Ézai 8:4 - Kazambale lé Sebe Sauunu 1979

⁴ Naa, dé né ’ko ’ka tan bɔa a fele lɛ an ti valé an bu lo, wo dan go lɛ Damas lé fuafɛnu valé Samari lé gulizarafɛnu nya Asirinu nwiinzan blɛn ’lɛ.

Ézai 8:4 ပူးပေါင်းရင်းမြစ်များ

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 16:9

Asiri nwiinzan blɛn é tɔné dɔ a lɛ; é nwa Damas ma, é a si, é go anamunu nya luu gi Kii, yé é Rɛsɛn gyɛ.

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

Ézai 17:1

Balelawe lé Ézai a fe Damas ma, yee lo. Ka ye, Damas ’ka dan kɛlɛ lɛ fla nya é dɛrɛ lo; é dan kɛlɛ lɛ é ’bin nya é pla.

Ézai 17:3

Guliyɔɔkɔn ’ka Éfraim tɛrɛ la é dɛrɛ lo. Damas lé fuatɛrɛ koo, é ziin; Sirinu lé wo vo, wozé é dan kɛlɛ lɛ bélé Izraɛl munu tɔbɔle zé kɛlɛ fɛan zo, a zo. Lai sunyanu lé Gakelebale ɛ fe.

Ézai 28:4

yé a vwi lé ke wo ’lɛrɛfɛ nya, ’té a ma éé yuruan bɛ, ’té é ke é plale pɛnguru gi tɛrɛ nyɔnɔzan nwiin bɛ, é dan kɛlɛ lɛ bélé bɔrɔyili poro lé é tana é bɔlunu ’lɛ, ’té dé é dia tɔɔn, ’té wa ble é kwakwa, a zo.

Ézai 8:5

Gakelebale we fe an lɛ é ziin yé é léé:

Amɔs 1:3

Gakelebale léma: Damas munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; wo Galaad munu sunwo ratoo blɛn nya, azama.

Amɔs 1:5

Maa dan kɔn lɛ tan foliɛwɔlɛnu yéli lɛ Damas; maa dan Bikat‐Avan tamunu nyaa lɛ, mi lé soowolivwii ke a lee Bɛt‐Édɛn, ’bɛ koo é ziin; yé wo dan go lɛ Sirinu nya luu gi Kii tɛrɛ la. A zo lé Gakelebale a fe.

Jonas 4:11

yé Ninive lé ke fla blɛn nya, ’té mi baa yɔ yaa lé wo ’ka wo bɛyi valé wo bɛbo dɔɔa lo, ’té wo ke ana bɛ, wo valé wi ’léé kiɛre nya, an nyanai ’ka zén‐é ’bɛnu ta loo?

Rom munu 9:11

Kazambale lé mi va?-?vobɛ lé ke ’ko: é ’ka mi sié a va wo kɛlɛwenu ma lo, éé wo laan é wo. ’Bɛ lé we ma lé, dé Rébéka ’ka tan nénu ’ko yaa lɛ lo, ’té nénu ’ka tan wenyané valé wezin kɛlɛ lɛ lo, Kazambale lé Rébéka lɛ léé, a vininzan é dan pla lɛ é zuané wuo. ’Bɛ a gɔɔn léé, Kazambale dɔ ézé ta tegele.

Bélidɔwesɛbɛ Fiézan 1:39

Kalé né kiénénu lé ka wo mawe fe léé, wo dan kɛlɛ lɛ gulizarafɛnu nya, wo ɛ dan wɔra lɛ ana; ka benu lé wo ’ka wezin valé wenyané va sina dɔɔa tan lo, wo ɛ dan wɔra lɛ ana; maa dan a nɔ lɛ wo ɛ lɛ; é dan kɛlɛ wo ɛ zé nya.