Ézai 8:10 - Kazambale lé Sebe Sauunu 1979

¹⁰ ’Ka gi bɔrɔ, é dan kɛlɛ lɛ ka ma we pla nya. ’Ka fe munu lɛ léé, ’wa kɛlɛ ’koo, ’wa kɛlɛ ’koo, a faa é dan vo lɛ é pla. Naa, Bale a ko va, azama.

Ézai 8:10 ပူးပေါင်းရင်းမြစ်များ

Wepélisiananu 21:22

’Bɛ bléyi va Abimélɛk élé sunyanu nwiinzan Pikɔl pa é va yé é go yé é lé Abraam lɛ léé: Kazambale a i va ilé we faa kɛlɛle gi.

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:23

Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

2 Samuɛl 17:4

Dére ’ko sɔ Abusalɔm valé Izraɛl mi segelenu faa lɛ.

2 Minwiinzannu 6:12

A wuomunu va mi do léé: Anzan, minwiinzan, mi do kpen kaan lo; naa, we lé bé fé i yiakɔn gi, balelayezan Élizé lé ke Izraɛl tɛrɛ la, yee ɛ zuo fé Izraɛl minwiinzan lɛ.

2 Minwiinmunu lé Wezuofe Sɛbɛ 13:12

Bé ye, Bale valé é banzannu a ko va ko zi ’lɛzannu nya, yé bélinu lé wo dére zuo gi éé wé, wa ko lee, léé, wa fɛn ka ma. Izraɛlnu, té ka guli dan Gakelebale ka tranu lé Bale va lo, naa, a va ’ka dan gyɛ lɛ ka lɛ lo.

JOB (Job) 5:12

We lé é dɔ dablizan gi léé, ’é dan kɛlɛ lɛ, Bale a kɛla we pla nya, Yé a lɛ ’ka sɔɔan a lɛ lo;

Lɛrɛvɔ Sɛbɛ 21:12

Wo ’wo gi naané bɔrɔ i ma, Yé i ma wenyané dɔ wo gi, naa, wo lɛ ’ka lo.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 46:8

Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

Wegɔnévɔlenu 21:30

Dé é a wedɔɔle nyaoo, dé é a gikinile nyaoo, dé é a weplale nyaoo, wo vazan do kpen ’ka bɔa dɔle lɛ Gakelebale ma lo.

Ézai 14:27

É dɔ lai sunyanu lé Gakelebale gi ’ko zo, de ɛ dan dɔ lɛ a maa? A bɛ lé é a soi, mi kyɛn ɛ dan a pla lɛɛ?

Ézai 28:18

Ka gi lé ka pa do ga va, maa dan ’bɛ sɛrɛ lɛ. Ka ’ka dan nana lɛ mipagurunu nya é dɛrɛ lo. Dé migyɛgyɛ da é dan ka ’wii lɛ.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 8:8

É dan go lɛ Juda tɛrɛ la, yé é dan ana mini lɛ fɔɔ yé é bɔ mi bɔrɔ ma. Yiba, Émanuɛl, é dan é bɛa soi lɛ yé é dan ilé tɛrɛ faa ta bua lɛ.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 42:11

Gakelebale léma: Té ka kana Babilɔn nwiinzan blɛn lee lo. É vinin ka kana a lee; té ka kana a lee sin lo. Naa, maa a ka va ka sile we gi we ma, ’é valé ka sile a lee we ma.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi Lé Wuvɔ Sɛbɛ 3:37

De ɛ bɔa a fele lɛ léé, we ’ko é dan bɔ lɛɛ? ’Té dé Mizan ’ka a nyi si lɛ lo.

Joɛl 3:9

’Ka we ’konu zana dɔɔ bɛnnu va. ’Ka ma’lɛrɛ gulidanle we ma. ’Ka nyanazannu vuo. Gulidanmunu faa ’wo bié ma; ’wo gɔ gié ma.

Agajé 1:13

Agajé lé Gakelebale a pa zia, é Gakelebale dére fe munu lɛ léma: Gakelebale léma: Maa a ka va.

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Rom munu 8:13

Dé ka tawo dɔbɛ kyɛn lé blibɔmawe yɛrama, ka dan ga lɛ; naa, ka kɛlɛwe naanénu lé wo ka kun, dé ka wo yi ga kabo lee Kazambale Léli lé plɛplɛ nya, ka dan béli lɛ,

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

1 Jan 4:4

’Kaa, anlé né kiénénu, ka a Kazambale zé nya. Yee lé é ke ka gi é a plɛplɛ é mini yee lé é ke tɛrɛ la, a ta, bɛwemalé ka viebalelayemunu kele.