Ézai 9:4 - Kazambale lé Sebe Sauunu 1979

⁴ Naa, guli ma sawala faa koo, Guli ma varɔ faa lé wa burula nyɛ va koo, Wo dan wo vɔ lɛ kyɛ va, Yé kyɛ é wo ble.

Ézai 9:4 ပူးပေါင်းရင်းမြစ်များ

Wepélisiananu 27:40

I dan ilé fɛ blele ye lɛ ilé gwɔun ma Yé i dan kɛlɛ lɛ i zuané wuozan nya. Naa, dé i vo kuunna fɔɔ yé i si alé se wuo, Bale lé é a vɔ i bɔrɔ ma, i dan a kini lɛ.

Lɛrɛvɔ Sɛbɛ 125:3

Naa, mi nyanénu ’ka dan pla lɛ mi tegelenu lé tɛrɛ nwiin yifaama lo, Dé mi tegelenu é da kɛlɛ weple kɛlɛzannu nya.

Lɛrɛvɔ Sɛbɛ 81:6

Bléyian va lé é nwa Éjipiti tɛrɛ ma, É yee valé Jozɛfu dɔlawe fe, Dére do lé maa ’ka a dɔɔa lo, maa a ’ma.

Ézai 10:16

Bɛwemalé Asirinu nwiinzan lé sunyanu lé wo fuu ke wo ta, Mizan lai sunyanuzan é dan wo kwéé lɛ. Wenuan ma lé Asirinu nwiinzan kɛlɛ blɛn, é dan kyɛ sɔn lɛ wo wuo yé alé kyɛ lɛ é dan si lɛ.

Ézai 10:5

Asiri munu, anlé blifli vlewɔlɛ, wenaané ’é kɛlɛ ka lɛ ma. Vlewɔlɛ lé ke a lee, é a anlé bliflile nagɔɔnfɛ nya.

Ézai 14:25

Maa dan Asirinu ’wii lɛ anlé tɛrɛ la; maa dan wo zɔn lɛ an gane nya anlé gɔnu nwiin; maa dan wolé luubale kini lɛ anlé munu bɔrɔ ma, yé maa dan wolé kɔné si lɛ wo nwiin.

Ézai 16:4

Moab munu lé ke lulazannu nya, ’i zi nɔ wo lɛ léé, wo nyana i va. ’I wo yɔɔ misɛrɛzan lee. Naa, yaale mi ta é dan nyaa lɛ, yé fɛ sɛrɛle é dan nyaa lɛ. Mi lé é tɛrɛ zɔn é gane nya, a ta é dan saan lɛ.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 51:13

Yé Gakelebale lé é lanu fwila, ’té é tɛrɛ gane vɔ, ’Té é biibozen kɛlɛ, yé i gi é san ’bɛ maa? Yé yaamitazan lé ke kwa kulina léé, ’é i gyɛ, Mɛmalé i ma é vo nyɔɔnna ’bɛ lé bliflile lee yifaamaa? Yaamitazan lé bliflile a mɛ ɛ nyaa?

Ézai 52:2

’Ka nwa, ’ka vungoi si ka ma, ’ka ma puo. Jérusalɛm munu, ’ka nyana ka pa gi. Siɔn munu, luugizannu, ’Ka luubale si ka bɔrɔ ma.

Ézai 54:14

We tegele é dan i dɔ lɛ gligli; I kanamawe ’ka lo, amalé gibɔrɔ ’ka i ma lo. Kana blɛn ’ka dan bié lɛ i lɛ é pu lo.

Ézai 9:5

Naa, wo né do yaa ko lɛ, Bale négɔné do nɔ ko lɛ, É dan pla lɛ munu nwiin, Wo dan a laa lɛ, lɛamazan, weplamilɛzan Bale plɛplɛ, Lɛɛfaama Ti, vole drɔɔ ’wuo.

Jérémi 30:8

Lai sunyanu lé Gakelebale léé: ’Bɛ yi ’ko la an dan alé luubale kini lɛ i bɔrɔ ma, yé maa dan i yerebalenu kini lɛ, yé i ’ka dan pla lɛ bɛnnu wuo é dɛrɛ lo.

Jérémi 48:17

Ka faa lé ka a zi lɛ sɔɔ, Yé ka a tɔ dɔɔ, ’Ka wuvɔ a ta, ’Ka fe léé: É kɛlɛ kaa yé alé plaminwiin soowoli vwii plɛplɛ lé, a tɔ ke é bɔle, yé é yélii?

Lévinu 26:13

Maa a Gakelebale nya, kalé Bale lé é ka si Éjipiti tɛrɛ la, ’té é ka si luu gi, maa a a nya; maa luubale kini ka ma, yé maa yara si ka ’wuo ma, ’té ka tawoo ka yara biéle nya.

Naum 1:13

Anlé bɛn, sin, an dan alé luubale si lɛ i bɔrɔ ma, yé maa dan i yerebalenu kini lɛ.