Ézai 9:18 - Kazambale lé Sebe Sauunu 1979

¹⁸ Lai sunyanu lé Gakelebale lé bliflile éé tɛrɛ ta kyɛ dɔa yé munu a bélé kyɛblefɛ zo; mi do kpen ’ka é bwe vo lo.

Ézai 9:18 ပူးပေါင်းရင်းမြစ်များ

1 Minwiinzannu 16:21

Yé Izraɛl lé munu gi bɔi fié; a lɛ do a a va léé, wo Ginat be Tibini kɛlɛ minwiinzan blɛn nya, yé a lɛ do dɔ Omri zuo.

Lɛrɛvɔ Sɛbɛ 37:20

Naa, mi nyanénu é dan zamaga wo lɛ, Yé Gakelebale nyanézannu é dan san lɛ bélé winu lé lublele zo, Wo ta é dan saan lɛ bélé kyɛgoi zo.

Lɛrɛvɔ Sɛbɛ 68:2

Dé Bale nwa, a nyanézannu éé kinié ékema, Yé a mazannu éé fwilaan a ’lɛ.

Lɛrɛvɔ Sɛbɛ 83:14

Anlé Bale, ’i wo kɛlɛ bélé barikoko giéle zo, Bélé lɔɔ lé fu a sian, a zo.

Ézai 1:31

Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 27:4

’Bɛ ’ka ’nana an ma lo, naa, dé maa ka ye danan valé léliyilinu nya, maa dan guli dan lɛ ka va; maa dan nwa lɛ ka ma, yé maa dan ka faa kyɛ ble lɛ ékeva,

Ézai 3:5

Yaale mi ta é dan kɛlɛ lɛ munu méléna. Wo dan yaa lɛ wo ke ta, yé mi faa do do é dan yaa lɛ é bɔluzan ta. Pɛniɛ é dan guli vɔ lɛ mi segele lɛ, yé boazan é dan guli vɔ lɛ tɔzan lɛ.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 33:12

Munu é dan kɛlɛ lɛ bélé wiwɔlɛ yee zo; wo dan kɛlɛ lɛ lélinu lé wo wo bɔi yé wo wo vɔ kyɛ va, ’té wo kyɛ éé blé, wo zo.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Ézai 5:24

Bɛwemalé, kyɛnɛnɛ éé ’sapɛɛ blé fɛan zo yé kyɛ éé lugale blé fɛan zo, a zo lé wo suni é dan vɔn lɛ yé wo vwi é dan san lɛ bélé vungoi zo; naa, wo serele bo lai sunyanu lé Gakelebale lé bélidɔwe ma yé wo nyé yéli Izraɛl lé Bale sauun dére ma, azama.

Ézai 50:11

Ka faa lé ka kyɛ bi, ’Té sonakyɛ a ka lee, ’Ka tawo kalé kyɛnɛnɛ valé kalé sonakyɛ san va, An dan we bɔ lɛ ka ma, Ka dan yia lɛ kleblele nya.

Jérémi 9:3

Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

OZÉ (Osée) 13:3

Wo dan kɛlɛ lɛ bélé bladi lati zo, bélé fli lé éé bélié, a zo, bélé ’sapun lé fu a sié ’sa sunwona, a zo, bélé kyɛgoi lé éé bɔraan fɛnɛti ta, a zo.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Joɛl 2:3

Kyɛ lé éé fɛnu blé é a wo ’lɛ, Yé kyɛnɛnɛ lé éé fɛnu waan, ’bɛ a wo zuo; É vinin ’té tɛrɛ a bélé Édɛn zianféi zo, A zuo tɛrɛ la vo yuoyuo, Fɛ do kpen ’ka soo wo lee lo.

Amɔs 7:4

Mizan Gakelebale we do gɔɔn an lɛ yuɛzi gi. Ka yua, Mizan Gakelebale a we lɛdɔle mi gi kyɛ nya zana dɔɔna, yé kyɛ a blena guru blɛn gi, yé féi kyɛ a blena.

Abudias 1:18

Jakɔb lé munu é dan kɛlɛ lɛ bélé kyɛ zo, Yé Jozɛfu lé munu é dan kɛlɛ lɛ bélé kyɛnɛnɛ zo, Naa, Ézau lé munu é dan kɛlɛ lɛ lɔɔ zo, Yé wo kyɛ é dan vɔ lɛ lɔɔ ’léé, yé a kyɛ é ble, Yé Ézau lé mi do kpen ’ka dan vo lɛ ana lo, Naa, Gakelebale ɛ fe.

Naum 1:10

Naa, kyɛ é dan wo ble lɛ Bélé lɔɔ gale zo tata. Wa é vurule ékema bélé lélinu zo, Bélé munu lé nwɛ éé wo gya, wo zo, azama.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Ébrunu 6:8

Naa, dé éé léliyilinu valé goligyɛné baan, ’té é a sɔnvɔma tɛrɛ lé, é vo sɛ yé wo bale pa a ma, a nya. Alé we é dan nyaa lɛ a kyɛblele nya.

Wegɔɔnle 14:11

Yé munu lé wo dia ’wo bli la wi valé é yili ’lɛ, yé mian a tɔ tɔmase ke é gyɛle a ma, wolé nyanéblele goi é dan nwa lɛ lɛɛfaama yé wo ’ka dan flin lɛ bladi nyanadi lo.