Ézai 7:9 - Kazambale lé Sebe Sauunu 1979

⁹ Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Ézai 7:9 ပူးပေါင်းရင်းမြစ်များ

2 Minwiinzannu 15:27

Juda nwiinzan blɛn Azaria lɛɛ yɔ fié wɔlɛ vu ta fiézan nya, Rémalia be Pékas pla Izraɛl nwiin Samari. É pla wo nwiin lɛɛ yɔ do.

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Ézai 5:24

Bɛwemalé, kyɛnɛnɛ éé ’sapɛɛ blé fɛan zo yé kyɛ éé lugale blé fɛan zo, a zo lé wo suni é dan vɔn lɛ yé wo vwi é dan san lɛ bélé vungoi zo; naa, wo serele bo lai sunyanu lé Gakelebale lé bélidɔwe ma yé wo nyé yéli Izraɛl lé Bale sauun dére ma, azama.

Ézai 7:10

Gakelebale we fe Akaz lɛ é ziin yé é lé a lɛ léé:

Ézai 7:4

Bé fe a lɛ léma: ’I dɔ flee, té i kana we do kpen lee lo. Té nyɛ é ’wii i zuru va kyɛ pééné fié lé wo goi éé bɔa é pla, wo lee lo; ’bɛ gi léé, Rɛsɛn koo, Sirinu koo, Rémalia be koo, té nyɛ é ’wii i zuru va ’bɛnu lee lo.

Ézai 8:4

Naa, dé né ’ko ’ka tan bɔa a fele lɛ an ti valé an bu lo, wo dan go lɛ Damas lé fuafɛnu valé Samari lé gulizarafɛnu nya Asirinu nwiinzan blɛn ’lɛ.

Ézai 9:9

Brikikɔn zana, naa, ko dan gɔlɛ ma nyaale kɔn dɔ lɛ; wo sikomɔyilinu vɔ, naa, ko dan sɛdrɛyilinu suru lɛ wo pa gi.

Jérémi 43:2

Oozé be Azaria koo, Karéak be Jokanan koo, boblɛnmunu faa koo, wo lé Jérémi lɛ léé: I a vié wona. Gakelebale kolé Bale ’ka a fe lɛ i lɛ léé, té ko go nyana Éjipiti tɛrɛ la lo lo.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Kelewenu 27:11

Sunyayɔsoru ’lɛzan é tɔné dɔ ’yitagorovɔzan valé ’yitagorozan dérenu lɛ, yé é ’ka é tɔné dɔ lɛ Pɔl zé lɛ lo.

Kelewenu 27:25

Bɛwemalé, ’ka bli ta dɔ plɛplɛ. An bli a Kazambale lɛ léé, é a fe an lɛ fɛan zo, é dan a kɛlɛ lɛ a zo.

Rom munu 11:20

’Bɛ a webozen nya; wo ’ka wo bli pa lɛ lo, amalé wo wo bɔi yé bii a é dɔle blipale nya. Té ibo kɛlɛ blɛn lo ma; ’i kana.

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.