Wo pa bii ɛ ta, yé yara do kpen ’ka wo gyɛ lɛ lo.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 49:3

É léé, maa a ’é wuozan Izraɛl lé é dan ’é tɔ bɔ lɛ a ma, a nya.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

Zakari 3:8

Amalé Balebanmunu ’lɛzan Jozué, ’i tɔné dɔ an lɛ, bii valé i bɔlunu lé wo ke é nyanale i ’lɛ bɛ, ’té wo ke tɛlɛ tɛlama tɔmasenu nya bɛ, wo nya. Bé ye, an leezan lé wa laama mipunla, maa dan a pa lɛ zia.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 12:18

An wuozan lé maa a si a va, yee le ke ’ko. Yee ɛ sɔ an lɛ kaii, yé alé we an gi nanaan. An Léli é dan vɔ lɛ a ta, Yé é dan we tegele fe lɛ bɛn bɛnu lɛ.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Maak 9:12

Jézu a zi pa wo lɛ léé: Éli é dan da lɛ é vinin, weboen nya. É dan wenu faa dɔ lɛ wo dɔbɛ gi é ziin. Yé mɛmalé wo maa blami Be lé we gyɛ sɛbɛ gi léé, é a lé an nyané ble é baba yé wan ye boami nyaa?

WENÉNÉ LÉ LUK A GYE (Évangile selon Luc) 22:27

Naa, mi lé é ke tablé zi, yee ɛ ke mi blɛn nya laa, taa, mi lé éé fɛblele sié ’té éé dan a nya bɛ, ’bɛ ɛ ke mi blɛn nyaa? Tablézizan kaan loo? Naa, maa a ka méléna bélé mi lé éé fɛblele sian ’té éé dan a nya, a zo.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

Rom munu 1:3

Wenéné ’ko, Kozan Jézu Krist lé ke Kazambale Be nya, alé we lé; dé é a Jézu lé tɛrɛlakɔlɛ nya, wa yaa David kululazan nya,

Rom munu 15:3

Yé é ziin, Krist ’ka ébozen sɔlɛwe kɛlɛ lɛ lo; naa, é a é gyɛle sɛbɛ gi ’ko zo, léé: Munu lé woo i sɔnɔan, maa lé wo an sɔnɔ.

Rom munu 15:8

’Bɛ gi léé, Krist kɛlɛ ganedɔmunu wuozan nya, yé blivolɛdére lé Bale a fe ko tranu lɛ, é ’bɛ lɛ sɔɔ yé ’bɛ nya lé é a gɔɔn léé, Kazambale a wezen fezan nya, é ’ka viéwoo lo.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

2 Korɛnt Munu 13:4

Wezen lé, é kɛlɛ tɔɔtɔɔ yé wa gyɛ yiliblan ta, naa, é a é yuɛma Kazambale lé plɛplɛ nya; ko é ziin, ko a tɔɔtɔɔ a gi, naa, ko dan vo lɛ é yuɛma wo nya kalé we ma, Kazambale lé plɛplɛ nya.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Filip munu 2:6

É ’ka ’yee valé Bale bɔle ékema ye lɛ é blibɔmawe nya lo, dɔlé ’té yee ɛ ke Kazambale dɔbɛ gi a pélisia bléyi va.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 13:3

Bokɔngimunu sele ’é dɔ ka gi ma, bélé ka ɛ ke bokɔn gi. Munu lé woo nyané blé, wo sele ’é dɔ ka gi ma, bélé ka ɛ ke nyané ’ko blena.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.