Ézai 9:9 - Kazambale lé Sebe Sauunu 1979

⁹ Brikikɔn zana, naa, ko dan gɔlɛ ma nyaale kɔn dɔ lɛ; wo sikomɔyilinu vɔ, naa, ko dan sɛdrɛyilinu suru lɛ wo pa gi.

Ézai 9:9 ပူးပေါင်းရင်းမြစ်များ

1 Minwiinzannu 22:25

Misé a zi pa léé: Yian nya lé i dan i yɔɔnanu gini lɛ kɔnmi zi, i dan ana ye lɛ.

Wegɔnévɔlenu 16:18

Kulugale éé dan bo tɔbɔle zuo; saanle éé dan bo blɛn zuo.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Ézai 28:3

Éfraim munu, nwɛgyɛzannu lé tɔkoro nɔnɔmi, munu é dan a zɔn lɛ ’wo gane nya,

Ézai 46:12

Bli plɛplɛzannu, we drɔle nyanézannu, ’Ka tɔné dɔ an lɛ.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Ézai 7:2

Munu da a fe lɛ David kulunu lɛ léé: Siri sunyanu ’wolé sɔkɔnnu dɔ Éfraim tɛrɛ la. Yé Akaz valé élé munu bli nano wo gi bélé fu éé pɔrɔ gi yilinu manyɔɔn‐an fɛan zo, a zo.

Ézai 9:8

Éfraim tɛrɛ la munu valé Samari munu wo faa é dan we ’ko dɔɔ lɛ. Wa fena boblɛn nya léé:

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Ézékiɛl 30:19

Maa dan dia lɛ Éjipiti munu ta yé wo dan a gi dɔɔ lɛ léé, maa ɛ ke Gakelebale nya.

Ézékiɛl 33:33

Dé we ’konu bɔ bléyian va, — yé bé ye, wa bɔna, — wo dan a gi dɔɔ lɛ léé, balelayezan do ana yi la ’wo méléna.

Ézékiɛl 7:27

Minwiinzan blɛn é dan gyɛ bo lɛ; minwiinzan gi nyɛ kini. Ana tɛrɛ lamunu bɛnu ma éé nyɔɔn‐an. Maa dan we kɛlɛ lɛ wo lɛ wolé we kɛlɛbɛnu yɛrama; maa dan wolé we ble lɛ é blebɛ gi, yé wo dan a gi dɔɔ lɛ léé, maa lé ke Gakelebale nya.

Ézékiɛl 7:9

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo. Maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé ka dan a gi dɔɔ lɛ léé, maa lé ke Gakelebale lé éé mi blaan, a nya.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Malasi 1:4

Dé Édom a fe léé, ’wo sɛrɛ, ’wo dan fla pa lɛ a ’bin la, lai sunyanu lé Gakelebale léma: ’Wa pa ma, maa dan a zana lɛ, yé wo dan a laa lɛ wenaané kɛlɛtɛrɛ; munu lé Gakelebale bli éé flian wo ma yifaama, woo lé.

Malasi 3:13

Gakelebale léé: Ka a dére nyané fena an ma. Yé ka léé: Ko mɛ we ɛ fe i ma dére nyané nyaa?

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.