Ézai 9:3 - Kazambale lé Sebe Sauunu 1979

³ I luubale kini wo bɔrɔ ma, Wo blayili koo, Yaawotazannu lé vlewɔlɛ koo, I wo yéli, i Madian zé kɛlɛ fɛan zo yi la, a zo, amalé wo gi nana.

Ézai 9:3 ပူးပေါင်းရင်းမြစ်များ

Néémi 9:23

I wo benu fan bélé lagi monénénu zo, yé tɛrɛ lé bé fe wo tranu lɛ léé, wo dan a si lɛ wozé nya, i bɔ wo va yé wo nyana a ta.

JOB (Job) 12:23

Éé bɛnnu ’léé gi gya, yé éé wo kulu gaan; Éé wo sɔɔlaan fɛfaana baa, yé éé dan wo nya ’wo glɛ la.

Lɛrɛvɔ Sɛbɛ 107:38

É wo drɔɔ vo yé wo faan Yé é ’ka wolé winu ’léé zana a gi lo.

Lɛrɛvɔ Sɛbɛ 119:162

An gi éé nanaan i dére lé we ma, Bélé mian é gulizarafɛ kiɛre ye, a zo.

Lɛrɛvɔ Sɛbɛ 4:7

Mi kiɛre léé: De ɛ dan wezin kɛlɛ lɛ ko lɛɛ? Gakelebale, ’i yara nwa yé a san ’é bi ko ta ma.

Ézai 10:26

Lai sunyanu lé Gakelebale é dan plén duun lɛ a lɛ, é Madian munu gyɛ Orɛb gɔlɛ lé fɛna fɛan zo, a zo. É yili nwa wɛyi ta fɛan zo Éjipiti tɛrɛ la, é dan a nwa lɛ wo ma a zo.

Ézai 12:1

Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

Ézai 14:5

Gakelebale mi nyanénu lé yili yéli; é plakonwiinzannu lé vlewɔlɛ yéli.

Ézai 25:9

’Bɛ yi la, wo dan a fe lɛ léé: Ka ye, ko pale a kolé Bale ’ko, yee ɛ ta, yee ɛ ko sié we gi; ko pale a Gakelebale ’ko, yee ɛ ta; kaa gi ’é nana ma, ko gi ’é nana alé ko sile we gi we ma.

Ézai 26:15

Gakelebaleoo Gakelebale, ’i munu kɛlɛ kiɛre; ’I munu kɛlɛ kiɛre, ’i tɔbɔle nagɔɔn, ’I tɛrɛ glɛ faa buru so é zuo.

Ézai 35:10

Munu lé Gakelebale wo tabo, wo dan nɔla lɛ yee zi ’léé, Wo dan go lɛ Siɔn guliwuovolɛ lɛrɛ vɔle nya, Yé ginanale lé a glɛ ’ka lo, é dan kɛlɛ lɛ bélé tɔkoro zo wo ’wuo ma; Gidrɔɔ valé ginanale é dan kɛlɛ lɛ wozé nya, Gikyɛdɔle valé dunnule é dan si lɛ ana.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 54:1

Bii sɔnzan lé i ’ka né yaan lo, i gi ’é nana, Bii lé i ’ka vɔle lu zi dɔɔa lo, ’i fɔrɔ ginanale blɛn nya; Naa, lebɔrale benu é dan kɛlɛ lɛ kiɛre Yé é mini bofla le benu ta, azama. Gakelebale ɛ fe.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 61:7

Ka dan tɔnɔ ble lɛ gɔnɔ fié, serele bole ka ma pa gi; Wo gi é dan nana lɛ, yaragyɛwe lé é bɔ wo ma, ’bɛ pa gi; Wo dan tɔnɔ ble lɛ gɔnɔ fié wolé tɛrɛ la, Yé wo ginanale glɛ ’ka lo.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Ézai 65:18

A fila vɔ léé, ka gi ’é nana ginanale blɛn nya, we lé maa dan a kɛlɛ lɛ, a we ma. Naa, maa dan Jérusalɛm kɛlɛ lɛ mi ginanale baba we ma, yé maa dan a tamunu kɛlɛ lɛ ginanazannu nya.

Ézai 66:10

’Kaa faa lé Jérusalɛm sɔ ka lɛ, Ka gi ’é nana a tamunu va ma, ’É kɛlɛ ka ginanamazan nya. ’Kaa faa lé ka a gyɛ bo, Ginanale ’é ka kun a va, léé,

Jérémi 31:7

Naa, Gakelebale léma: ’Ka siaa ginanale nya Jakɔb lé we ma, Ka lé ka ke bɛnnu ’lɛ, ’ka siaa ginanale blɛn nya; ’Ka dére nwa, ’ka Bale tɔmagyɛ‐lɛrɛ vɔ, yé ’ka fe léma: Gakelebale, ’ilé munu si we gi, Izraɛl munu lé wo vo, wo lé.

OZÉ (Osée) 4:7

Dé woo Balebanzannu go fanle nya ’té wolé wenyané gi éé goo gyɛle nya; maa dan wo tɔbɔle nɔla lɛ yaragyɛwe nya.

Lévinu 26:13

Maa a Gakelebale nya, kalé Bale lé é ka si Éjipiti tɛrɛ la, ’té é ka si luu gi, maa a a nya; maa luubale kini ka ma, yé maa yara si ka ’wuo ma, ’té ka tawoo ka yara biéle nya.

Zakari 10:8

Maa wo tabo, amalé maa dan ’furu fɛn lɛ wo lɛ yé maa wo zén ékeva, Yé wo dan fan lɛ bélé é vinin zo.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

WENÉNÉ LÉ LUK A GYE (Évangile selon Luc) 11:22

Naa, mian ’bɛ plɛplɛ mini a ta, dé ’bɛzan da, dé ’bɛ a kele, alé gulidanfɛnu faa lé a bli ke wo lɛ bɛ, ’bɛ éé wo sié yé ’bɛ éé a pagifɛnu gulian gulizara nya.

Kelewenu 8:8

Yé fla ’ko la munu gi nana é baba.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

Weblezannu 5:3

Minwiinmunu, ’ka tɔné dɔ! Mi blɛnnu, ’ka an ban ka tɔné nya. Maa dan lɛrɛ vɔ lɛ, iin, maa dan lɛrɛ vɔ lɛ Gakelebale lɛ, Maa dan lɛrɛ vɔ lɛ Gakelebale, Izraɛl zé Bale lɛ.

Weblezannu 7:22

Mi wuru do yɔ soru béli fɛn é ziin; yé Gakelebale a kɛlɛ léé, wo gwɔun so a gi wo ke ma sɔkɔn gɔrɔ faa gi. Sɔkɔn gi munu fwila fɔɔ Bɛt‐Sita, Séréra vazia, fɔɔ Abɛl‐Méola, Tabat sɔnɔ.

Weblezannu 8:12

Zébak valé Salmuna vɔ fli gi; Jédéɔn wo zuo bin yé é Madian munu nwiinzan fiénu, Zébak valé Salmuna kun yé é sunyanu faa fwila.

1 Samuɛl 30:16

Yé é kɛlɛ zigɔɔnzan nya David lɛ. Yé bé ye, Amalɛk munu a é nwɛɛnle fɛfaana, ’té woo fɛ blé, ’té woo fɛ minian, ’té woo nɛnɛ boo, zarafɛ lé wa si Filisitinu valé Juda lé tɛrɛ la, alé gi nanale we ma.