Ézai 9:6 - Kazambale lé Sebe Sauunu 1979

⁶ Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Ézai 9:6 ပူးပေါင်းရင်းမြစ်များ

2 Samuɛl 7:13

Yee ɛ dan kɔn dɔ lɛ an tɔ nya yé maa dan alé plale mi nwiin lé webleblin dɔ lɛ gligli.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

1 Minwiinzannu 10:9

Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

1 Minwiinzannu 2:33

Wo nyɛwe a Joab valé é kulunu nwiin lɛɛfaama; naa, David koo, é kulu koo, élé kɔn koo, élé webleblin koo, Gakelebale é dan wo vo lɛ drɔɔ lɛɛfaama.

1 Minwiinzannu 2:45

Naa, minwiinzan Salomɔn drɔɔ é dan vo lɛ yé David lé webleblin é dan dɔ lɛ gligli Gakelebale yara yifaama.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 45:3

I a é nɔnɔmi é mini blami benu ta, Zin a é zénle i lɔlu gi Amalé Bale i drɔɔ vo yifaama.

Lɛrɛvɔ Sɛbɛ 45:6

Ilé sawɔlɛnu lɛa; Munu é dan dia lɛ i wuo; Ilé sawɔlɛnu é dan minwiinzan blɛn nyanézannu zuru fɔn lɛ.

Lɛrɛvɔ Sɛbɛ 45:7

Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

Lɛrɛvɔ Sɛbɛ 50:1

Lɛrɛ lé Azafa a vɔ. Bale, Bale, Gakelebale, i we fe yé i tɛrɛlamunu laa, Bé pélisia yirinwanazia fɔɔ yé é bɔ yirivɔna.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 72:3

Gɔnu lé ilé munu ke é nyanale wo nwiin, ilé vole drɔɔ é dan kɛlɛ lɛ ana, Gɔpanénu é ziin, wo tamunu é dan ilé we tegele dɔɔ lɛ.

Lɛrɛvɔ Sɛbɛ 72:7

’Bɛzan zé yinu ta, mi tegelenu vwi é dan bi lɛ, Yé vole drɔɔ é dan kɛlɛ lɛ blɛn fɔɔ ’té moné ’ka ana é dɛrɛ lo.

Lɛrɛvɔ Sɛbɛ 85:10

Iin, munu lé woo kanaan a lee, alé mi silewegi a wo sɔnɔ, A tɔbɔle vole ana kolé tɛrɛ la we ma.

Lɛrɛvɔ Sɛbɛ 89:5

I kulu ’ka dan nyaa lɛ pelo. I plale mi nwiin glɛ ’ka dan dɔ lɛ lo.

Wegɔnévɔlenu 8:23

Dé é an bɔra ’té bléyinu ’ka lo, A pélisia bléyi va tɛrɛ bɔrale ’lɛ, ’té maa ana é kwakwa.

Ézai 10:21

Wo lé wo vo, Jakɔb lé munu lé wo vo, wo dan da lɛ Plɛplɛzan Bale va.

Ézai 11:5

Wetegele é dan kɛlɛ lɛ a nyana wuo kyɛsidi nya. Yé yarapale we la é dan kɛlɛ lɛ a gyɛn kyɛsidi nya.

Ézai 16:5

Dé é sɔ mi lɛ léé, élé webleblin dɔ gligli, ’é kɛlɛ mi zin nya ma. Wo dan a ye lɛ léé, David kululazan do, yarapawelazan do, é dan nyana lɛ ana; é a weblezan lé wedrɔle sɔ a lɛ bélé mi béé zo, a nya, ’té a fuu a a ta we tegele kɛlɛna.

Ézai 26:12

Gakelebale i vole drɔɔ no ko lɛ; Naa, we faa lé ko kɛla, Bii ɛ ke a lɛsɔɔzan nya ko lɛ.

Ézai 26:3

Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Ézai 28:29

’Bɛ é ziin, ’bɛ si lai sunyanu lé Gakelebale va; alé weplale mi lɛ a zevɔwe nya; alé wedɔɔle a blɛn.

Ézai 32:1

’Bɛ bléyi nya, munu nwiinzan é dan pla lɛ munu nwiin we tegele nya yé wolé mi segelenu é dan pla lɛ wo nwiin wedrɔle kɛlɛle nya.

Ézai 37:32

Naa, wo sɛné é dan vo lɛ Jérusalɛm, sowegi?-?zannu é dan kɛlɛ lɛ Siɔn gɔ ma. Lai sunyanu lé Gakelebale lé we kɛlɛle é sɔbɛla nya ma lé we ’ko é dan kɛlɛ lɛ.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 53:2

É tin Gakelebale yuɛ va bélé lutolu zo, Bélé yili lé ke fɔnna tɛrɛ gale ta, a zo; É ’ka nɔnɔmi lo, yé a yara ’ka bié yé é mi sia ana lo, A yara dɔbɛ ’ka ko gi nanama lo.

Ézai 53:5

Kolé wenyané ma lé é tuo, Kolé weplenu ma lé wa ’wii; We lɛ lé é a kɔɔn lé wa dɔ ko gi, é dia yee ɛ ta, yé ko vo drɔɔ, Yé a tuolenu ma lé ko béli.

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Ézai 66:12

Gakelebale léma: Maa dan vole drɔɔ nɔ lɛ a lɛ bélé yuu zo. Maa dan bɛnnu lé fua nɔ lɛ a lɛ bélé ’yiyoro lé é bɔra ’é gɔ la, a zo. Yé ’bɛ é dan kɛlɛ lɛ kalé fɛblele nya; wo dan ka si lɛ ’wo bɛ gi, wo dan ka si lɛ ’wo bɔrɔ la.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 8:18

Bé ye, maa valé nénu lé Gakelebale wo nɔ an lɛ, ko a tɔmasenu valé weyɔɔle bɔrazannu nya Izraɛlnu lɛ; lai sunyanu lé Gakelebale lé éé nyanaan Siɔn gɔ nwiin, yee ɛ ko kɛlɛ a nya.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Agajé 2:9

Lai sunyanu lé Gakelebale léma: Kɔn voélazan ’ko tɔbɔle é dan mini lɛ kɔn vininzan zé ta. Fɛkona lé maa dan mi vo lɛ drɔɔ. A zo lé lai sunyanu lé Gakelebale a fe.

Matio 1:1

Jézu a David valé Abraam kululazan nya. Jézu Krist tranu tɔ nɔnɔle lé ke ’ko:

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 2:11

Yee lé é ke ’ko: Mibélizan lé ke Krist nya, Mizan nya, waa yaa ka lɛ kyɔ, David lé fla.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:16

Fɛ lé é ke a gi saawo bɛ, é a ke nɔ ko faa lɛ blɛ nya, yé é zin kiɛre kɛlɛ ko lɛ.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 15:25

Naa, é a lé é pla mi faa nwiin fɔɔ yé é nyanézannu faa pla é wuo.

2 Korɛnt Munu 5:19

Naa, Kazambale a Krist gi, tɛrɛlamunu nanale ebozen va we gi; é ’ka munu lé wesɛrɛ?-?lenu vo lɛ wo nwiin lo, yé é nanale ’é va dére bɛ pa ko lee, léé, ’ko fe.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Kolɔs munu 2:3

Gikinile valé wedɔɔle lé fɛwezannu faa a é yɔɔle yee ɛ gi.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 1:8

Naa, é lé é Be lɛ léé: Bale, wo ’ka dan ilé webleblin si lɛ i lee monomono lo. Ilé plaminwiin soowoli vwii a we tegele vwii nya;

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Weblezannu 13:18

Gakelebale lé lanje a zi pa léé: Mɛmalé i an tɔ ma laa? É a tɔ tɔbɔle nya.