Ézai 8:14 - Kazambale lé Sebe Sauunu 1979

¹⁴ É dan kɛlɛ lɛ miyɔɔna nya, naa, é dan kɛlɛ lɛ é ziin mi sɔnésanmagɔlɛ nya, yé é dan kɛlɛ lɛ Izraɛl lé kɔn fié gimunu diagɔlɛ nya. É dan kɛlɛ lɛ Jérusalɛm munu kunséli valé wo kunsan nya.

Ézai 8:14 ပူးပေါင်းရင်းမြစ်များ

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

WENÉNÉ LÉ LUK A GYE (Évangile selon Luc) 2:34

Siméɔn wo drɔɔ vo yé é lé né bu Mari lɛ léé: Bé ye, Bale né ’ko dɔ Izraɛl mi kiɛre saanzan valé wo drɔ?-?zan nya é ziin, yé é a dɔ tɔmase lé wo dan za vɔ lɛ a ta, a nya,

Ézékiɛl 11:16

Amalé bé fe léma: Mizan Gakelebale léma: Dé maa wo vo é sile ka ma baa bɛnnu méléna, dé maa wo kini ékema wo nwɛɛnle nya tɛrɛ bɛnu ta, maa dan kɛlɛ lɛ bléyi sɛ nya wo yɔɔna nya, tɛrɛnu lé wo go ana, ana.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Lɛrɛvɔ Sɛbɛ 69:22

Woo yuéi nyɛtoro zén‐é anlé fɛblele va Yé woo dɔrɔ tɔndɔle no an lɛ ’yiminilɔrɔ sile an ma we ma.

Lɛrɛvɔ Sɛbɛ 11:6

Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

Matio 13:57

Yé bli vole Jézu lɛ kɛlɛ wo ma tɔntɔn. Jézu lé wo lɛ léé: Balelayezan lé tɛrɛ la valé alé kɔn gi saa na lé wa yé boazan nya.

Ézai 26:20

Anlé munu, ’ka go kalé kɔn gi, ’ka kɔn lɛ tan ka zuo; ’ka yɔɔ bléyi sɛ nya, fɔɔ yé bliflile é gié.

Rom munu 11:35

De ɛ fɛ nɔ a lɛ é vinin yé ’bɛzan lé fɛ yele yara lé é ziin?

WENÉNÉ LÉ LUK A GYE (Évangile selon Luc) 21:35

naa, é dan bɔra lɛ tɛrɛlamunu faa ma.

Ézai 4:6

yé ’é kɛlɛ furɔ nya é yiéyi kyɛyee lee, yé ’é kɛlɛ mi yɔɔna nya lɛɛ valé fu plɛplɛ lee.

Matio 21:44

Mian é dia gɔlɛ ’ko ta, azan é dan faa lɛ, yé mian gɔlɛ ’ko dia a ta, azan é dan wii lɛ.

Lɛrɛvɔ Sɛbɛ 140:5

Gakelebale, ’i an tabin mi nyanénu lee. ’I an tabin glazannu lee, Woan wo ke kwa kulina léé, ’wo an dia, wo lee.

Ézai 7:16

Naa, dé né ’ko ’ka tan sɔnvɔle wenaané ma valé wezin sile a va gi dɔɔ lɛ lo, minwiinzan fiénu lé ka ke kanana wo lee bɛ, wolé tɛrɛ é dan kɛlɛ lɛ bwi nya.

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 59:10

Ko bɛ daan, bélé yuɛwiizan ɛ ke é bɛ danna kɔnguru ma; ko bɛ daan bélé mi lé a yuɛ ’ka lo, a zo; ko sɔné éé saan é yiéyi bélé béli lé; ko a fɛ kiɛre méléna, ’té ko a bélé migalenu zo.

Jérémi 6:21

Amalé Gakelebale léma: Maa dan misaangɔlɛnu pla lɛ munu ’konu ’lɛ; nénu valé ’wo tinu sɔné é dan san lɛ ékeva; béé valé béénu sɔné é dan san lɛ a ma yé wo dan zamaga wo lɛ.

Ézékiɛl 3:20

Dé mi tegele do si élé we tegele kɛlɛle zuo yé é wenaané kɛlɛ, maa dan san pla lɛ a ’lɛ, yé é dan ga lɛ; i ’ka we lɛ kini lɛ a lɛ lo, amalé é dan ga lɛ élé wenyané nya é lee. Alé we tegele lé é a kɛlɛ, wo ’ka dan ’bɛ fe lɛ é dɛrɛ lo, yé maa dan a gawe dɔ lɛ i nwiin.

Jozué 10:7

Jozué koo, gulidanmunu faa koo, blitaplɛplɛ munu faa koo, wo nwa Gilgal.